O’zbekiston respublikasi oliy va o’rta maxsus ta’lim vazirligi nizomiy nomidagi toshkent davlat pedagogika universiteti ta’lim menejmenti

Ta’limiy ehtiyojlar – ta’lim oluvchiga hayotiy muhim muammloarin hal qilishi uchun zarur bo‘lgan bilim, malaka, ko‘nikma, shaxsiy sifatlar va qadriyatli yo‘nalishlarni egallashga bo‘lgan ehtiyojlaridan iborat.
Har bir alohida insonning ta’limiy ehtiyojlari turlicha bo‘lishi mumkin:

• umumiy o‘rta ta’lim olish;

  
  

• kasbiy malakalarni egallash yoki ularni takomillashtirish;

  
  

• sog‘liqni saqlash yoki yaxshilash;

  
  

• oilaviy hayot sifatini yaxshilash;

  
  

• jamiyat hayotida ishtirok etish;

  
  

• dam olishni mazmunli o‘tkazish;

  
  

• o‘z shaxsini rivojlantirish.

  
  

Psixologik-andragogik tashxisdagi birinchi qadam, katta yoshli inson o‘qishi lozim bo‘lgan fan sohalarini aniqlashdan iborat. Ko‘pchilik katta yoshli kishilarda o‘zining hayotida nimalarnidir o‘zgartirish istagi mavjud Bu kasbiy qiziqishlar sohasiga (o‘zining malakasini oshirish, kasbidagi zamonaviy yangiliklar bilan tanishish, o‘z kasbini o‘zgartirish) yoki ijtimoiy, maishiy va shaxsiy sohalarda ijobiy o‘zgarishlar kiritish istagiga tegishli bo‘lishi mumkin.

Psixologik-andragogik tashxis natijalari bo‘yicha muayyan ta’lim oluvchi o‘zining hayotiy holatini o‘zgartirish maqsadida ta’lim jarayonida erishishi zarur bo‘lgan kompetentlikning prognostik funksional modelini yaratishi mumkin.
Ta’lim oluvchi andragog bilan birgalikda, o‘zlashtirilishi muayyan ijtimoiy rolni samarali bajarishga va shu orqali o‘zining bilim, malaka, ko‘nikma, shaxsiy sifatlar va qadriyatli yo‘nalishlarini takomillashtirishga yo‘naltirilgan bilimlarning hajmi va yig‘masini aniqlaydi. Bu aniq professiogramma yoki kompetensiyalarning erkin yig‘masi bo‘lishi mumkin.
Keyingi qadam – ta’lim oluvchidagi u o‘qishi kerak bo‘lgan bilim sohasida undagi mavjud kompetentlik va avvalgi tayyorgarlik darajasining tahlilidan iborat. Ta’lim oluvchining o‘ziga ham, ta’lim beruvchiga ham o‘quvchi egallab bo‘lgan bilim, malaka, ko‘nikma, shaxsiy sifatlar va qadriyatli yo‘nalishlarning real darajasini aniqlash lozim. Tashxis natijalari bo‘yicha ta’limning keyingi rejalari to‘g‘rilanadi.
Bundan keyin ta’lim oluvchidagi kompetentlik darajasi istiqboldagi kompetentlik modelining talablari bilan solishtiriladi. Solishtirish natijasida ta’lim oluvchiga yetishmaydigan, uning hayotiy muhim muammolarini yechish uchun talab qilinadigan bilim, malaka, ko‘nikma, shaxsiy sifatlar va qadriyatli yo‘nalishlar aniqlanadi.
Tashxis bosqichida hayotiy tajribalarni aniqlash bo‘yicha amalni bajarishdagi salbiy holatlar aniqlanadi va ularni yengib o‘tish yo‘llari belgilanadi.
O‘qitish jarayonini tashkil etishda ta’lim oluvchining jarayonni amaliy tashkil etishga ham, ta’lim oluvchining psixologik holatiga ham ta’sir ko‘rsatuvchi fiziologik xususiyatlar ochib beriladi.
Ta’lim oluvchining psixologik xususiyatlarini aniqlashda quyidagilarni ochib berish lozim:

• temperament turi;

  
  

• xarakterining individual xususiyatlari.

  
  

Insonning ijtimoiy-psixologik kasbiy turlarining uni o‘rab turgan kasbiy muhitga mosligini Dj.Xolland testi orqali aniqlash mumkin (1 ilova)²⁰.

