O‟zbekiston respublikasi oliy va o‟rta

I bob. Turli koordinatalar sistemalari

1. 
   - § Tekislikda dekart koordinatalar sistemasi va qutb koordinatalar sistemasi
   

1. Tekislikda Dekart koordinatalar sistemasi.

Tekislikda ikkita o‟zaro perpendikuliar to‟g‟ri chiziq o‟tkazamiz: biri gorizantal, ikkinchisi vertikal (20 - rasm). Ularning kesishish nuqtasini O harfi bilan belgilaymiz. Shu to‟g‟ri chiziqlarda yo‟nalishlar tanlaymiz: gorizantal to‟g‟ri chiziqda chapdan o‟ngga, vetikal to‟g‟ri chiziqda pastdan yuqoriga. Har - bir to‟g‟ri chiziqda bir - hil uzunlik birligini ajratamiz.

Gorizontal to‟g‟ri chiziq O_x bilan belgilanadi va absissalar o‟qi deyiladi, vertikal to‟g‟ri chiziq O_y bilan belgilanadi va ordinatalar o‟qi (koordinata o‟qlari) deyiladi. Absissalar o‟qini va ordinatalar o‟qini koordinata o‟qlari, ularning kesishish nuqtasini kordinalar boshi deyiladi. koordinatalar boshi har - bir o‟qdagi nol sonini tasvirlaydi.

Absissalar o‟qida musbat sonlar O nuqtadan o‟ngda joylashgan nuqtalar bilan, manfiy sonlar esa O nuqtadan chapda joylashgan nuqtalar bilan tasvirlanadi. Ordinatalar o‟qida musbat sonlar O nuqtadan yuqorida joylashgan nuqtalar bilan, manfiy sonlar esa O nuqtadan pastda joylashgan nuqtalar bilan tasvirlanadi.