Access ma’lumotlar bazasiga nafaqat boshqa formatdagi ma’lumotlar bazasini balki, Access ma’lumotlar bazasining alohida jadvallarini qo‘shish mumkin. Bunday jadvallarni qo‘shish protsedurasi quyidagicha:
Файл, Внешние данные, Связь с таблицами (File, Get External Data, Link Tables) buyrug‘ini yoki kontekst menyuning shu nomli buyrug‘ini tanlang.
Hosil bo‘lgan Связь (Link) muloqot oynasida kerakli jadvalni o‘z ichiga olgan MDB fayl joylashgan papkani oching. Ochilgan Тип файла (Files of type) ro‘yxatidan Microsoft Access (*.mdb; *.adp; *.mda; *.mde; *.ade) ni tanlang (odatda fayl turlari ro’yxatda oldindan o’rnatiladi). MDB faylini belgilab Связь (Link) tugmasini bosing. Связь с таблицами (Link Tables) muloqot oynasi paydo bo‘ladi.
Bu oynaning jadvallar ro‘yxatida joriy ma’lumotlar bazasi bilan qo‘shilishi zarur bo‘lgan jadvallar nomlari tanlansin. Barcha jadvallarni tanlash uchun Выделить все (Select All) tugmasi bosilsin. ОК tugmasi bosilsin. Связь с таблицами (Link Tables) muloqot oynasi yopiladi, tanlangan jadvallar esa qo‘shiladi. Ularning nomlari ma’lumotlar bazasining oynasida paydo bo‘ladi.
Agar qo‘shilgan jadvallar o‘z ma’lumotlar bazasida bog‘langan bo‘lsa, u holda ular orasidagi bu aloqa ular qo‘shilgan ma’lumotlar bazasida ham saqlanadi. Bu aloqalarning xossalarini o‘zgartirish yoki ularni o‘chirish faqatgina o‘zining ma’lumotlar bazasida mumkin xolos.
Access ning boshqa ma’lumotlar bazasi jadvallarini import qilish qo‘shish kabi bajariladi. Faqatgina menyuning Файл, Внешние данные, Импорт (File, Get External Data, Import) buyrug‘i va Импорт (Import), Импорт объектов (Import Objects) muloqot oynalari ishlatiladi.
