Paxta sanoati mashinalarini ishlab chiqarish
Yüklə 2,08 Mb.
|
Paxta sanoati mashinalarini ishlab chiqarishRejaPaxta sanoati mashinalarini rivojlantirish asosiy yo’nalishlari va paxta sanoati mashinalarining asosiy turlariRespublikamizda jahon bozorida teng raqobatlasha oladigan va keyingi bosqichda iqtisodiy o’sishning, iqtisodiyotni yanada modernizatsiya va diversifikatsiya qilishning yetakchisiga aylanishi mumkin bo’lgan paxta tozalash korxonalarini jadal rivojlantirish hamda aniq yo’naltirilgan holda qo’llab- quvvatlashni ta’minlash zarur. To’qimachilik sanoatini tezkor rivojlanishi, ularda yuqori unumdorlik va yuqori tezliklarda ishlovchi texnologik mashinalar va jihozlarni qo’llanilishi paxta sanoati yetkazib berayotgan paxta tolasi sifatiga bo’lgan talablarni yanada oshirmoqda. Bu esa o’z navbatida, qo’llanilayotgan texnologik mashinalar va jihozlarga qo’yiladigan texnik va texnologik talablarni o’z o’zidan oshishiga, ularni muntazam yangi konstruksiyalarni yaratish, mavjudiarini muqobil takomillashtirishni taqozo etadi. Ayniqsa klaster tizimini to’qimachilik va paxta sanoatiga keng joriy etilishi yuqorida keltirilgan vazifalarni dolzarbligini yanada oshiradi. Hozirda paxtani qayta ishlaydigan mashinalarni rivojlantirishni asosiy yo’nalishlari sifatida quyidagilarni ko’rsatib o’tish mumkin bo’ladi: -muqobil unumdorlikni ta’minlovchi mashinalar yaratish. Yaqingacha paxtani qayta ishlash mashinalarini unumdorligini oshirishga harakat qilinar edi, ammo hozirda paxta sanoati ishlab chiqarishda asosan muqobil mahsulot sifatini ta’minlovchi muqobil unumdorlikdagi mashinalar ishlab chiqarishga o’tilmoqda, masalan DP-130 rusumidagi jinlar o’rniga DP-90 rusumidagi jinlar taklif etilmoqda; -energiya resurstejamkor texnologik mashinalar va jihozlar ishlab chiqish, hozirgacha ishlatilib kelinayotgan paxta sanoatidagi texnologik mashinalarni elektro energiyasi sarfi yuqori darajada bo’lib kelgan. Hozirda taklif etilayotgan muqobil unumdorlikdagi texnologik mashinalar va jihozlarni paxta sanoati uchun ishlab chiqishdan yana bir maqsad aynan elektroenergiyasi va resurs tejamkorligini ta’minlashdan iborat; -ta’mirlash ishlari hajmi va narxini kamaytirish imkonini beruvchi texnologik mashinalar va jihozlarni paxta sanoati uchun ishlab chiqish; -hozirda paxta sanoatida qo’llanilayotgan texnologik mashinalar jihozlarni avtomatlashtirish darajasi nihoyatda past, shuning uchun bu borada zamonaviy talablariga javob beradigan mashinalarni ishlab chiqish; -xizmat ko’rsatishni oddiyligi va qulayligi, mashinani boshqarishni oddiyligini ta’minlovchi texnologik mashinalar ishlab chiqarish va hokazolar. Paxta xomashyosini yanada chuqur qayta ishlashni ta’minlash, tayyor mahsulotlarni xorijiy mamlakatlarga eksport qilish, zamonaviy texnologiyani o’zlashtirish asosida tayyor paxta sanoati mahsulotlari ishlab chiqarishda sezilarli samaralarga erishish kerak bo’ladi. Albatta, bunday vazifalarni bajarishda