O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning biologiya fanidan davlat ta’lim standarti va o‘quv dasturi toshkent-2017

Milliy va umummadaniy kompetensiya:
A2
vatanga sadoqatli, insonlarga mehr-oqibatli hamda umuminsoniy va milliy qadriyatlarga e’tiqodli bo‘lishni, badiiy va san’at asarlarini tushunish, orasta kiyinish, madaniy me’yorlarga va sog‘lom turmush tarziga amal qilish.
A2+
O‘zbek va chet el olimlarini biologiya fani rivojiga qo‘shgan hissalari haqidagi ma’lumotlarni kengaytirib borish.


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
A2
aniq hisob-kitoblarga asoslangan holda shaxsiy, oilaviy, kasbiy va iqtisodiy rejalarini tuza olish, kundalik faoliyatda turli xil biologik formula, model, chizma va diagrammalarni o‘qiy olish.
A2+
inson mehnatini yengillashtiradigan, mehnat unumdorligini oshiradigan, qulay shart-sharoitga olib keladigan fan va texnika yangiliklaridan foydalangan holda metabolizm, genetikaga oid masalalarni ishlay olish ko‘nikmalariga ega bo‘lish.


1-BOB. HAYOTNING UMUMIY QONUNIYATLARI
(3 soat, A2+: 5 soat)


1-mavzu: Kirish. (1 soat, A2+: 2 soat)
Biologiya - tirik organizmlar haqidagi fan. Biologiya - turli ilmiy sohadagi fanlar majmuasi. Biologiyaning inson amaliy faoliyatidagi ahamiyati. Biologiya fanining rivojlanish tarixi.
2-3-mavzu: Tirik organizmlarni o‘rganish metodlari. (2 soat, A2+: 3 soat)
Tirik organizmlarni o‘rganish metodlari: kuzatish, taqqoslash, tajriba, modellashtirish. Hayot va tiriklikning mohiyati. Tirik oranizmlarga xos xususiyatlar: kimyoviy tarkibi, hujayraviy tuzilishi, moddalar almashinuvi, irsiyat, o‘zgaruvchanlik, ko‘payish, o‘sish, rivojlanish, ta’sirlanish. Tirik va notirik tabiatning o‘xshashligi va farqi.
Tiriklikning tuzilish darajalari. Hayot shakllarining xilma-xilligi.


2-BOB. MOLEKULAR BIOLOGIYA ASOSLARI
(11 soat, A2+: 17 soat)