O’zbekiston respublikasi oliy va o’rta maxsus ta’lim vazirligi namangan davlat universiteti

 
369. O’rik domla, To’pponcha polvon, Yog’och polvon obrazlari qaysi asar 
qahramonlari hisoblanadi? 
O’rik domla, To’pponcha polvon, Yog’och polvon obrazlari Said 
Ahmadning “Cho’l burguti” asari qahramonlaridir. Cho’llarni o’zlashtirayotgan 
oddiy odamlarning ajoyib fazilatlari bu hikoyada ochib berilgan. Bu odamlarning 
bir-biriga o’xshamaydigan xarakterlari, o’ziga xos jonli obrazlari yaratilgan. Yoz-

---

yovonlik cho’l burguti Rahimjon , cho’lni bog’u rog’ga aylantirib,o’lkamizni 
shirin-shakar mevalarga yanada serob qilishni hayotning maqsadi deb bilgan 
maslakdoshlari hayoti ajoyib lavhalarda tasvirlangan. 
370. Said Ahmadning sobiq Ittifoq davrida bo’lib o’tgan fojiali voqealar 
ta’sirli, aniq ko’rsatilgan asarlari qaysilar? 
Said Ahmad hikoyalari fikrning aniqligi, sujetning qiziqarliligi, uslubning 
ravonligi, tilning pishiq va obrazliligi bilan o’quvchilarga g’oyat manzur bo’lgan. 
Buni adibning mustaqillik davridagi ijodi ham tasdiqlaydi. 30 dan ortiq hikoyalari 
shu davrda yaratildi. Bular haqida fikr yuritib adibning o’zi: “Mening o’ylashimcha 
va ko’plab gazetxonlar fikricha, ushbu hikoyalar so’nggi yillarda yaratilgan eng 
yaxshi hikoyalar turkumi bo’ldi”, - deb yozgan edi. Adibning “Sarob”,”Azroil 
o’tgan yo’llarda”,”Qorako’z Majnun” kabi hikoyalari bu fikrimizning yorqin dalili 
bo’la oladi.Bu hikoyalarda sobiq sho’ro davrida bo’lib o’tgan fojiali voqealarning 
yorqin manzaralari ishonarli va ta’sirli qilib ko’rsatilgan.
 
 
371. Said Ahmadning xotira (esse) lardan iborat asari qanday nomlangan? 
Said Ahmad ijodining keying yillarida xotira (esse) lar ham yozdi. Bu bilan 
ijodkorimiz Alisher Navoiy, Bobur, Ogahiy, Furqat va boshqa qator so’z san’at-
korlari an’analarini davom ettirdi. Adibning 1999-yilda yozilgan “Yo’qotganlarim 
va tоpganlarim” asari yorqin xotiralardan iborat.
Ma’lumki, Said Ahmad ko’plab mashhur ijodkorlar bilan uzoq vaqt birga bo’l-
gan, asarda shular haqida ko’rganlarini yozgan. Kitobning birinchi bobida ustozlari 
va yaqinlari – Oybek, G’. G’ulom, A. Qahhor, Maqsud Shayxzoda, Shuhrat, Saida 
Zunnunova, temirchi Usta Amin bobo, A. Muxtor, Turob To’la, O’. Umarbekovlar 
haqida, ikkinchi bobida O’. Hoshimov, N. Aminov, T. Murod, N.Fozilov, M.Qori-
yev, To’lan Nizom kabu bugungi kunda yetuk yozuvchi bo’lgan, xalq hurmatiga 
sazovor bo’lgan yozuvchilar, shogirdlari to’g’risida qaynoq fikrlar bayon qilingan. 
2003-yilda yozilgan “Kiprikda qolgan tong”, “Umrim bayoni” kabi qator asarlari 
ham esse va xotiralardan iborat.