O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning biologiya fanidan davlat ta’lim standarti va o‘quv dasturi toshkent-2017

Biologik obyekt, jarayonlar ustida kuzatish va tajribalarni o‘tkazish kompetensiyasi:
A2
amilaza fermentinining kraxmalga ta’sirini kuzatadi va tajribani o‘tkaza oladi;
tirik organizmlarni o‘rganish metodlari: kuzatish, taqqoslash, tajriba, modellashtirish metodlaridan qanday maqsadlarda foydalanishni biladi;
tirik organizmlar ustida kuzatish o‘tkazish, tirik organizmlarni o‘zaro hamda tirik tabiatni notirik tabiat bilan taqqoslay oladi, hujayrada moddalar almashinuviga doir masalalarni yechish yo‘llarini biladi.
A2+
bargda organik moddalarning hosil bo‘lishini kuzatadi, rasmini chizadi, kuzatganlari asosida xulosa chiqara oladi;
hujayrada moddalar almashinuviga doir masalalarni yechish yo‘llarini biladi.


Sog‘lom turmush tarzi va ekologik kompetensiya:
A2
makro va mikroelementlar, suv va mineral tuzlar, uglevodlar, lipidlar, aminokislotalar, oqsillar, nuklein kislotalar, vitaminlarning inson organizmi uchun ahamiyatini biladi;
viruslar va bakteriyalarning inson hayotidagi ahamiyatini bilgan holda, ular keltirib chiqaruvchi kasalliklarning oldini olish maqsadida gigiyenik qoidalarga rioya qilishni biladi.
A2+
organizmda moddalar va energiya almashinuvi jarayonlari mohiyatini anglagan holda o‘z organizmini o‘zi nazorat qila olish va kun tartibiga rioya qilishni biladi.

5-BOB. ORGANIZMLARNING KO‘PAYISHI VA INDIVIDUAL RIVOJLANISHI

(10 soat, A2+: 13 soat)