Kirish Hozirgi kunda texnologiyaning rivoji korxona va firmalar o’rtasida roqobatni kuchaytirib, har biri o’z maxsulot va xizmatlarini yaxshilashga harakat qilmoqda. Bunda xaridor va foydalanuvchilar fikrini tahlil qilish eng muhim omildir. Ma’lumotlar oqimi ko’payib borgani sari, ko’p ishchi kuchi talab qila boshlaydi. Shu va shunga o’xshash til bilan bog’liq masalalarni kompyuter modellari yordamida hal qilish bilan tabiiy tillarni qayta ishlash sohasida ko’plab izlanishlar olib borilgan. Shulardan biri sentiment (hissiy) tahlil bo’lib, berilgan matnning sentimentini, ya`ni uning qay darajada ijobiy, salbiy yoki betaraf ekanligini aniqlash masalasidir. Ushubu ishda, NLP ning sentiment tahlil masalasi bo’yicha O’zbek tilida berilgan matnlar uchun qanday ishlar olib borilgani va texnologiyasining yaratilishi usullari haqida to’xtalamiz.
NLP da sentiment tahlili masalasi dastlab qoidalarga asoslangan tahlil modellaridan boshlab, mashinali o’rganish modellari, va hatto suniy intellekt yordamida yaratilgan modellargacha yetib keldi. Shu bilan birga, ishlash sifati ham shu tartibda o’sib bordi . Sentiment tahlili aniqlaydigan klasslar soniga qarab asosiy uch turga bo’linadi.
Matnlarni sentimental tahlil qilish
1.Binar: Faqat ijobiy va salbiy belgilar bilan ishlaydigan tahlil modellar. Bu turdagi modellar berilgan matnga shu ikki belgidan birini belgilaydi. Masalan: Kino ajoyib ekan, menga yoqdi. (Ijobiy); Kino juda qo’rqinchli ekan. (Salbiy)
