Nazorat savollari. 1. Qo’zg’aluvchan to’qimalar haqida umumiy ma’lumot?
2. Membrana struktural mozaikasining ahamiyati?
3. Ion transportiga membrani o’tkaluvchanligini ta’siri?
4. Membrana potentsiali haqida ma’lumot?
5. Membrana potentsialini kelib chiqish mexanizmi?
6. Qo’zalish potentsiali haqida ma’lumot?
7. Iz potentsiallarini tushintirib bering?
8. Harakat potentsiali vujudga kelishining ion mexanizmi?
9. Refrakter davrlar?
10. Labillik yoki funktsional chaqqonlik?
11. “Bor yoki yo’q” qonuni?
12. Miyelinsiz va miyelinli nerv tolalarida qo’zgalishning o’tkazilishi?
13. Nerv tolalarida qo’zg’alishning tarqalishi?
14. Nervning anatomik va fiziologik uzuluksizligi qonuni?
15. Nerv tolalarida qo’zg’alishning ikki tomonlama o’tkazish qonuni?
16. Qo’zg’alishning nervdan ajratilib o’tkazilish qonuni?
Tayanch iboralar: skelet muskuli, tonus, statik, dinamik, aktin, miozin, miofibril, tonik tolalar, sarkoplazma, Z plastinkalar, motor birlik, tetenus.
Muskullar fiziologiyasi.Inson tanasining fazodagi harakatini, ko‘z harakatini, qon tomirlar va yurak faoliyatini hamda hazm qilish trakti faoliyatini amalga oshirishda ikki asosiy turdagi muskullarning ahamiyati kattadir. Bular silliq va ko‘ndalang targ‘il (skelet va yurak ko‘ndalang targ‘il muskullari) muskullaridir. Ular bir-biridan tuzilishi va fiziologik xossalari jihatidan farq kiladilar, lekin bu ikkala turdagi muskullarda, qisqarishning molekulyar mexanizmida umumiy o‘xshashliklar juda ko‘p.
Yurak muskullarining funksiyasi «Yurak va qon aylanish» bobida ko‘zdan kechiriladi. Bu bobda faqat skelet muskullar bilan silliq muskullarning tuzilishi, funksiyasi va fiziologik xossalarini ko‘rib chiqish bilan chegaralanamiz.
