|
BUFER ZONASI (qoruyan zona) – qorunan təbii ərazilərin (qoruq,
milli park və s.) ətrafında müəyyən sahədə (B.z) təsərrüfat fəaliyyəti
məhdudlaşdırılır. B.z. saxlamaqda məqsəd əsas qorunan ərazinin
mühafizəsini möhkəmləndirmək və ekoloji tarazlığının sabitliyini
saxlamaqdır.
BUFERLİK QABİLİYYƏTİ – mühitin öz parametrlərinin
dəyişməsinin qarşısını almaq xüsusiyyəti.
BUXARLANMA – maddənin maye və bərk haldan qaz halına
keçməsi prosesi, bitkinin transpirasiyası, heyvanat aləminin tərləməsi,
onların tənəffüsü, həmçinin torpaq səthindən buxarlanma nəticəsində
rütubətin atmosferə keçməsi. Adətən buxarlanma dedikdə suyun buxara
çevrilməsi başa düşülür. Temperatur yüksəldikcə buxarlanma artır. Tor-
paq səthindən suyun buxarlanması meteoroloji şəraitdən, torpağın
nəmliyindən, mexaniki tərkibindən, bitki örtüyünün sıxlığından asılıdır.
Buxarlanmadan aqrotexniki üsulların hazırlanmasında, suvarma vaxtı
və normasının təyin edilməsində, kənd təsərrüfatı bitkiləri çeşidlərinin
quraqlığa davamlığına görə rayonlaşdırılmasında istifadə olunur.
Dostları ilə paylaş: | 
