O‘zbekiston Respublikasi Prezidentining 2023-yil 1-iyundagi pf–82-son “Aholiga sifatli ijtimoiy xizmat va yordam ko‘rsatish hamda uning samarali nazorat tizimini

O‘zbekiston Respublikasi Prezidentining 2023-yil 1-iyundagi
PF–82-son “Aholiga sifatli ijtimoiy xizmat va yordam ko‘rsatish hamda
uning samarali nazorat tizimini yo‘lga qo‘yish bo‘yicha kompleks
chora-tadbirlar to‘g‘risida”gi Farmoni 14-bandi ijrosi bo‘yicha
Sirdaryo tumani adliya bo’limi tomonidan
amalga oshirilgan ishlar haqida
MA’LUMOT

Mazkur Farmon ijrosi yuzasidan Sirdaryo tumani adliya bo’limi tomonidan joriy yilning 15-iyun holatiga quyidagi ishlar amalga oshirildi, jumladan:

Adliya vazirining 2023-yil 12-iyun 2/9-1/1908-son xati vazirlik tizimidagi adliya organlari va muassasalari, shuningdek, Personallashtirish agentligi hamda “O‘zarxiv” agentligi e’tiboriga yetkazilib, eng avvalo adliya tizimida faoliyat yurituvchi ehtiyojmand oilalar, nogironligi bo‘lgan shaxslar hamda yolg‘iz keksalar (shu jumladan, hozirda pensiyada bo‘lgan yolg‘iz keksalar)ning umumiy ro‘yxatini shakllantirish, reja-grafik asosida ro‘yxatda keltirilganlar holidan xabar olish hamda ehtiyojmand aholi orasida hayriya tadbirlarini tashkil etish vazifalari belgilandi.
Ushbu topshiriq xati asosida tumandagi ehtiyojmand oilalar, nogironligi bo’lgan shaxslar, yolg’iz keksalar holidan xabar olindi. Xususan, Sirdaryo tumani Zarshunos MFY Olmos ko’chasi 13 uyda yashovchi 1993-yilda Sirdaryo tumanida tug’ilgan oilali II guruh nogironi Karimjonova Toshgul holidan xabar olindi. Hozirgi kunda T.Karimjonova Sirdaryo tumani tibbiyot birlashmasi tasarrufidagi yuqumli kasalliklar shifoxonasida da’volanayotganligi, unga dori darmon kerakligi ma’lum bo’ldi. Shundan so’ng, tuman adliya bo’limi aralashuvi bilan tuman tibbiyot birlashmasi orqali Sirdaryo viloyati sog’liqni saqlash boshqarmasi tomonidan kerakli dori darmonlar bilan ta’minlandi.