O‘zbekiston Respublikasi Oliy va o‘rta maxsus ta’lim vazirligi Samarqand davlat universiteti
Yüklə 7,05 Mb. Pdf görüntüsü
|
|
ISBN – 978-9943-537-75-0 ©Aminov I.B., Nomozov F.Sh., Suyarov A.M. 3 Kirish Axborotlashgan jamiyat haqida olimlar turlicha fikrdalar. Yapon olimlarining hisoblashicha, axborotlashgan jamiyatda kompyu- terlashtirish jarayoni odamlarga ishonchli axborot manbaidan foyda- lanish, ishlab chiqarish va ijtimoiy sohalarda axborotni qayta ishlashni avtomatlashtirishning yuqori darajasini ta’minlashga imkon beradi. Ja- miyatni rivojlantirishda xarakatlantiruvchi kuch moddiy mahsulot emas, balki axborot ishlab chiqarish bo‘lmog’i lozim. Moddiy mahsulot esa ax- borot jihatdan ancha serchiqim bo‘ladiki, bu uning qiymatida innovatsiya, dizayn va marketingning ulushi oshishini anglatadi. Axborotlashgan jamiyatda nafaqat ishlab chiqarish, balki butun tur- mush tarzi ham o‘zgaradi. Bu jamiyatni sanoat jamiyatda farqi shunday bo‘ladi, axborotlashgan jamiyatda intellekt, bilimlar ishlab chiqiladi va iste’mol etiladi. Shuning uchun bu jamiyatda aqliy mehnat darajasi ko‘payadi. Insondan ijodiyotga qobiliyat talab etiladi, bilimlarga ehtiyoj oshadi. Axborotlashgan jamiyatning moddiy va texnologik negizini Kompyuter texnikasi va kompyuter tarmoqlari, axborot texnologiyalari, telekommunikatsiya aloqalari asosidagi turli xil tizimlar tashkil etadi. Ta’lim jarayonida talabalarni har tomonlama bilimini mustahkamlash, murakkab jarayonlarni yaqqol ko‘z oldilariga kelishi va vizual qabul qilishni amalga oshirish borasida kompyuter va axborot texnologiyalarining hissasi katta. Axborot texnologiyalarini o‘quv jarayonida qo‘llash nafaqat talabalar o‘zlashtirish ko‘rsatkichlarining yuqori bo‘lishini, balki ta’lim samaradorligining ham yuqori bo‘lishini ko‘rsatadi. Bundan tashqari hozirgi kunda har bir oliy o‘quv yurti yoki kasb-hunar kollejlarini bitiruvchilari yuqori malakali va zamon talablariga mos keladigan mutaxassis bo‘lib yetishishlari lozim. Shunday ekan, har bir mutaxassis o‘z ixtisosligi bo‘yicha chuqur bilimga ega bo‘lishi bilan birga hozirgi kunda barcha sohalarni keng qamrab olayotgan kompyuter bilan bevosita muloqot qila oladigan, zamonaviy axborot texnologiyalarini ish jarayoniga tatbiq eta olish malakasiga ega bo‘lishi kerak. 4 Buning uchun dastlab o‘qitish jarayonida har bir fanni zamonaviy axborot texnologiyalari bilan birgalikda bog‘lab o‘rgatish zarur bo‘ladi. Ta`lim sohasini kompyuterlashtirish, unga axborot texnologiyalarini joriy qilish bilan bog’liq muammolarni tadqiq qilishda muayyan yutuqlarga erishilgan bo`lsada, bu sohada yechimini kutayotgan masalalar ham talaygina. Bu esa ta’lim tizimida, xususan, o‘quv jarayonlarini tashkil etish va amalga oshirish, o‘quv-uslubiy ta’minotni rivojlantirish, ayniqsa, o‘quv mashg’ulotlarini o‘tish va o‘zlashtirish samaradorligini oshirish borasida yangicha mazmun va mohiyat shakllanishiga asos yaratmoqda. Bunday ulkan vazifani muvaffaqiyatli amalga oshirishda o‘qituvchi va talabalarga davlat tilida kerakli o‘quv adabiyotlarini yetkazish alohida ahamiyatga ega. O‘quv qo‘llanma boshlang’ich ta’lim, maktabgacha ta’lim va musiqa ta’lim yo‘nalishi talabalari uchun mo‘ljallangan bo‘lib, u “Komputerning texnik ta’minoti”, “Windows operatsion muhiti”, “Microsoft Office dasturlari” “Komputer tarmoqlari” va “Masofaviy ta`lim” mavzulari bo‘yicha ko‘nikma va malakalarini shakllantirish bo‘yicha nazariy va amaliy bilimlarni o‘z ichiga olgan. O‘quv qo‘llanma “Komputerning texnik ta’minoti”, «Windows operatsion muhiti» va «Microsoft Office dasturlari» mavzulari to‘g’risida umumiy nazariy va amaliy ma’lumotlardan iborat bo‘lib, amaliy mashg’ulotlar, mustaqil ishlash uchun masalalar, takrorlash uchun savollar, nazorat uchun test savollari va foydalanish uchun adabiyotlar ro‘yxatini o‘z ichiga olgan. Bundan tashqari o‘quv qo‘llanmadan “Komputerning texnik ta’minoti”, “Windows operatsion muhiti”, “Microsoft Office dasturlari” “Komputer tarmoqlari” va “Masofaviy ta`lim” mavzularini amaliy o‘rganishga qiziqqan barcha maktab, akademik litsey va kasb-hunar kolleji o‘quvchilari, oliy o‘quv yurti talabalari va magistrlari ham foydalanishlari mumkin. |