52
3-bob. BUXGALTERIYA HISOBINING
PREDMETI, OBYEKTLARI VA METODI
Fan, bu tartibga solingan bilimdir.
G.Spenser
3.1. Buxgalteriya hisobi predmeti va
obyektlarining ta’rifi
Ma’lumki, u yoki bu sohani o‘rganuvchi har bir fan o‘z
predmeti
,
ya’ni o‘rganiladigan obyektlariga va
metodi
, ya’ni shu predmetni
o‘rganish usullarining ilmiy asoslangan majmuasiga ega bo‘lishi lozim.
Shuningdek, buxgalteriya hisobi ham iqtisodiy fanlarning mustaqil bir
tarmog‘i sifatida o‘z predmeti va metodiga ega.
Korxonalar xo‘jalik faoliyati amaldagi qonunchilik va tasdiqlangan
biznes-rejasiga muvofiq amalga oshirilib, ishlab chiqarishni beto‘xtov
o‘stirishga, mehnat unumdorligini oshirishga, resurslarni juda ham tejab
sarflashga, mahsulot sifatini yaxshilash va tannarxini pasaytirishga,
foydani ko‘paytirish va natijada rentabellikni o‘stirishga yordam berishi
kerak.
Xo‘jalik yurituvchi subyekt moliya-xo‘jalik faoliyatini amalga
oshirishi uchun zarur mablag‘lar va ularning vujudga kelish manbalariga
ega bo‘lishlari lozim. Mablag‘lar va manbalar ta’minot, ishlab chiqarish
va realizatsiya jarayonlarida sodir bo‘ladigan xo‘jalik muomalalari
ta’sirida o‘zgaradi.
Yuqorida ta’kidlanganidek, buxgalteriya hisobi tadbirkorlikni
rivojlantirish va biznesni boshqarishda muhim ahamiyatga ega. Lekin
buxgalteriya hisobi korxona xo‘jalik faoliyatining pulda ifodalanadigan
qisminigina aks ettiradi. Bu esa buxgalteriya hisobining obyektlarini
belgilab beradi.
Xo‘jalik mablag‘lari (aktivlar), ularning manbalari (passivlar)
va mablag‘larning kengaytirilgan takror ishlab chiqarish jarayo-
nidagi doiraviy aylanishi hamda faoliyat natijalari
Dostları ilə paylaş: