Mitqal. Əsli ərəbcədən olan «mitqal» sözünün Azərbaycan etnoqrafik mühütinə nə vaxt
düşməsi dəqiq bəlli olmasa da, orta əsr mənbələri onun bu ad altında istehsalının Azərbaycanın
başlıca toxuculuq mərkəzlərində geniş yayıldığını göstərir.
Azərbaycanın ənənəvi pambıq parça növləri arasında mitqalxüsusi yer tutmuşdur. Nazik,
həm də çox sıx toxunmuş pambıq parça növü olmaq etibarı ilə mitqal bezdən xeyli fərqlənirdi.
Bu səbəbdən də o, çox və yüksək qiymətləndirilirdi. Mitqal, əsasən, alt paltarının tikilməsinə sərf
olunurdu. Lakin ondan çox vaxt basmaqəlib üsulu ilə çitvə qələmkarparçalar hazırlamaq üçün
xammal kimi istifadə olunurdu. Məhz bu səbəbdən də bilavasitə təbii halında məişətdə az işlənən
mitqal basma, yaxud qələmkarlıq məmulatlarının hazırlanmasına sərf olunduğundan xalq
arasında o, çox vaxt «xam mitqal» adlanırdı.
Pambıq sapının ən nazik növündən tənzif, onun ikiqat və ya üçəm bükdərilmiş növündən
isə calamaya (nazik ağ) istehsal olunurdu. Calamaya sıx toxunmuş pambıq parça növü olub, ən
çox Gəncədə toxunmuşdur.