paxta tozalash sanoati muhim o’rin tutadi, sababi – ishlab chiqariladigan tayyor tola mahsulotlari sifati qo’llaniladigan paxta sanoati texnologik mashinalari va jihozlarini samarali ishlashiga asosan ularni ishchi organlarini sifatiga bevosita bog’liqdir. Paxtani qayta ishlash texnologiyasi ko’p jihatdan paxta tozalash mashinalarini konstruksiyalarini ayrim hususiyatlarini belgilaydi. Shularga baraban xilidagi katta o’lchamli, payvandlangan konstruksiyali quritgichlar, ko’ndalang tokchali seksiyasiga ega bo’lgan paxta aralashtirgichlar, paxtani ilish va uni teshik yuzali kolosniklardan o’tishda qo’llaniladigan ko’p seksiyali arrali va kolosnikli barabanli tozalagichlarni ko’rsatish mumkin Bugungi kunga kelib Respublikamiz paxta tozalash korxonalarida xorijiy asosan Xitoyda ishlab chiqilgan texnologik mashinalar va jihozlar ham o’rnatilmoqda. Bunday texnologik mashinalar va jihozlarni ekspluatatsiya qilish jarayonida ularni qator afzalliklarga ega bo’lishi bilan birga ba’zi kamchiliklarga ega ekanligi ham ma’lum bo’ldi. Shu bilan birga paxta tozalash korxonalarining asosiy qismi, o’zimizda ishlab chiqarilgan va ma’nan eskirgan texnologik mashinalar va jihozlarni almashtirishga yoki ularni butlovchi qismlariga katta extiyoj sezmoqdalar, masalan ayrim paxta tozalash korxonalarida nisbatan zamonaviy hisoblangan UXK rusumidagi chigitli paxtani tozalash mashinasi yo’qligi sababli, 80-yillarda ishlab chiqarilgan va ma’nan eskirgan CHX rusumidagi chigitli paxtani tozalash mashinasidan foydalanishga majbur bo’lmoqda. Bunday ahvol paxta tozalash korxonalarini samarali ishlashiga va sifatli mahsulot chiqarishiga salbiy ta’sir ko’rsatmoqda. Istisno tariqasida “Paxtajin KB” MCHJ faoliyatini ijobiy baholash mumkin. Hozirda bu korxona Respublika paxta tozalash mashinasozligiga yangi texnika va texnologiyalar joriy etishda yetakchi o’rinni egallagan. Rivojlanish yo’lida tinmay izlanish olib borayotgan bu korxonada, oxirgi vaqtlarda, mashinasozlikning eng oxirgi yutuqlaridan hisoblangan zamonaviy sonli dasturli boshqariladigan metallga ishlov beruvchi dastgohlar, lazer qurilmalaridan samarali foydalanish yo’lga qo’yildi. Paxta tozalash mashinalariga qo’yiladigan talablarni tobora oshib borishi, ularni detallari o’lchamlari aniqligiga va ishchi yuzalari g’adir-budurligiga ham talablarni tobora oshib borishi, bunday mashinalarni loyihalash va tayyorlashda nisbatan samaradorligi yuqoriroq, iqtisodiy jihatdan arzonroq metall va qotishmalarni hamda nometall materlallarni qo’llashni talab etmoqda. Bu yo’nalishda ayniqsa, polimer materlallarni kengroq qo’llashga ahamiyat berish kerak bo’ladi, chunki o’zlarining fizik-mexanik va kimyoviy xossalariga ko’ra ular ham konstruksion materlallar sifatida, ham rangdor qotishmalar va metallar o’rniga ishlatilishi mumkin. Ma’lumki, paxtani qayta ishlash texnologik jarayonida turli xildagi texnologik mashinalardan foydalaniladi. Paxtani qayta ishlashni reglamentlangan texnologik jarayoni sxemasi va unda ishlatiladigan texnologik mashinalar 1.1-rasmda keltirilgan. Keltirilgan sxemadan ko’rinadiki, paxta xomashyosini qayta ishlashda asosan quyidagi texnologik mashinalardan foydalaniladi. 