Uliwma psixologiya kk

Ta`kirarlaw ushin sorawlar. 


Jeke adam degenimiz ne 


Jeke adamg`a kimler kirmeydi. 


Jeke adam bag`darlaniwshilig`i degenimiz ne. 


Xizmet degenimiz ne. 


Ol haywanlar is-ha`rektinen nesi menen ayriqshalanadi 


Is-ha`rekettin` maqseti ha`m sebebi degenimiz ne 


Olar arasindag`i qarim-qatnas qanday 


Jaqin ha`m uzaq motivatsiya arasindag`i ayirmashiliq nede 


Xizmettin` tiykarg`i komponentlerin atap o`tin` 


Teoriyaliq ha`m praktikaliq is-ha`reket neden ibarat 


Xizmettin` tiykarg`i tu`rlerine salistirmali sipatlama berin` 
A`debiyatlar 


Gippenreyter Yu.B. Vvedenie v obshuyu psixologiyu.1988, s. 95-128.


Leont`ev A.N. Problemi razvitiya psixiki. 1981 ,


Leont`ev A.N. Deyatel`nost`. Soznanie. Lichnost`. 1929 


Davidov V.V. Kategoriya deyatel`nosti i psixicheskogo otrajeniya. Vestnik MGU, Ser. 
14. Psixologiya . 1929, №4 


«Psixologiya slovar`» M- 1990. 


I.A.Karimov. «Barkamol avlod - Wzbekiston taraqqietining poydevori», T., 1997j. 


G`oziev. «Muamola psixologiyasi». T.,2002


Krutetsskiy V.A. Psixologiya. N. Bilim baspasi, 1991


«Boshkaruv muloxot psixologiyasi» Azizova.T- 2000. 
 
 

---

24
 Qarim-qatnas 
 
Reje: 
1. Qarim-qatnas tu`sinigi ha`m onin` tu`rleri. 
2. Toparlar tu`sinigi ha`m olardin` tu`rleri. 
 
 
 
Psixologiyada qatnas tu`sinigi. Adamlar arasindag`i qarim-qatnas ha`m onin` nizamliqlari 
adamlar turmis ta`rzinin` barliq tarawlarinda basqa adamlar menen bolatug`in o`z-ara qatnasiqlardin` 
en` a`hmiyetli sha`rtlerinen biri bolip esaplanadi. Adamnin` aqili, erki, sezim ma`deniyati, ta`rbiya 
ko`rgenligi, iybeliligi ha`m sol siyaqli barliq qa`siyetler qarim-qatnas arqali qa`liplesken. Sonin` menen
birge uyqizizliq, bas awiriw, nevrozlar, insul`tlar, infarktlr ha`m basqa da tu`rli kesellikler, sonday aq 
ishimlikke, narkotik zatlarg`a o`sh boliw, ha`tteki o`z janina qast qiliw, bulardin` barlig`i sol qarim-
qatnas na`tiyjesi esaplanadi. A`psanalarda aytiliwinsha, dana Ezop o`zinin` xojeyininin` «Mag`an 
birinshi, du`n`yadag`i en` mazali tag`amdi keltir ha`m onnan son` en` biymaza, jag`imsiz tag`amdi 
keltir», -dep buyirg`aninda, ol ekewinede qaynatilg`an tildi a`kelgen eken. Demek, til, qarim-qatnas, 
so`ylesiw insan o`mirinde onnan qanday paydalaniw, oni qanday isletiw, qanday sho`lkemlestiriwine 
qarap, onin` ushin en` a`ziz, en` qa`dirli boliwi yamasa kerisinshe en` qorqinishli, qayg`ili boliwi da 
mu`mkin. 
Insaniyat rawajlaniwinin` ha`zirgi basqishinda adamlardin` ku`ndelikli qarim-qatnasinin` tezlesiwi, 
xaliq tig`izlig`inin` artip bariwi, adamlardin` turmis jag`dayinin` tez pa`t penen o`zgeriwi, olardin` 
ku`sheyip bariwi siyaqli jag`daylar bu`gingi ku`nde qarim-qatnas ma`deniyatinin` joqari da`rejede 
boliwin talap etedi.