Pisa xalqaro baholash tizimi va uning matematik ahamiyati

3. Kitob javoni.
Duradgorga bir dona kitob javonini yasashi uchun unga quyidagi detallar kerak bo‘ladi?
Tokcha uchun 4 ta uzun taxta;
Ikki yoni uchun 6 ta qisqa taxta;
12 ta kichik mustahkamlovchi qism; 2 ta katta mustahkamlovchi qism; 14 ta shurup.
Duradgorda 26 ta uzun taxta, 33 ta qisqa taxta, 200 ta kichik mustahkamlovchi qism, 20 ta katta mustahkamlovchi qism va 510 ta shurup bor. Duradgor nechta kitob javoni yasashi mumkin?
Matematikaga oid mazmun sohasi; fazo va shakl
Konteksti; kasbiy
Aqliy faoliyat turi; qo‘llash Baholash mezoni:
Quyidagi holda javob to‘liq qabul qilinadi:
To‘g‘ri javob: 5 dona kitob javoni Quyidagi hollarda javob qabul qilinmaydi:
boshqa javoblar bo‘lsa; javob berilmagan bo‘lsa
Bunday masalalar yordamida o‘quvchining real ob‘yektlarni geometrik figuralar modellari bilan bog‘lay olish, yassi va fazoviy figuralarni tasavvur qila olish, tanib olish va nomlay olish, fazoviy figuralarni ularning tekislikdagi ko‘rinishlari bilan bog‘lay olish, yuz va hajmlar formulalaridan foydalanib hisoblay olish va baholash, proporsiyalarga oid amaliy va o‘quv masalalarni yecha olish kompetensiyalari bilan birga analiz, analogiya, deduksiya usullari yordamida strategik va evristik tafakkur yurita olish, pul bilan hisob-kitob qilish, atrofdagi hodisa va jarayonlarni matematik tilda ifodalay olish va tahlil qilish kompetensiyalari baholanadi.
Topshiriqlarini bajarishdan maqsad o‘quvchiarni maktabda olgan malaka, bilim va ko‘nikmalarini hayotda qo‘llashni bilish va natijani tahlil qila olish, vaziyatdan chiqish, baholashni bilishga o‘rgatishdan iborat.
Umuman olganda har qanday sohada ham yaxshi mutaxassis bo‘lish uchun shaxs birinchi navbatda intelektual xususiyatlarga ega bo‘lishi kerak va bunda matematika fanining o‘rni beqiyosdir. Intellektual xususiyatlardan biri bu matematik savodxonlikni oshirish bo‘lib, u matematika fanini chuqur o‘rgangan sari mukammallashadi. Matematik savodxonligi yuqori bo‘lgan shaxs qandaydir muammo yoki masala ustida ishlaganda deduktiv muhokoma qilish, umumlashtirish, tahlil qilish, tizimlashtirish, real baholash, tanqidiy o‘rganish, masalani teran tushunish, muhimini tanlab olish, qonuniyat topish, aniq xulosa chiqarish kabi xususiyatlarga ega bo‘lib, uning fikrlashida tartib, aniqlik, qisqalik, tushunarlilik sifatlari namoyon bo‘ladi. Bu sifatlar esa qat’iy matematik qonuniyatlar asosida hal qilinadigan matematik misol va masalalarni yechishning eng qisqa yo‘lini topganda, teorema va jumlalarni isbotlaganda, qonuniyatlarni abstrakt hollarda umumlashtirishda va boshqada matematik izlanishlar davomida yetilib boradi. Shu bilan birga matematika fanini chuqur o‘rgangan shaxsda prinsipiallik, javobgarlik, talabchanlik, qat’iyat, haqiqatgo‘ylik, halollik xususiyatlari shakllanadi. Bunday xususiyatlarga ega mutaxassislar har qanday, hattoki matematika ilmi kam qo‘llaniladigan sohalarning taraqqiy etishiga ham sababchi bo‘ladi.