Pedaqoji universitetləRDƏ bakalavriat səVİYYƏSİ ÜZRƏ
Yüklə 2,8 Kb. Pdf görüntüsü
|
|
Əlizadə Əsgərli
filologiya elmləri doktoru, dosent 3 İZAHAT VƏRƏQİ Keçən əsrin 90- cı illərində ölkəmiz müstəqillik qazandıq- dan sonra respublikamızın demokratikləşməsi istiqamətində görülən tədbirlər təhsil sahəsində də müasir və milli ideyaların meydana çıxmasına, təhsilin forma və məzmununun yeniləş- məsinə geniş imkanlar açmışdır. Bu imkanlar nəticəsində Azərbaycan ədəbiyyatı tarixi fənni ilə bağlı yeni araşdırmalar aparılmış (indi də aparılır), külli miqdarda ədəbi- bədii faktlar üzə çıxmışdır. Bunun da nəticəsində ədəbiyyat tariximizə baxış əsaslı şəkildə dəyişmişdir. Belə ki, bu yeniləşmənin nəticəsində ədəbiyyatımız sovet ideologiyasından və sosialist realizmi metodundan əsaslı şəkildə azad olmuşdur. Hazırda təhsilimizdə yeni bəşəri, milli- mənəvi, ədəbi- mədəni konsepsiyaların tətbiqi uğurla həyata keçirilməkdədir. Respublikamızda təhsilin inkişafı ilə bağlı son illərdə verilmiş sərəncamlara və qəbul edilmiş qanunlara əsasən Azərbaycan ədəbiyyatına, onun tədrisi məsələlərinə dair müasir tələblərə cavab verən tədqiqatların aparılması, proqram, dərslik və dərs vəsaitlərinin yenidən hazırlanmasının vacibliyi gündəmə gəlir. Bu gün Azərbaycan ədəbiyyatının tədqiqi istiqamətində axtarışlar davam edir. Araşdırma zamanı yeni faktlar üzə çıxdıqda təbii ki, tədris sahəsində dərslik və proqramlara yeni tələblər baxımından yanaşmaq da xüsusi tədqiqat tələb edir. Belə ki, müasir dünya təhsilinə inteqrasiya edən Azərbaycan təhsil sistemi də müasirləşməli, hər bir fənnin tədrisində yeni kuriku- lumun tələblərinə əməl olunur. Ənənəvi təhsil proqramından fərqli olaraq müasir kurikulum şəxsiyyətyönümlü, nəticəyönümlü və tələbəyönümlüdür. Burada inteqrativlik əsas prinsip kimi qəbul olunub, qiymətləndirmə standartları, mexanizmləri aydın müəyyən edilib. Azərbaycan ədəbiyyatı tarixi fənn proqramı bu tələblər əsasında hazırlanıb. Azərbaycan ədəbiyyatı ixtisası üzrə hazırlıq 4 Azərbaycan ədəbiyyatının ümumi problemlərini, ayrı- ayrı dövrləri, ərəbdilli, farsdilli, anadilli ədəbiyyat mərhələsi, qədim dövr, orta əsrlər ədəbiyyatı, təriqətçilik ənənəsi, ədəbi- didaktik fikirlər, yeni dövr ədəbiyyatımıza baxışların dəyişməsi, yeni bəşəri, milli- mənəvi yanaşmalar, janr səciyyəsini, elmin ümumi nəzəri prinsiplərini, tarixini və onların tədqiqi sahələrini əhatə edir. İxtisas üzrə hazırlıq nəticəsində əldə edilən biliklər vasitəsilə təhsilalanlar Azərbaycan ədəbiyyatının ümumi məsələləri ilə bağlı elmi, nəzəri və pedaqoji məlumatlar əldə edirlər. Yüklə 2,8 Kb. Dostları ilə paylaş:
|