1 O‘zbekiston respublikasi oliy va o‘rta maxsus ta’lim vazirligi

Foydalanilgan adabiyotlar: 
1. Mirziyoyev Sh.M. Mustaqillik – ezgu niyatlarimiz, buyuk maqsadlarimiz 
ro‘yobi yo‘lida qudrat manbai. Prezidenti Shavkat Mirziyoyevning O‘zbekiston 
Respublikasi mustaqilligining yigirma to‘qqiz yilligiga bag‘ishlangan tantanali 
marosimdagi nutqi. “Yangi O‘zbekiston”, 2020-yil, 1-sentabr.

---

-204- 
2. Mirziyoyev Sh.M. O‘qituvchi va murabbiylar – Yangi O‘zbekistonni barpo 
etishda katta kuch, tayanch va suyanchimizdir. O‘zbekiston Respublikasi Prezidenti 
Shavkat Mirziyoyevning o‘qituvchi va murabbiylar kuniga bag‘ishlangan tantanali 
marosimdagi nutqi. “Yangi O‘zbekiston”, 2020-yil, 1-oktabr. 
3. Munavvarov Z. Yangi Renessans – daxldorlik sharafi va mas’uliyati, “Yangi 
O‘zbekiston”, 2020-yil 15-sentabr, 176-son. 
 
Akhmedova Durdona Qahramon qizi 
BuxDUPI “Xorijiy tillar” kafedrasi talabasi 
Ergasheva Farangiz Sherali qizi 
BuxDUPI “Xorijiy tillar” kafedrasi talabasi
“UCHINCHI RENESSANS”NI BUNYOD ETISHDA PEDAGOGLARNING 
O‘RNI VA ROLI 
Annotatsiya
. Zamonaviy o‘qitishning o‘ziga xos xususiyatlari, interaktiv 
metodlar, innovatsion texnologiyalarning o‘rni va ta’siri, texnologik xaritasi aks 
etgan. Shuningdek, o‘quv jarayonini samarali tashkil etishning asosiy tamoyillari, 
yo‘llari, usullari, shakllari, vositalari aniqlangan. Eng muhimi o‘qituvchining 
innovatsion faoliyati va ta’lim texnologiyalari yuzasidan ilmiy tavsiyalar berilgan. 
Kalit so‘zlar:
o‘qituvchi, axloqiy barkamollik, kompetentlik, innovatsion 
faoliyat, raqobat, yaratuvchanlik, vatanparvarlik, aqliy salohiyat, ijodkorlik. 
Yosh avlodga ta’lim va tarbiya berishni muvaffaqiyatli hal etish o‘qituvchiga, 
uning g‘oyaviy e’tiqodi, kasb mahorati, iste’dodi va madaniyatiga bog‘liq. Bu g‘oyat 
murakkab va mas’uliyatli vazifani amalga oshirishda o‘qituvchi qanday o‘qitish 
kerakligini nazariy-amaliy jihatdan bilishi lozim. Ma’lumki, o‘qituvchining 
pedagogik mahorati, asosan, darsda ko‘rinadi. O‘qituvchilik – katta san’at. Bu 
san’atga – o‘qituvchilik kasbiga, chinakam murabbiy bo‘lishga havasi, ishtiyoqi zo‘r, 
zamon talablarini tez va chuqur tushunadigan, o‘zining ilmiy, ijtimoiy-siyosiy 

