O`zbekistonda xalqaro turizmni rivojlantirish yo’nalishlari va uni amalga oshirish yo’llari reja

O`ZBEKISTONDA XALQARO TURIZMNI RIVOJLANTIRISH YO’NALISHLARI VA UNI AMALGA OSHIRISH YO’LLARI


REJA:

1.O`zbekistonda xalqaro turizmni rivojlantirishda xorijiy mamlakat tajribasidan foydalanish

2. O`zbekistonning xalqaro bozorga kirishida xalqaro turistik tashkilotlarning ahamiyatini oshirish
3.O`zbekistonda xalqaro turizmni rivojlantirish va targ’ibot qilish yo’llari
Xulosa
Annotatsiya
Foydalanilgan adabiyotlar ro’yxati
Ilovalar


O`ZBEKISTONDA XALQARO TURIZMNI RIVOJLANTIRISH YO’NALISHLARI VA UNI AMALGA OSHIRISH YO’LLARI
1.O`ZBEKISTONDA XALQARO TURIZMNI RIVOJLANTIRISHDA XORIJIY MAMLAKAT TAJRIBASIDAN FOYDALANISH
Yevropa sharqiy yarim sharda joylashgan bo`lib, uning umumiy maydoni 10.5 mln.kv.km tashkil qiladi. Mintaqa turistik resurslarga juda boy bo`lib, yer shari bo`yicha alohida ajralib turadi. Yevropa qirg`oqlari, Atlantika va Shimoliy muz okeani va uning 10dan ortiq daryolar, 15ta kata-kichik ko`llari, 25taga yaqin orollari, 10dan ortiq tog` tizmalari, takrorlanmas vulkanlari, xilma-xil iqlim poyaslari, rang-barang tabiat zonalari azal-azaldan sayyohlarni o`ziga jalb qilib kelgan. Yevropa qadimdan turizm yuqori darajada rivojlangan dunyo regioni hisoblanadi. Fransiyaga yiliga 50 mln. dan ortiq, Italiya va Ispaniyaga 30 - 40 mln. kishi turistik sayohat qiladi. Shvetsariya, Portugaliya, Germaniya, Avstriya, Buyuk Britaniya, Gretsiya va boshqa shu kabi mamlakatlar ham jahonning yirik turistik markazlari hisoblanadi.
Yevropa aholisi, shaharlari zich joylashgan, sanoat va qishloq xo’jaligi ishlab chiqarishi yuqori bo’lgan, transport va turizm rivojlangan regiondir. Bu esa atrof-muhitning ifloslanishiga ta’sir ko’rsatadi.
Bu borada birinchi o’rinda hududning asosiy joylarini egallagan iflos sanoat ishlab chiqarishlarni nazarda tutish kerak. Masalan, ko’mir konlari hamda Reyn, Rona, Luara va boshqa daryolardagi GES lar shular jumlasidandir.
Regionning atrof-muhitiga tobora jipslashib borayotgan qishloq xo’jaligi katta ta’sir ko’rsatmoqda. Avtomobil sanoatining yuqori darajada rivojlanishi, havoda yuk tashish hajmining kengayishi, dengizda kema qatnovlarining ko’payishi ham atrof-muhitga ta’sir etmay qo’ymaydi. Oxirgi paytda dengizbo’yi va tog’li rayonlarda turizmning ham tez sur’atlar bilan rivojlanishi atrof-muhitga salbiy ta’sir ko’rsatmoqda. Ammo, umumiy o’xshashliklarga qaramasdan, ekologiya sohasida Yevropa regionlari o’rtasida, ayniqsa, G’arbiy va Sharqiy Yevropa o’rtasida tafovut mavjuddir.
