Va istiqbollarini belgilash ilmiy-tadqiqot instituti
Yüklə 189,51 Kb. Pdf görüntüsü
|
- Bu səhifədəki naviqasiya:
- «Kim ko‘p so‘z biladi» o‘yini
- «So‘nggi axborot» o‘yinini
- Rasmlarni to‘g‘ri joylashtirish» usuli
|
«O‘ylab top» o‘yini
3–4 va undan yuqori sinf o‘quvchilari bilan o‘tkazilishi maqsadga muvofiq, chunki bu o‘yin samarali natija berishi uchun o‘quvchilar ko‘p so‘z bilishlari kerak bo‘ladi. Mazkur o‘yinda ma’lum bir kasbga oid so‘zlar olinib, boshlovchi biron kasb egasiga taqlid qilib harakat qiladi, o‘yin ishtirokchilari bu harakat qaysi kasbga oid so‘zni ifodalashini topishlari kerak. Bekitilgan so‘z kartochkaga yozilgan bo‘lib, so‘zni to‘g‘ri topgan o‘quvchiga ko‘rsatiladi. O‘yinda javobni to‘g‘ri topgan o‘quvchilar g‘olib bo‘ladi. «Kim ko‘p so‘z biladi» o‘yini ham o‘quvchilarning lug‘at boyligini o‘stirishga katta yordam beradi. Buning uchun sinf 2 guruhga bo‘linadi va har bir guruh uchun alohida topshiriq beriladi. 1-guruh o‘quvchilariga ikki tomoni bir xil unli bilan yoziladigan, 2-guruhga esa ikki tomoniga bir xil undosh yoziladigan so‘zlarni doskaga yozish topshiriladi. Masalan: 1-guruh ikki, alla; 2-guruh qiziq, katak kabi. Har bir guruh o‘quvchilari birma-bir chiqib so‘zlarni yozadilar. So‘z topolmay to‘xtagan guruh yutqazgan hisoblanadi. «So‘nggi axborot» o‘yinini 3-sinfdan boshlab, har darsning boshlanish bosqichida o‘tkazib turish yaxshi natija beradi. O‘quvchilar hafta davomida o‘zlari eshitgan, ko‘rgan yangiliklari xususida so‘zlab beradilar. Bu ish turi o‘quvchilar bog‘lanishli nutq malakalarini rivojlantirishga, so‘z so‘rash, so‘zga chiqish, bir- birining fikrini davom ettirish, o‘zini xuddi suxandonlar, jurnalistlar kabi tutish odobini o‘rganishga yordam beradi. Bu o‘yin o‘quvchilarning og‘zaki nutqini o‘stirishga, yangiliklarni o‘zbek tilida eshitish, ularni birinchi bo‘lib so‘zlab berishga intilish, chiroyli va bexato gapirishni o‘rgatishga sabab bo‘ladi. « Rasmlarni to‘g‘ri joylashtirish» usuli . Ma’lumki, ta’lim boshqa tillarda olib boriladigan «O‘zbek tili» darsliklarida adabiy o‘qish uchun turli she’rlar, hikoyalar, ertaklar ham berib boriladi. Ushbu ertak va hikoyalar o‘qib bo‘lingach, ularni takrorlash uchun ushbu metoddan foydalanish yaxshi natija beradi. Buning uchun shu ertaklar asosidagi rasmlarni har xil qilib doskaga terib qo‘yiladi. O‘quvchilar rasmlarni mavzuni mantiqiy ketma-ketlikda yoritishga xizmat qiladigan shaklda qayta terib chiqadilar va ertak mavzusini qisqacha so‘zlab beradilar. Yüklə 189,51 Kb. Dostları ilə paylaş:
|