Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

Rafiq Əzimov 

 

İlk novbədə epizod rolların, kiçik xarakterlərin və satirik personajların if açısı kimi tanınır. 

Realist aktyor məktəbinin nümayəndəsidir və psixoloji ifadə vasitələrilə, fikir yükü daşıyan 

pauzalarla, dramatik gərginliklə oynamağa üstünlük verir. 

Rafiq  Əşrəf oğlu  Əzimov 1938-ci il fevral ayının 6-da Bakıda doğulub. ADTİ-də ali 

aktyorluq təhsili alıb (1958-1962). İnstitutu bitirən ildən AMDT-də aktyor işləyir. Xalq artistidir (28 

oktyabr 2000). Kinoda məşhur işi "Yeddi oğul istərəm" filmində Şahsuvar roludur. 

Milli Dram Teatrının səhnəsində oynadığı  əsas rollar: Kəblə  Fətulla ("Ölülər", Cəlil 

Məmmədquluzadə), Vidadi ("Vaqif", Səməd Vurğun), Kristi Dacen ("Şeytanın  şagirdi", Bernard 

Şou), Frans Fok, Müsyö Jordan ("Xırs quldurbasan" və "Müsyö Jordan" və  dərviş  Məstəli  şah, 

Mirzə  Fətəli Axundzadə), Karandışev ("Cehizsiz qız", Aleksandr Ostrovski), Doktor Mahmud 

---

("Səhra yuxuları", Anar), Mirzə Cavad ("Aydın", Cəfər Cabbarlı), Rəhmanzadə ("Bizim qəribə 

taleyimiz", İlyas Əfəndiyev), İbn Tahir ("Dar ağacı", Bəxtiyar Vahabzadə), Naşir ("Kəllə", Nazim 

Hikmət), Kişi ("Hərdən mənə mələk də deyirlər...", Kamal Abdulla), Boraçio ("Heç nədən hay-küy", 

Vilyam Şekspir), Həmzad Qurban ("Dəli yığıncağı", Cəlil Məmmədquluzadə).