DƏRYAÇA – bax: su anbarı, göl.
DƏSTƏ – heyvan sistematikasında bir neçə fəsiləni birləşdirən tak-
sonomik kateqoriya. Yaxın D.-lər sinif əmələ gətirir. Bitki
sistematikasında sıra D.-yə müvafiq tutulur.
DƏVƏDƏLLƏYİLƏR (Mantodea) – yırtıcı həşərat dəstəsi;
tarakankimilərə yaxındır. Əsasən, tropik və subtropik ölkələrdə yaşayır.
2000-dən çox, Azərbaycanda isə 8 növü var. Müxtəlif həşəratlarla
qidalanır; bəzi növləri hətta xırda onurğalılara (kərtənkələ, quş) hücum
edir. Arıları, miniciləri və s. qırdığı üçün bəzi növləri zərərlidir.
DƏYƏR – verilmiş əmtəənin istehsalına sərf olunmuş müəyən miq-
darda şərti əmək.
DƏYƏRLİK – insan üçün təbiət obyektlərinin müsbət və mənfi
əhəmiyyəti, bu və ya digər ictimai, mədəni hadisələr.
Dostları ilə paylaş: | 