2SB10 rusumidagi paxta quritgichi; UXK rusumidagi paxta tozalagichi; 1XK rusumidagi paxtani mayda iflosliklardan tozalagich; DP rusumidagi jin; LP rusumidagi linter. Paxta tozalash korxonalarida paxta xomashyosini qayta ishlovchi korxona texnologik uskunalarning texnologik tizimi quyidagi sxemada keltirilmoqda (1-rasm). 1.1-rasm. Paxta xomashyosini qayta ishlovchi korxona texnologik uskunalarning texnologik joylashuvi tizimi 1-separator; 2-paxta tushish novi; 3- havo kirish quvuri; 4-quritish barabani; 5-havo quvuri; 6-vakum klapan; 7-UXK mashinasi; 8-jin mashinasi; 9-linter mashinasi; 10- presslangan toy; 11,12-shnek. Paxta tozalash korxonalarida qayta ishlash texnologik oqimida uni paxta xomashyosini quritish uchun barabanli quritgichlarni qo’llaydilar. Hozirgi vaqtda foydalanishda barabanli to’g’ri oqimli 2SB-10, SBO va SBT quritgichlar bor (quritish agenti paxta xomashyosi bilan bir yo’nalishda beriladigan). 2SB-10 quritgichida baraban uzunligining har metridan so’ng balandiigi 0,25 m bo’lgan ko’ndalang xalqalar old devoridan 3 m masofadan so’ng uzunligi 6 m bo’lgan panjara joylashgan (1.2-rasm). U uch qator baraban o’qiga parallel bo’lib quritgich barabani qobig’iga xochchalar qotirilgan o’zak tashkil topgan. Har qaysi quritgichning qurilmasi kerakli gidrodinamika, issiqlik va namlik almashish sharoitlarini yaxshilashni ta’minlashi kerak. Panjara paxtaning baraban ichida bo’lish muddatini – quritish vaqtini uzaytiradi. Yuklash qurilmasi baraban ichiga oldingi sapfa orqali kiritiladi. 1.2-rasm. 2SB-10 quritgich sxemasi 1- baraban; 2- kuraklar; 3- oldingi tayanch; 4- ta’minlagich; 5- orqa tayanch; 6- quritish agenti quvuri; 7- oldingi sapfa; 8- so’rish quvuri; 9- chiqarish tarnovi; 10- chiqarish kuraklari; 11- spitsalar; 12- podshipnik; 13- barabanni harakatlantiruvchi elektrodvigatel; 14- reduktor. SBO quritish barabani uzunligi 3 m bo’lgan kamera bilan yopilgan, qalinligi 2 mm bo’lgan po’latdan yasalib, paxta barabandan chiqadigan joydan 1 m masofa ichkarida joylashgan tozalash bo’limiga ega (1.3-rasm). Ajratilgan mayda iflosliklarni olib ketish uchun baraban tozalash bo’limi tagida ifloslik konveyeri o’rnatilgan. Tozalash bo’limining ustki qismida barabanni tozalash uchun quritish agenti yuboriladigan soploli quvur o’rnatilgan. Quritish kamerasi, baraban tozalash bo’limi to’rli sirtini tozalash uchun metall cho’tka bilan ta’minlangan. Quritgich ichida balandiigi 0,5 m dan bo’lgan 12 ta radius bo’yicha yo’naltirilgan kurakchalar bor. 1.3. rasm. SBO quritgich sxemasi 1,2- ta’minlagich; 3-sapfa; 4- baraban; 5- roliklar; 6- kuraklar; 7- to’rli yuza; 8- qobiq; 9- quvur; 10- soplo; 11- metall cho’tka; 12- bunker; 13- shnek; 14- quvur; 15- reduktor. Paxta tozalash korxonalarida qayta ishlash texnologik oqimida chigitli paxtani qisman quritish uchun barabanli quritgichlarni texnik tasniflari quyidagi 1.1-jadvalda keltirilmoqda. 1.1-jadval Quritkichlarning texnik tavsifi