Yevropada 1973- yilda atrof-muhitni muhofaza qilish to’g’risidagi Yevropa Ittifoqi davlatlarining birinchi dasturi qabul qilindi. Ikkinchi dastur esa 1977-yilda qabul qilindi. Ekologik muammolarni, atrof-muhitni har xil zararli ta’sirlardan saqlash, ekologik barqarorlikni yuzaga keltirish uchun tabiat resurslaridan oqilona foydalanish, ekologik ekspertizalarni tashkil etish maqsadida davlatiararo maxsus komissiya qarorlari qabul qilindi. 80-90 - yillarda tabiatni muhofaza qilish va ekologik muammolar to’g’risida 300 dan ortiq hujjatlar qabul qilindi.
Bu muammolar ichida toza havoni iftoslantiruvchi kislotali yomg’irdan saqlash Xalqaro konvensiyasi juda muhim o’rin egallaydi.
Shuningdek, tabiatni muhofaza qilish fondi Yevropa Ittifoqi tomonidan qo’llab-quvvatlana boshlandi. Bundan tashqari, 80- yillarning oxiri va 90- yillarda tabiatni muhofaza qilishning to’liq strategiyasi ishlab chiqildl. Atrof-muhitni bir me’yorda ushlab turish maqsadida, 90- yillarning boshlariga kelib, neft mahsulotlaridan, ko’mir va tabiiy gazdan oqilona foydalanish maqsadida Yevropa Ittifoqi tomonidan soliqlar tizimi muhokama qilingandan so’ng qabul qilindi.
Yana shuni ta’kidlash mumkinki, har xil boshqa yo’nalishlar bo’yicha ham qator ishlar amalga oshirildi. Masalan, yo’l harakati intensiv bo’lgan joylarda yashaydigan kishilar Yevropa Ittifoqi tomonidan 140 mln. dona velosiped bilan ta’minlandi. Shuningdek, Gretsiya, Niderlandiya, Daniyada ekologik muammolarni hal qilish uchun kengaytirilgan ishlar olib borildi. 1993-yil tabiatni muhofaza qilish, turizmni rivojlantirish borasida Yevropa Ittifoqi maxsus qarorlar qabul qildi. Bu qarashlardan asosiy maqsad, dengiz atroflarida, tog’li rayonlarda, milliy parklarda, qo’riqxonalarda ekologik masalalarga, ekologik barqarorlikka ko’proq e’tibor berishdan iboratdir.
Yevropa xalqaro turizm oqimining ilk bor tashkil etilgan mintaqasidir. Hozirgi vaqtda uning siyosiy xaritasida 40tadan ortiq davlatlar mavjud bo`lib, ulardan 27tasi Yevropa Ittifoqi tashkilotiga birlashgan. Yevropada dunyoning iqtisodiy jihatdan eng rivojlangan qudratli davlatlari (Germaniya, Buyuk Britaniya, Fransiya Italiya va Rossiya Federatsiyasi) joylashgan.
Xorijiy Yevropa (MDH davlatlaridan tashqari) dunyo aholisining eng zich joylashgan mintaqalaridan biri. Uning hududida yer shari aholisining 8foizidan ortiq qismi yashaydi. Yevropa dunyoda eng yirik, qadimiy shaharlari, ibodatxonalari, sport inshootlari, ko`ngilochar dam olish maskanlari, kurortlari, shifobaxsh mineral suvlari, dengiz playjlari, mehmonxonalar, restoranlar, zamonaviy transport kommunikatsiyalari(aeroportlar, dengiz, daryo portlari, temiryo`l, avtomabil vokzallari, yuqori sifatli avtomobil yo`llari, tezyurar poyezdlari va havo kemalari, yuqori sifatli okean va dengiz yo`lovchi kemalari ), rivojlangan bank va moliya tashkilotlari, xilma-xil servis xizmati ko`rsatuvchi korxonalari barchasi xalqaro turizmning rivojlanishiga juda kata imkoniyatlar tug`diradi.