Dj.Xolland testi karerani tanlashning ishonchliligini tahlil qilish uchun ham, karerani shakllantirish va keyingi hayot yo‘lini tanlash sohasida qaror qabul qilish uchun ham vosita bo‘lib xizmat qiladi. O‘qitishda u tashxis bosqichida ta’lim sohasining to‘g‘ri tanlanishini aniqlash, hamda ta’lim oluvchining uni keyingi o‘qishini tashkil etishdagi shaxsning dominant ijtimoiy-psixologik turini hisobga olish imkonini beradi.
Dominant ijtimoiy-psixologik turi mos kelganda inson o‘zining qobiliyatlari va malakalarini yuqori darajada ochish, o‘zini ko‘rsatish, o‘zining hayotiy ehtiyojlarini qondirish, kasbiy muammolarini yechish, o‘zining qadriyatli yo‘nalishlarini amalga oshirish imkoniga ega bo‘ladi.
Ta’limning andragogik modeli bu xususiyatlarni muayyan darajada hisobga olish imkoniyatinigina emas, balki ta’lim oluvchining ochilgan psixofiziologik xususiyatlariga moslashtirilgan ta’lim jarayonini qurishni ko‘zda tutadi. Shu vaqtning o‘zida katta yoshdagi ta’lim oluvchida avvalroq egallangan va hozirgi vaqtda eskirgan bilim, malaka, ko‘nikmalarning mavjudligi, ularda ko‘p uchraydigan o‘zlarining barcha narsani bilishlari bo‘yicha o‘rnatilgan noto‘g‘ri tushunchalari, yangiliklar kiritish va o‘zgarishlarga qarshi to‘siqlar qo‘yadi va ta’lim jarayonini birmuncha qiyinlashtiradi. Shuning uchun, tashxis bosqichida, hayotiy tajribani aniqlash bo‘yicha amalni bajarishda ko‘rsatilgan salbiy holatlarni ochish va ularni bartaraf qilish bo‘yicha tabirlarni belgilab olish juda muhimdir.
Har bir ta’lim oluvchi axborotlarni o‘zining psixofiziologik xususiyatlari va individual tavsiflariga bog‘liq ravishda qat’iy individual qabul qiladi va egallaydi. Shuning uchun o‘qish boshlanishidan avval katta yoshli odam tomonidan o‘zining asosiy hayotiy funksiyalarini bajarishining muvaffaqiyatliligi bilan aniqlanadigan ta’lim oluvchining funksional savodxonligini ochib olish muhimdir.
Funksional savodxonlikni baholash uchun har bir katta yoshli odamga uning kundalik amaliy hayotiy vazifalarini me’yorida bajarishiga imkon beradigan bilim va malakalarning qandaydir to‘plamiga ega bo‘lishi lozim bo‘lgan sakkizta hayot faoliyati sohalari aniqlanadi:

• savodxonlik (tor ma’noda);

  
  

• oilaviy munosabatlar;

  
  

• ish tomoniga yo‘l va transportdagi hulqi;

  
  

• mehnat faoliyati sohasi;

  
  

• xizmat ko‘rsatish sohasi bilan o‘zaro munosabati;

  
  

• uy-ro‘zg‘or yumushlarini tashkil qilishi;

  
  

• o‘zining salomatligiga munosabati;

  
  

• huquqiy masalalardan xabardorligi.

  
  

Katta yoshli ta’lim oluvchilarning o‘quv usulini aniqlash amaliyoti samarali o‘qitishni tashkil qilishda muhim ahamiyatga ega. U ta’lim oluvchilarning o‘qitish jarayoni, xususan o‘quv materialini o‘zlashtirish jarayoni bilan bevosita bog‘liq bo‘lgan individual xususiyatlarini hisobga olish imkonini beradi. Axborotni qabul qilish va qayta ishlashning individual xususiyatlari ta’lim oluvchilarning o‘quv usuli deb ataladi. O‘quv usuli inson bilish faoliyatining individual xususiyatlari bilan chambarchas bog‘langan

Bilish faoliyatining xususiyatlari K.Yung klassifikatsiyasi bo‘yicha shaxsning psixik tipiga (ekstravert va introvert) bog‘liq. Shaxsning u yoki bu guruhga taalluqliligini aniqlash uchun G. Ayzenk metodikasidan foydalanish mumkin. Bu metodika ikki bipolyar mezonni:

• ekstravertlashganlik – introvertlashganlik (dilkashlik - odamovilik);

  
  

• neyrotizm – hissiyotli reaksiyalarning turg‘unligi (yuqori qo‘zg‘aluvchanlik – hissiy ko‘rinishlarning turg‘unligi) ni aniqlash imkonini beradi.