Hozirgi paytda paxta xomashyosini mayda iflosliklardan tozalovchi tozalagich sifatida 1XK rusumidagi mashinalar ishlatiladi (1.4-rasm). Mashinaga tozalash uchun uzatilayotgan paxta tozalagichning ta’minlagichlari ustiga o’rnatilgan shaxtaga tushadi. Ta’minlagich g’o’lachalari bir-biriga qarama- qarshi tomonga aylanib, paxtani birinchi qoziqli titish barabanga bir tekisda uzatadi. Paxta tituvchi baraban paxtani g’alvir yuzasi bo’ylab olib o’tish natijasida mayda iflosliklar ajraladi. Keyin paxta navbatdagi barabanga uzatiladi va jarayon davom etadi. Ajratilgan iflosliklar bunkerga tushadi. 1.4-rasm. 1XK rusumli mayda iflosliklardan tozalagichning ishchi sxemasi 1- boshlang’ich me’yorlashtirilgan qoziqchali bo’lim EН. 178.01 (ta’minlovchi go’lachali bilan); 2- ustun, 3- me’yorlashtirilgan qoziqchali bo’lim EН. 178.02; 4- ustun, bunker. Paxta xomashyosini mayda iflosliklardan tozalash muhim jarayon hisoblanib, uni keyingi bosqichda qayta ishlash, ya’ni jinlash va tolani tozalash jarayonlariga katta ta’sir etadi. Agar mayda iflosliklar yetarli darajada tozalanmasa u passiv ifloslikdan aktiv ifloslikga o’tadi va tola tozalagichda ajratilishi qiyinlashadi. Tozalash samaradorligi qoziqli barabanlar aylanish soniga, g’alvir yuzasiga va paxta xomashyosining sifat ko’rsatkichlariga bog’liq. Paxtani mayda iflosliklardan tozalash mashinalari, texnik tasniflari quyidagi 1.2-jadvalda keltirilmoqda. 1.2-jadval 1XK rusumidagi paxta tarkibidagi mayda iflosliklardan tozalash mashinasining texnik tasnifi
UXK paxta tozalash agregati to’rtta tozalash bo’limiga ega bo’lib, boshlanishida UXK.01 ikkita oraliqdagi UXK.02 va oxirida UXK.03 kiradi, oralig’iga ular bilan birgalashtirilgan tegishlicha to’rtta EН. 178 bo’limlar o’rnatilgan (1.5-rasm). 1.5- rasm. UXK paxta tozalash agregatining sxemasi 1- UXK. 01. boshlang’ich ta’minlovchi valikli bo’lim; 2- UXK. 02. ikkita oraliq bo’lim; 3- UXK. 03. yakuniy bo’lim. Tozalash bo’limlari har biri qoziqchali blok EН.178 (boshlang’ich seksiya EН.178.01) ga, ikkita cho’tkali ajratuvchi barabanga ega bo’lgan cho’tkali bo’limga va arrachali seksiya EН.177 ga ega. UXK paxta tozalash agregatlari ko’p yoki oz miqdordagi seksiyalarga ega bo’lishlari mumkin (1.6- rasm). Paxtani yirik iflosliklardan tozalash mashinalari, texnik tasniflari quyidagi 1.2- jadvalda keltirilmoqda. 1.3-jadval UXK rusumidagi paxta tarkibidagi mayda iflosliklardan tozalash mashinasining texnik tasnifi
1.6-rasm. UXK rusumli paxta tozalash agregatining sxemasi va umumiy ko’rinishi 1- qoziqli blok qismi, 2- cho’tkali blok qismi, 3- arrali seksiya qismi, 4- ta’minlovchi valik. Yüklə 2,08 Mb. Dostları ilə paylaş:
| ||||||||||||||||||||||||||||||||||||||||||||||||||||||||||||||||||||||||||||||||||||||