Fransiya hozirgi kunda Yevropada eng ko`p turistlar kelib ketuvchi mamlakat bo`lib hisoblanadi. Fransiyaga kelib ketuvchi turistlarni jalb etuvchi asosiy turistik resurslar mamlakatning xilma xil boy tabiiy resurslari(Alp tog`lari, yassi tog`lar, karst platolari, past tekisliklar, daryo vodiylari, yam yashil o`rmonlar)dir. Keyingi vaqtda chiqish turizmining fransuz bozorida yangi tendensiya paydo bo`ldi. Shengen bitimi qabul qilingandan va birlashgan Yevropa mamlakatlari o`rtasida viza rejimi bekor qilingandan so`ng Fransiyada qisqa muddatli safarlar ulushi o`smoqda. Uzoq muddatli safarlar salmog`i esa kamaymoqda. Fransiya hamon dunyoda eng ommaviy turistik yo`nalish bo`lib qolmoqda.
Parij shahri mamlakatda turistlarning kelishi bo`yicha yuqori o`rinni egallaydi. Shaharda dunyoga mashhur bo`lgan Eyfel minorasi, Notrdam ibodatxonasi, eng yirik Luvr muzeyi, Napalyon Bonapart qabri, Lyuksenburg va Tyuirli bog`lari, Disneylend ko`ngilochar, dam olish manzilgohlari, ilm-fan markazlari Lya Vilett shahri kabilar beqiyos, son-sanoqsiz turistlarni o`ziga chorlaydi.
Yevropada xalqaro tashrif buyuruvchi turistlar soni bo`yicha Fransiyadan keyingi o`rinda Ispaniya davlati egallaydi. Bu ikki mamlakat har yili 80mlndan ziyod turistlarni qayd etmoqda. Bu yerda asosiy turistlar oqimi G`arbiy Yevropa mamlakatlariga to`g`ri keladi, Ispaniyada har beshinchi dam oluvchi Germaniya yoki Buyuk Britaniya fuqarosidir. Ispaniya xorijiy sayyohlarga plyajlari, dam olishdan tashqari kengko`lamli ekskursiya dasturlarini taklif qilib kelmoqda. Mamlakatdagi asosiy turistlar oqimi Salvador Dali teatr muzeyi, prado muzeyi, Ispaniya qiroli rezidensiyasi, ochiq osmon shahar muzeyiga yo`naltirilgan.
Keluvchi turistlar umumiy soni bo`yicha Yevropada Italiya davlati uchinchi o`rinni egallaydi. Italiya o`zining xilma-xil arxitektura yodgorliklari, madaniyati, rassomlik, haykaltaroshlik san`ati bilan dong taratgan mamlakatdir. Italiyaga ko`proq Fransiya, Germaniya, Shvetsariya, Avstriya, Xorvatiya, Slaveniya, Serbiya va Chernagoriya mamlakatlari fuqarolari tashrif buyurishadi. Mamlakatda turistlar ko`proq Venetsiya, Florensiya, Pizu, albatta Rim shaharlariga borishga intiladilar. Turistlarning to`xtovsiz oqimi Vatikanga borib ziyorat amallarini bajo keltirish uchun harakat qiladilar.
Yevropada xorijiy sayohatga chiquvchi davlatlar o`rtasida Germaniya alohida o`rinni egallaydi. Bu yerda chet ellarga chiquvchi turistlar soni yiliga o`rtacha 5%ga o`smoqda. So`nggi yillarda nemislar 80mln ga yaqin xorijiy safarni amalga oshirishdi. BTT ma`lumotlariga ko`ra, Germaniya turistlarining xorijiy sayohatga chiqishi 2020-yilga borganda ikki barobarga o`sishi kutilmoqda va uning umumiy soni 163.5mln kishiga teng bo`lishi mo`ljallangan. Jahonda har o`n safardan biri nemis fuqarolari ulushiga to`g`ri keladi va bu ko`rsatkich bo`yicha Germaniya o`zining yetakchiligini saqlab qoladi. Chiqish turizmining nemis bozorida avjj olishi xarakterlidir. 90% dan ortiq safarlar Yevropa hududlarida amalga oshiriladi. BTT ma`lumotlariga ko`ra eng yirik o`nta turistik oqimlarning beshtasi Germaniyada tashkil qilinadi. Nemislar o`z ta`tillarini G`arbiy va Janubiy Yevropada: Ispaniya, Italiya, Avstriya, Fransiya, Gretsiya, Niderlandiya, Shvetsariyada o`tkazishni ma`qul ko`rishadi. Keying vaqtlarda turistlar uchun Markaziy va Sharqiy Yevropa- Polsha, Chexiya, Vengriya ommaviy turizmda mashhur bo`lib bormoqda. Turistik yo`nalish sifatida bu mamlakatlarning bosh ustunliklaridan biri arzonligidir. Masalan, chegara rayonlarida yashovchi ko`pchilik nemislar tushlik paytida ovqatlanish uchun Chexiyaga borishadi.
