O’zbekiston respublikasi oliy va o’rta maxsus ta’lim vazirligi mirzo ulug’bek nomidagi O’zbekiston milliy universiteti
Fizika fakulteti F-1907 guruh
talabasi IBODULLAYEV AKMAL
Umumiy fizika kafedrasiga topshirish uchun taqdim etgan malakaviy amaliyot
HISOBOTI
Toshkent-2022
UMUMIY FIZIKA KAFEDRASI 1969 yili tashkil etilgan "Fakultetlararo umumiy fizika ", 1976 yilda tashkil etilgan "Fizikani o’qitish uslubi va Tarixi" va 1955-yil faoliyatini boshlagan "Atmosfera fizikasi" kafedralari 2005 yili birlashtrilib, "umumiy fizika, fizikani o’qitish uslubi va atmosfera fizikasi" kafedrasi tashkil etilgan va 2011-yildan “Umumiy fizika” kafedrasi deb yuritilmoqda. Universitet tashkil etilgan kundan boshlab “Fizika” kafedrasi o’z ishini boshlagan. Kafedra ishni rivojlantirishga taniqli olimlar N. N. Zlatovratskiy, A. E. Levashev, N. V. Krimenevskiy, L. N. Dobretsovlar katta hissa qo’shganlar. 1936 yil "Fizika" kafedrasi qoshida "Eksperimental fizika" kafedrasi tashkil etildi. 1936 -1965 yillar orasida "Eksperimental fizika" kafedrasi atoqli olimlar S. V. Starodubtsev, J.N. Shuppe, S.U. Umarov, I. I. Islomov va I. Andreevlar mudurlik qildi. Dotsent R. K. Karimov 1965-1969 yillar davomida "Eksperimental fizika" kafedrasining faoliyatini boshqardi. Kafedra qoshidagi o’quv laboratoriya jihozlarini yangilashda, mavjud ishlarni takomillashtirishda va yangi laboratoriya ishlarini qo’yishda katta tashabbus ko’rsatdi. 1969 yili "Eksperimental fizika" kafedrasi ikkiga bo’lindi: Fizika fakulteti talabalari uchun "Eksperimental fizika" va Tabiy fakultet talabalari uchun "Fakultetlar aro umumiy fizika" kafedrasi sifatida. 1969-1989 yillar davomida "Eksperimental fizika " kafedrasini dots. U. V. Azizov, 1989-1995 yillarda esa Prof. I. Bo’riboev boshqardi. "Fizika o’qitish uslubi va tarixi" kafedrasi 1976-2004 yillarda Prof. E. N. Nazirov boshqardi. 1969-1991 yillar davomida "Fakultetlararo umumiy fizika" kafedrasini qattiq jismlar fizikasi va kimyosi sohasidagi atoqli olimlar prof. M.A.Marupov boshqardi . Prof. M.A.Marupovning Universitetlarda va umumiy oliy maktabda fizika fanini o’qitishni takomillashtirish borasidagi xizmatlari alohida diqattga sazovor. 1991 yildan 2012 yilgacha kafedraga prof. U.Abduraxmonov mudirlik qilgan . 2012 yildan 2013 yilgacha kafedra mudiri prof. A.V. Umarov va 2013 yildan D.A. Begmatova ushbu kafedrani boshqarib kelmoqda.