16 – bob. Erektil disfunksiya (impotensiya)
Yüklə 363,25 Kb. Pdf görüntüsü
|
|
Davolash
etiopatogenetik bo‘lishi kerak. Etiotrop davolash deganda erektil buzilishlar paydo bo‘lishiga olib keluvchi qandli diabet, umurtqaning degenerativ kasalligi, giperprolaktinemiya, nevrozlarni davolash nazarda tutiladi. Erektil buzilishlarni davolash konservativ va operativ bo‘lishi mumkin. Erektil disfunksiyani dori – darmonlar bilan uzoq muddat davolash uchun adaptogenlar va biogen stimulyatorlar (jenshen, eleuterokokk, exinopanaks, aralii, pantokrin ekstraktlari va damlamasi), angioprotektorlar, dezagregantlar, qon tomirlarni kengaytiruvchi preparatlar, α–adrenoblokatorlar (ioximbin), antioksidantlar, o‘simliklardan tayyorlangan dori vositalari (tenteks, speman), qon aylanishini stimullashga yo‘naltirilgan fizioterapevtik usullar bilan birga qo‘shib qo‘llaniladi. YUqorida aytilgan preparatlar bilan davolash kursini o‘tkazish tomirlar tonusini stabillashga, tomirlar devorining elastikligini oshirishga yo‘naltirilgan va ereksiya vaskulogen buzilishining kompensator turida samarali bo‘ladi. CHanoqning qon bilan to‘lishini stimulyasiya qilish uchun markazga ta’sir qiluvchi preparatlar – trazodon va apomorfin ishlatilishi mumkin. Periferik ta’sirga ega bo‘lgan preparatlarga nitroglitserinli va minoksidil mazlar kiradi, ularning samarasi qo‘llagan joyda qon oqimini mahalliy kuchaytirishga asoslangan. Neyrogenli erektil buzilishlar prozerin, dupleks, V guruhidagi vitaminlar, fizioterapevtik vositalar bilan davolaniladi. Endokrin buzilishlar xarakteriga qarab qat’iy ko‘rsatmasi bo‘yicha gormonal terapiya o‘tkaziladi. Androgen etishmovchiligida testosterondan tayyorlangan preparatlar (sustanon – 250, andriol) qo‘llaniladi. Erektil disfunksiyani davolashda bitta jinsiy juftlikda jimo’ni bajarish uchun ishlatiladigan, tabiiy yoki sun’iy (farmakologik) ereksiyani bir marta kuchaytirishga yo‘naltirilgan bemorlarni seksual adaptatsiya qilish usuli alohida o‘rinni egallaydi. Bularga har xil vakuum – erektorlar, periferik ta’sir qiluvchi kavernoz tanacha ichiga in’eksiya qilish uchun (alprostadil, papaverin gidroxlorid, fentolamin) yoki endouretral (alprostadil “MUSE”) qo‘llaniladigan hamda tabletkali sildenafil sitrat (Viagra) kabi vazofaol preparatlar kiradi. Dori–darmonlar bilan tuzatishning bunday turi vaskulogen erektil buzilishlarning subkompensatsiyalangan va dekompensatsiyalangan bosqichlarida qo‘llaniladi. Psixogen erektil disfunksiya bilan bo‘lgan bemorlarda kavernoz tanacha ichiga yuboriladigan vazofaol preparatlarni yoki Viagrani psixoterapiya bilan birga qo‘shib buyurilganda psixologik holatni va seksual faollikni tiklashga imkon tug‘iladi. Organik erektil disfunksiyaning subkompensatsiyalangan va dekompensatsiyalangan turlarida operativ davolash qo‘llaniladi. Venoz qon ko‘p oqib ketishi sabab bo‘ladigan jinsiy olatning arterial etishmovchiligida va venookklyuziv disfunksiyada, kavernoz tanachalarga qo‘shimcha arterial oqim paydo qilishga yo‘naltirilgan (jinsiy olatning revaskulyarizatsiyasi) operatsiya o‘tkaziladi. Virag–Hauri usuli bo‘yicha revaskulyarizatsiya operatsiyasi – pastki epigastral arteriya va jinsiy olatning dorsal venasi o‘rtasida har xil tipdagi anastomozlar qo‘yish eng ko‘p tarqaldi. Venookklyuziv buzilishlarni to‘g‘rilashga qaratilgan operatsiyalar (spongiolizis, chuqur dorsal venani bog‘lash va kesib olib tashlash, chuqur dorsal venani oqchil parda burmasiga ko‘mish, jinsiy olat oyoqchalarini mahkamlash) kavernoz tanachalardan patologik venoz oqimga ustunlik qiluvchi yo‘llarni yo‘qotishdan iborat. Venookklyuziv disfunksiya bo‘lgan hollarda venoz jarrohlik usullari hozirgi vaqtda jinsiy olatning revaskulyarizatsiyasi bilan birga qo‘shib qo‘llaniladi. Erektil disfunksiyaning dekompensatsiyalangan turlarida, ayniqsa kavernoz tanachalar (miogen) etishmovchiligi bunday tanachalar fibrozi sababli ro‘y berganda dori–darmonlar bilan davolash va jinsiy olat revaskulyarizatsiyasining samarasizligi falloendoprotezlarni qo‘llashga ko‘rsatma bo‘ladi. Falloprotezlar shakli va kattaligi kavernoz tanachalarga muvofiq keladigan silikonli o‘zaklar va ballonlardan iborat. Operatsiya paytida kavernoz tanacha boshidan oxirigacha bujlanadi. Hosil qilingan kanalchalarga jinsiy olatning qattiqligini saqlab turuvchi falloprotezlar o‘rnatiladi (16.3 – rasm). 16.3 – rasm. Jinsiy olatning uch komponentli gidravlik protezi. 1– suyuqlik saqlovchi rezervuar; 2– silindrlar; 3– pompa. Zamonaviy plastik va ayniqsa gidravlik modelli protezlar jinsiy olatni modellashtirish imkonini beradi, ular tabiiy ereksiyaga o‘xshab vazifani bajarish bilan mos keladi. Endokavernoz falloprotezlashning yuqori samaradorligi uni erektil disfunksiyani operativ davolashda ustivor usul qildi Yüklə 363,25 Kb. Dostları ilə paylaş:
|