So`nggi yillarda turistlarning chet ellarga sayohatga chiqishi bo`yicha Chexiya davlati, Fransiya, Italiya, Ispaniya, Niderlandiya kabi mamlakatlarni orqada qoldirib ketdi. Turizm Polsha, Vengriya, Ruminiya, Sloveniya kabi mamlakatlarda ham tezkorlik bilan rivojlanib bormoqda.
Chexiya milliy turistik ma`muriyati ma`lumotlariga ko`ra, har yili jahonning 70 mamlakatidan 50mln.dan ortiq kishi davolanish uchun, 2mln ekskursantlar tashrif buyurishadi. Chexiya hududida Karlova Varidan tashqari yevropada eng qadimiy kurortlardan biri Teplitse, dunyoda birinchi radonli sanatoriy-kurort Yaximov, Marian-Lazni va Frantishkavi-Lazni, Lugachovitse, shuningdek, Yevropada birinchi ochilgan Yanske-Lazni bolalar falajini davolashga ixtisoslashgan kurortlari bor. Yevropa davolash-sog`lomlashtirish turizmi bozorida Chexiyaning bosh raqobatchisi Vengriya hisoblanadi. Uni haqli ravishda termal hammomlar (yer osti issiq suvi) yurti deb atashadi. Bu sutkada quduqlar va tabiiy issiq suv manbalaridan yarim million kubgacha termal suvlar otilib oqadi. Ularning bir qismi tibbiyotda foydalaniladi. XXI asrda Vengriya Yevropada cho`milish va suv bilan davolanishning markaziga aylandi. Bugungi kunda 22ta Vengriya shahri va 62 posyolkasi davolanish maskanlari sifatida rasman tan olingan.
Balneologik kurortlarga tashrif buyurish Vengriyaga sayohatlarning bosh motivatsiyalaridan biri hisoblanadi. Mamlakatga kelgan turistlarning har uchinchisi suvlarga brogan. Vengriya kurortlarida dam olish va davolanish, ayniqsa, Germaniya, AQSH, Avstriya, shuningdek Vengriyaning o`zini aholisi o`rtasida juda mashhur. Vengriya poytaxti Budapesht shifobaxsh suvlar sshahri maqomini olgan. Uning diqqatga sazovor joylaridan biri sharq hammomlari hisoblanadi. U 16-17 asrlar turk hukmronligi davridan buyon saqlanib kelmoqda va hozirgacha ishlab kelyapti.
Polsha davolanish-sog`lomlashtirish turizmi bozorida balneologik va balchiq bilan davolash kurortlari- Svinouysse, Kamen-Pomorski, Kolobjeg Boltiq dengizi qirg`oqlarida joylashgan. Ular chex v avenger kurortlariga nisbatan kam tanilgan va hozircha ular bilan raqobatlasha olmaydi. Zarur reklama yo`qligi tibbiy xizmat darajasining uncha yuqori emasligi, shuningdek, sovuq dengiz polyak kurortlari imkoniyatlarini cheklab qo`yayapti. Polshada davolanish sog`lomlashtirishning dengiz bo`yi turizmini rivojlantirishga xuddi uch Boltiqbo`yi davlatlari Estoniya, Latviya, Litva singari hududdagi noqulay ekologik vaziyat ham salbiy ta`sir qilayapti. Bacterial ifloslanish darajasining oshishi munosabati bilan ayrim Boltiq bo`yi plyajlari yopilayapti, cho`milish ta`qiqlanmoqda. Shuning uchun Polshaning dengiz bo`yi rayonlariga turistlar kelishi keskin qisqarib ketayapti. Chexiya, Vengriya va Polshadan tashqari, davolanish sog`lomlashtirish turizmi Bolgariya, Ruminiya, sobiq Yugaslaviya respublikalarida ham rivojlanmoqda. Bu mamlakatlar issiq dengizga chiqish imkoniyatiga ega bo`lishib, davolanish sog`lomlashtirish dasturida asosan dengiz bo`yi iqlimi tipidagi kurortlarga taklif qiladi. Bundan tashqari Xorvatiyada Yevropada yagona naftalan-turli xildagi neft konlari ochilgan va ular tibbiyotda foydalaniladi. Uning bazasida barpo etilgan Ivanich Grad kurorti tayanch harakat apparatlari, teri kasalliklariga duchor bo`lgan mijozlarni qabul qiladi.