---

-205- 
saviyasi, pedagogik mahoratini izchillik bilan amalga oshirib boruvchi, mustaqillik 
g‘oyasi va mafkurasi bilan puxta qurollangan haqiqiy vatanparvar va mehnatsevar 
insonlargina erisha oladilar. Shu o‘rinda ta’kidlash joizki, o‘qituvchining shaxsiy 
fazilatlari: axloqiy barkamollik, ya’ni saxovatpeshalik, mehribonlik, talabchanlik, 
ma’naviy poklik, qanoatlilik, rostgo‘ylik, sadoqatlilik, pokizalik, ziyraklik, 
andishalilik, vazminlik, sabr-bardoshliligi bilan birga uning kasbiy fazilatlari: o‘z 
sohasining puxta bilimdoni bo‘lib, o‘zining nutq madaniyatiga ko‘ra tevarak-
atrofdagi insonlarga namuna bo‘la olishi muhimdir. Tabiiyki, mohir o‘qituvchi 
o‘zining shaxsiy faoliyatini o‘zi tahlil etib boradi. Pedagogik kompetentligini 
rivojlantirish uchun faoliyati davomida pedagogik vazifa va maqsadlarini o‘zgartirib, 
yangi vazifalarni qo‘llash asosida o‘quvchi shaxsiga mohirlik, donolik, ijodiy 
dadillik, chuqur ilmiy tafakkur bilan yondashadi. Pedagogik mahorat va kompetentlik 
o‘qituvchidan qat’iyat, tirishqoqlik, tadqiqotlarni olib borishga intilish, yangi 
vaziyatga moslashish, samimiylik, to‘g‘rilik, halollik, kuch, o‘tkir aql-idrok talab 
etadi. Bunda, avvalo, ta’lim va tarbiyani rivojlantirish, sog‘lom turmush tarzini qaror 
toptirish, ilm-fan va innovatsiyalarni taraqqiy ettirish milliy g‘oyamizning asosiy 
ustunlari bo‘lib xizmat qilishi lozim. 
Ushbu maqsad yo‘lida yoshlarimiz o‘z oldiga katta marralarni qo‘yib, ularga 
erishishlari uchun keng imkoniyatlar yaratish va har tomonlama ko‘mak berish – 
barchamiz uchun eng ustuvor vazifa bo‘lishi zarur. Shundagina farzandlarimiz 
xalqimizning asriy orzu-umidlarini ro‘yobga chiqaradigan buyuk va qudratli kuchga 
aylanadi[1]. Bugungi kunda o‘qituvchi ma’naviy jihatdan sog‘lom va keng fikrlay 
oladigan, o‘z milliy qadriyatlari, urf-odatlari va millatimizning buyuk siymolari 
hayoti va ijodiy merosini teran bilishi lozim. Ayniqsa, milliy an’analarimiz, urf-
odatlarimiz, qadriyatlarimiz asosida davlatimizning buyuk kelajagi bo‘lgan yosh 
avlodga chuqur bilim berishda o‘qituvchi yuksak qobiliyat va ishchanlik bilan ongli, 
ijodiy yondashuv asosida ta’limtarbiya jarayoniga metodik bilimlarini samarali 
qo‘llay olishi kerak. Buning uchun o‘qituvchidan quyidagi burch va mas’uliyatlar 
talab etiladi:

---

-206- 
– eng avvalo, o‘qituvchi yuksak his-tuyg‘u va tajriba, notiqlik san’atiga ega 
madaniyatli, ma’rifatli, ijodkor, ta’lim-tarbiya faoliyatida tashabbuskor va yosh avlod 
kelajagi uchun javobgar shaxs bo‘lishi; 
– o‘qituvchi o‘z mehri, estetik his-tuyg‘ularini har lahzada yoshlar ichki 
dunyosi bilan bog‘lay olishi va ularning mehri, hurmatiga sazovor bo‘lishi; 
– o‘qituvchi jamiyat ijtimoiy hayotida ro‘y berayotgan o‘zgarishlar, olib 
borilayotgan ijtimoiy-iqtisodiy islohotlar mohiyatini chuqur anglab еtishi va ularga 
xolisona baho bera olishi; 
– zamonaviy o‘qituvchining ilm-fan, texnika va axborot-kommunikatsion 
texnologiyalar yangiliklari va yutuqlaridan xabardor bo‘lib, barcha fanlar 
integratsiyasini o‘zlashtirishi va hokazo. 
O‘qituvchilar unutmasliklari kerakki, kuchli bilim, kasbiy metodika va oddiy 
insoniy fazilatlardan iborat uchta xususiyat birlashib o‘qitish jarayonining pirovard 
natijasini belgilaydi. O‘qituvchi har bir darsni yaxlit holatda ko‘ra bilishi va uni 
tasavvur etishi uchun bo‘lajak dars jarayonini loyihalashtirib olishi hamda texnologik 
xarita qanday tuzilgan bo‘lmasin, unda dars jarayonini tashkil etish texnologiyasi 
to‘liq o‘z ifodasini topgan bo‘lishi kerak. 
Pedagogning innovatsion faoliyati – bu o‘z ichiga yangilikni tahlil etish va 
unga baho berish, kelgusidagi harakatlarning maqsadi va konsepsiyasini 
shakllantirish demakdir. Innovatsion faoliyatni to‘g‘ri tashkil etish, ta’lim jarayonida 
yuzaga kelgan muammolarni aniqlash, hal etish, unga doir qaror qabul qilish hamda 
tanlab olingan qarorni amalga oshirish va uni baholash imkonini yaratadi, 
muammolarni esa samarali hal etadi. Yangi pedagogik texnologiyalarning xislati 
shundaki, unda qo‘yilgan maqsadlarga erishish kafolatini beruvchi o‘quv jarayoni 
rejalashtiriladi va amalga oshiriladi. 
Innovatsion ta’lim o‘qituvchi faoliyatini yangilash, ta’lim-tarbiya jarayonini 
maqbul qurishga, yoshlarda hurfikrlilik, bilimga chanqoqlik, Vatanga sodiqlik, 
insonparvarlik tuyg‘ularini shakllantirishga ijobiy ta’sir ko‘rsatadi. O‘quv jarayonini 
samarali tashkil etilishi o‘qituvchining innovatsion faoliyati, g‘oyaviy e’tiqodi, kasb 

