§4.1. Sistem proqram təminatı
Sistem proqram təminatı - kompüterin və kompüter şəbəkələrinin işini təmin edən proqramların
və proqram komplekslərinin məcmusudur. Kompüter və onun qurğularının, tətbiqi
proqramların idarə olunmasını təmin edir.
İki alt bölməyə ayrılır: baza və servis proqram təminatı.
Baza proqramlarına əsasən kompüterin işini təmin edən proqramlar aiddir. Əməliyyat sistemləri,
əməliyyat örtükləri, şəbəkə əməliyyat sistemləri baza proqram təminatının əsasını təşkil edir.
Əməliyyat sistemləri - kompüterin qurğularını və kompüterdəki bütün əməliyyatları idarə edir.
Kompüter ilkin açılan zaman əməliyyat sistemi BIOS vasitəsilə RAM-a yüklənir. Kompüterin
qurğuları arasında, proqramları arasında, həmçinin istifadəçilərlə kompüter arasında əlaqə
(interfeys) yaradır. Sistem proqram təminatının ən əsas hissəsidir. Geniş yayılmış əməliyyat
sistemləri: MS DOS, Windows, Unix, MacOs, Linux, OS/2, NetWare, Solaris, QNX, Android, İOS
və s.
Dostları ilə paylaş: |