G`arbiy Yevropa mamlakatlari kurortlari uzoq an`analari bilan ajralib turadi. Bu yerda dunyo ahamiyatiga molik kurortlar joylashgan: Germaniyada Baden-Baden va Visbaden, Fransiyada Vishi, Belgiyada Spa va boshqalar. Ular ayniqsa, 19 asrning 2-yarmida nafaqat dam olish, balki shifobaxsh joy sifatida rivojlana boshlagandan keyin mashhur bo`lib ketdi. Avstriya haqli ravishda o`zining kurortlari bilan faxrlanadi. Ulardan eng mashhuri Gastyan daryosi vodiysidagi janubiy Zalsburg provinsiyasida joylashgan Badastyan balneologik kurortidir. U issiq radon buloqlari bazasida barpo etilgan. Avstriya balneologik va iqlim kurortlaridan tashqari ko`l bo`yi davolash sog`lomlashtirish turizmi safarlarini ham rag`batlsntirmoqda. Har yili Atterze, Mondze, Toplitze ko`llari 1mln turistni jalb etadi. Kelayotgan butun turistlarning 20%i davolanish maqsadida kelayotganlar tashkil etadi. Shvetsariya kurortlari soni bo`yicha Avstriya va Germaniyadan biroz orqada bo`lsada, ammo davolash va sog`lomlashtirish turizmi yo`nalishi bo`yicha mashhurlikda ulardan qolishmaydi. Shvetsariyaliklar va xorijiy mehmonlarda balneologik salomatlik maskanlari va ayniqsa, tog` iqlimi kurortlari shuhrat qozongan. Shvetsariya birinchilar qatorida o`t-o`lanlar bilan davolashni tajriba qilib ko`rgan. O`t olanlar qaynatmalariva damlamalari organism himoya qobiliyatini mustahkamlaydi. Markazlarda dermatoz, modda almashinuvi buzulishi, diabet, bo`g`in kasalliklari, asab buzilishlari muvaffaqiyatli davolanadi.
Janubiy Yevropa davolash-sog`lomlashtirish turizmi bozori asosan Italiya bilan tanilgan. Uning balneologik kurortlari mamlakat shimoli-sharqida Emilya-Romaniya viloyatida va nafaqat termal suvlari, balki shifobaxsh balchig`i bilan ham nim qozongan Iskya orolida to`plangan, Portugaliya, Ispaniya, Gretsiya turistlarni o`zlarining dengiz bo`yi iqlim kurortlari bilan jalb etadi. Bu kurortlar dam olish va ko`ngil ochish zonalari sifatida shuhrat qozongan.
Shimoliy Yevropada davolash-sog`lomlashtirish turizmi past darajada rivojlangan. Daniya, Norvegiya, Finlandiya, Shvetsiya va Niderlandiya kabilar dengiz bo`yi kurortlari bilan ajralib turadi. Ammo ular ko`proq ichki ahamiyatga egadirlar.
