O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
TERMIZ DAVLAT UNIVERSITETI “TEXNOLOGIYA FANI O’QITISH METODIKASI” fanidan
AMALIY MASHG’ULOTLAR ISHLANMASI
TERMIZ-2021
Amaliy mashg‘ulot № 1 Mavzu: Texnologiyafani dasturi bilan tanishtirish. Uqtirish xati mazmuni.
Yo’nalishlar boyicha dastur mazmuni.
1. Topshiriq.
a) o’quv rejasi tuzilishi bilan tanishib chiqing;
b) Mehnat ta`limi bo’yicha V-VI sinflarda haftasiga necha soat, jami necha soat o’qitilishi kerak ekanligini aniqlang;
v) ishlab chiqarish amaliyoti necha soat, qaysi sinfda o’tilishi rejalashtirilganligini aniqlang.
2.Topshiriq:
a) o’quv dasturi bo’limlari va ularning mazmuni bilan tanishib chiqing;
b) kirish qismida nimalar haqida gap boradi;
v) O’quv dasturlarining tematik reja va dastur qismini tahlil qiling;
g) V-sinfni bitirishda o’quvchilar qanday bilim, malaka va ko’nikma ega bo’lishlari kerakligini tushuntirish;
d) Qishloq va shahar maktablari uchun tuzilgan mavzuli rejalarni qiyosiy tahlil qiling, farqli joylarni aniqlang;
e) Mavzuli tematik rejada qanday bo’limlar mavjud ekanligini aniqlang va ularga ajratilgan dars soatlarini daftaringizga ko’chiring.
Mehnat ta’limi bo‘yicha umumiy o‘rta ta’lim DTS va o‘quv dasturi mazmuni. (1 - 9-sinflar)Uqtirish xati Ushbu o`quv dasturlari umumiy o`rta ta`lim maktablarida Davlat ta`lim standarti asosida mehnat ta`limi fanini o`qitishning mazmun-mohiyatini, maqsad va vazifalarini belgilaydi.
Umumiy o`rta ta`lim maktablarida mehnat ta`limi fanini o`qitishning maqsadi – o`quvchilarni aqliy va jismoniy mehnat turlari, jarayonlari hamda kasblar bilan tanishtirish, ularda dastlabki mehnat ko`nikma, malakalarini, mehnatga qiziqish, mehnatsevarlikni shakllantirish, ularni mehnat va kasblarni qadrlashga, ahamiyatini tushunishga o`rgatish hamda kasb tanlashga tayyorgarliklarini amalga oshirishdan iborat.
Ushbu maqsadni amalga oshirish uchun quyidagi ta`limiy – tarbiyaviy va rivojlantiruvchi vazifalarni bajarish lozim bo`ladi:
