Dolama leksik vahidi türk ədəbi dilində “dırnaq ətrafında ağrılı
iltihab” mənasında işlənir (75, 132): Ayaz mevsiminde, dolamadan baş parmağının tırnağı düşük sağ elini sol, sol elini sağ koltuğunda ısıtır (Ahmet Râsim) (68, 737).
Dolamaq feilinin qədim şəkli tol-ga-mak-tolgamaq-tolamaq> dolamaq şəklindədir. Türk ədəbi dilində dolamaq feilindən əmələ
gələn yeni sözlər: dolam, dolama, dolamaotu, dolambaç, dolambaçlı, dolamık, dolan, dolandırıcı, dolandırılmak, dolan-dırmak (80, 197).
İ.Z.Eyuboğlu tol kökündən əmələ gəlmiş sözlərin yuxarıda da görül-
düyü kimi müxtəlif mənalar ifadə etdiyini qeyd edir (80, 196).
Hillət. Azərbaycan dilinin Salyan şivəsində “xəstəlik, naxoşluq”
mənasını ifadə edir (7, 206).
Türk ədəbi dilində illet sözü “xəstəlik, şəfasız xəstəlik, təkrarla-
nan xəstəlik” mənalarında işlənir (75, 537): Her nefeste ciğerlerimize illet doluyor (Refik H.Karay) (68, 1390). İllet sözü ərəb mənşəlidir (80, 428). Bu söz Quba dialektində “xəstəlik adı” mənasında işlənir
(7, 233).
