A. Sh. Bekmurodov, Ya. K. Karrieva, I. U. Nematov, D. H. Nabiev, N. T. Kattaev xorijiy investitsiyalar

Soliq imtiyozi –
soliq to’lovchilarning ayrim toifalariga qonun hujjatlarida
belgilangan tartibda soliq to’lashdan to’liq, qisman va vaqtincha ozod qilish shakli.
Soliq stavkasi –
soliqlarni hisoblashda soliq bazasining har bir birligi hisobiga
to’g’ri keladigan soliq me’yorini ifodalaydi.
Soliq yuki –
soliq to’lovchining muayyan davrda byudjetga to’langan soliqlar va
boshqa majburiy to’lovlarning yig’indisini ifodalaydi.
Soliq yukini engillashtirish –
soliqlarning foiz stavkalari kamaytirish va
imtiyozlar yaratish.
Soliqlar
– bular majburiy, qaytarilmaydigan to’lovlar. Ular davlat organlari
tomonidan ishlab chiqarish birliklaridan tovar va xizmatlarni ishlab chiqarganlari
146

---

uchun yoki ishlab chiqarish omillaridan foydalganlari uchun olinadi.
Tannarx
– mahsulot ishlab chiqarish va sotish uchun ketgan barcha
xarajatlarning qiymati.
Tarkibiy o’zgarishlar
– milliy iqtisodiyotning samarali va barqaror tarkibiy
tuzilishini ta’minlash maqsadida uning tarmoq va sohalarini izchil ravishda
o’zgartirib borish. Tarkibiy o’zgarishlar o’z ichiga yangi tarmoqlarni barpo etish,
ba’zilarini kengaytirish, ayrim samarasiz, istiqbolga ega bo’lmagan tarmoqlarni
qisqartirish kabi chora-tadbirlarni oladi.
Tashqi qarz –
mamlakat hukumati, moliya-kredit tashkilotlari, yirik korxonalarining
boshqa mamlakatlar moliya-kredit muassasalaridan qarzga olgan moliyaviy
mablag’larining jami hajmi.
Tashqi savdo
– bir mamlakatning boshqa mamlakatlar bilan savdosi.
Tashqi savdo siyosati
– Bir mamlakatni boshqa mamlakatlar bilan olib borayotgan savdosi (eksporti va importi)
borasidagi siyosati. Bunga teng huquqlilik va ikki tomonlama manfaat olish ko’zda tutiladi. Eksport va importning tovar
tarkibi va geografik hajmiga asosan olib boriladi.