Amerikada, Yevropadagi singari turistik oqimlarining kattagina qismi hudud ichida jamlangan. Ayniqsa Shimoliy Amerikaning uch davlati AQSH, Kanada va Meksika o`rtasida turistik almashinuvlar jadal yo`lga qo`yilgan.
BTT ma`lumotlariga ko`ra AQSHdan Meksikaga boradigan turistik oqimlar jahonda eng yirik hisoblanadi. Turistlar AQShga geyzerlar vodiysida bo`lish, Yelloutson milliy parkida “tirik geologiya” paydo bo`lishini o`z ko`zlari bilan ko`rish uchun tashrif buyurishadi. Ulkan stalagtatlar osilib turgan Karl Sbad g`orini tomosha qiladilar. President Teodor Ruzvelt Amerikaning buyuk diqqatga sazovor joyi deb ta`riflagan grand Kan`on beqiyos panaramasiga mahliyo bo`ladilar. Kaliforniyaning qumloq plyajlarida cho`milib, dam olib huzr qiladilar. Ammo tashrif buyuruvchilarni faqat boy tabiat go`zalliklarigina maftun etib qolmaydi. Balki, xorijiy mehmonlarni AQSH poytaxti Vashington va Nyu York shaharlari va Monxettonning betonli osmono`par binolari, Kolumbiya universiteti, banklar ko`chasi Uoll stritt, mashhur Bruklin ko`prigi, Metropoliten- opera maskanlari ham jalb etadi. Turistlarni boshqa Amerika shaharlari va shtatlari, masalan, Gollivud kinostudiyasi, Disneylend quvnoq parki joylashgan Los Angeles shahri ham befarq qoldirmaydi.
AQShda shakllanayotgan boshqa turistik oqimlar yo`nalishlari orasida Osiyo – Tinch okeani hududi ajralib turadi. Bu hudud amerikaliklarda xuddi yevropaliklardagi singari ommaviy e`tabor qozongan. Amerikalik turistlar ko`proq Xitoyga tashrif buyurishadi.
BTT bashoratlari bo`yicha 2020-yilga borib, jahonning boshqa hududlari bilan Amerika o`rtasida turistlar almashinuvi jadalligi ortadi. Amerika bozorida kirish turizmida Yevropa, Osiyo-Tinch okeani hududi va Yaqin Sharq yaxshi istiqbollarga ega.
Amerika qit`asida davolash –sog`lomlashtirish turizmi bozorida shubhasiz AQSH yetakchi o`rinni egallaydi. Uning sog`liqni saqlashdagi yutuqlari (organlar va hujayralarni ko`chirib o`tkazish, kardioxirurgiya, plastic operatsiya) butun dunyoda tan olingan. Vrachlar va yordamchi tibbiyot xodimlar dunyoda eng malakali va mahoratli hisoblanadilar. Klinik komplekslar ilm-fan yutuqlarining eng so`nggi uskunalari bilan jihozlangan. Ammo AQSHda tibbiy yordam juda qimmat turadi. Shuning uchun ham amerikaliklar o`z sog`liqlariga jiddiy e`tibor bilan qaraydilar. Turli kasalliklar oldini olish choralarini ko`radilar va shu maqsadda kurortlarga boradilar.
Shimoliy Amerika kurortlarining asosiy turi –balneologik tipda. Ular barcha shtatlarda mavjud bo`lib, AQSHning markaziy qismida Arkanzas shhtatida joylashgan Xot-Springs, Xiber-Springs, Mammot-Springs kurortlari o`zining mineral suvlari bilan mashhur. Nyu York shahri chekkasidagi Long Bich, Atlantika okeani qirg`og`idagi Xatteras, Shimoliy Karalina, Floridadagi Mayami Bich, Kaliforniyadagi San Diego va Santa Kruz dengiz bo`yi iqlim kurortlarida dam olishga talab katta. Ko`l bo`yi kurortlari ham mashhur. Ko`pchilik Amerikaliklar dam olish va davolanish uchun Markaziy Amerika, Barbados, Kuba va Bagam orollarini ma`qul ko`rishsada, bu ko`l bo`yi kurortlari ham doimo gavjum.