O‘zbekiston respublikasi oliy va o‘rta maxsus ta’lim vazirligi begzod Xodjayev, Abdushukur Choriyev, Zuxra Saliyeva pedagogik tadqiqotlar metodologiyasi toshkent – 2018

5-jadval.

Tadqiqot obyekti va predmeti: metodologik xatoliklar

Tipik metodologik xatoliklar	Pedagogik tadqiqot obyekti va predmeti
Predmet obyektning bir qismi sifatida	Obyekt – “ta’lim mazmuni”, predmet – ta’lim mazmunining majburiy komponenti. Mazkur holatda “katta” va “kichik” obyektlar mavjud. Ta’lim mazmunining majburiy komponenti qaysi jihatdan tadqiq etiladi? Tadqiqotning predmeti esa noma’lum bo‘lib qolmoqda.
Predmet obyekt sifatida	Predmet – “boshlang‘ich sinf o‘quvchilarida olam haqidagi tasavvurlarning shakllanishi”. Aslida mazkur holat obyektiv jarayon. Tadqiqot doirasining predmeti esa aniq emas.
Obyekt va predmet boshqa-boshqa fanlar tadqiq doirasi	Pedagogik tadqiqot obyekti – “ijtimoiy-maishiy ertak” (bolalar folklori), predmet - ... axloqiy tasavvurlarning rivojlanishi (psixologiya).
Obyekt va predmet tadqiqot maqsadi va vazifasi sifatida	Obyekt – “... rivojlantirish konsepsiyasi”, predmet – “rivojlantirishning tashkiliy-metodik asoslari”. Ko‘rinib turibdiki, “konsepsiya”, “nazariya” va “metodika” aslida tadqiqot natijasidir.

Tadqiqot obyekti va predmetini aniqlashtirishga doir misollar.

1. 
   
   Didaktik tavsifdagi mavzuga doir.
   

Tadqiqot mavzusi: Umumta’lim maktabi o’quvchilarida tarixiy tafakkurni modernizatsiyalashgan ta’minot vositasida rivojlantirish.