---

-207- 
mahorati, iste’dodi va madaniyatiga bevosita bog‘liq. Hozirgi kunda shiddat bilan 
rivojlanayotgan zamon har birimizdan doimo izlanib, tashabbus ko‘rsatib, yangicha 
ishlashni talab etmoqda. “
Bugun har bir o‘qituvchi va tarbiyachi, oliygoh domlasi 
ta’lim va ilm fan sohasidagi eng so‘nggi ijobiy yangiliklarni o‘quv jarayonlariga 
tatbiq eta oladigan, chuqur bilim va dunyoqarash egasi, bir so‘z bilan aytganda, 
zamonamiz va jamiyatimizning eng ilg‘or vakillari bo‘lishlari kerak
[2]”. 
Innovatsion faoliyatda eng muhim masalalardan biri – o‘qituvchi shaxsidir. 
O‘qituvchini innovatsion faoliyatga tayyorlashda yangiliklarni idrok etishga 
innovatsion shaylikni shakllantirish va yangicha harakat qila olishga o‘rgatish 
yo‘nalishlari muhimdir. Innovatsion faoliyat – pedagogning o‘z kasbini 
takomillashtirishdagim mavjud shakl va vositalarni egallashga ijodiy yondashuvini 
nazarda tutadi. Innovatsiya o‘quv jarayoniga yangilik olib kirish, o‘quv jarayonini 
o‘quvchi ehtiyoji, xohishi va istaklariga moslashtirish, o‘quvchini mustaqil 
mutolaaga o‘rgatish demakdir. Innovatsiya – amaliyot va nazariyaning muhim qismi 
bo‘lib, ijtimoiymadaniy obyekt sifatlarini yaxshilashga yo‘naltirilgan ijtimoiy 
subyektlarning harakat tizimida shakllangan yangicha yondashuvdir. Ular 
tashabbuslar va yangiliklar asosida tug‘iladi va ta’lim mazmunini rivojlantirish uchun 
istiqbolli bo‘ladi va ta’lim tizimi rivojiga ijobiy ta’sir ko‘rsatadi. Innovatsiya – 
ma’lum bir faoliyat maydonidagi muammoni еchish uchun yangicha yondashuv yoki 
yangi texnologik jarayonni qo‘llash, oldingidan ancha muvaffaqiyatga erishishga olib 
kelishi ma’lum bo‘lgan oxirgi natija sifatida o‘qituvchi va o‘quvchining belgilangan 
maqsaddan kafolatlangan natijaga hamkorlikda erishishlari uchun oldindan ta’lim 
jarayonini loyihalashdir.