Dünya gənc türk yazarlar bġRLĠYĠ (dgtyb)

 
 
139 
 
DƏRDĠN ALIM 
 
Çiçəklərdən səni könlüm, 
Dilər keçər, dərdin alım. 
Xəyalın tez-tez yanımdan 
Gülər keçər, dərdin alım. 
 
Dağ başını aldı duman, 
Körpə quzu anasından 
azıb ayrı düşsə, bir an 
Mələr keçər, dərdin alım. 
 
Demə: dünya bir qəfəsdir, 
Mahnılarım quru səsdir, 
Eşq, sevda bir həvəsdir, 
Gələr keçər, dərdin alım. 
 
Bahar çağı səhər erkən, 
Göy çəməndə gəzəndə sən, 
Bilirsənmi ürəyimdən 
Nələr keçər, dərdin alım?!. 
 
 

---

 
 
Seçmə aşıq şeirləri 
 
140 
SƏMƏD VURĞUN 
 
(1906 - 1956) 
 
AZƏRBAYCAN  
(şeirdən bir parça) 
 
Çox keçmişəm bu dağlardan,  
Durna gözlü bulaqlardan;  
Eşitmişəm uzaqlardan  
Sakit axan Arazları;  
Sınamışam dostu, yarı...  
 
El bilir ki, sən mənimsən,  
Yurdum, yuvam, məskənimsən,  
Anam, doğma vətənimsən!  
Ayrılarmı könül candan?  
Azərbaycan, Azərbaycan!  
 
Mən bir uşaq, sən bir ana,  
Odur ki, bağlıyam sana;  
Hankı səmta, hankı yana,  
Hey uçsam da yuvam sənsən,  
Elim, günüm, obam sənsən!  
 
Fəqət səndən gen düşəndə,  
Ayrılıq məndən düşəndə,  
Saçlarıma dən düşəndə,  
Boğar aylar, illər məni,  
Qınamısan ellər məni…  
 
Dağlarının başı qardır,  
Ağ örpəyin buludlardır.  
Böyük bir keçmişin vardır,  
Bilinməyir yaşın sənin,  
Nələr çəkmiş başın sənin.  

---

 
 
141 
 
Düşdün uğursuz dillərə,  
Nəs aylara, nəs illərə;  
Nəsillərdən nəsillərə  
Keçən bir şöhrətin vardır;  
Oğlun, qızın bəxtiyardır...  
 
Hey baxıram bu düzlərə,  
Ala gözlü gündüzlərə;  
Qara xallı ağ üzlərə  
Könül istər şeir yaza,  
Gəncləşirəm yaza-yaza...