Qońırat rayon mektepke shekemgi bilimlendiriw bólimine qaraslı 22-sanlı mektepke shekemgi bilimlendiriw shólkem kishi topar tárbiyashısı Dosnazarova Elmiranıń

4-hápte teması: Men hám meniń doslarım.
Qurıw -jasaw hám matematika orayında: Qurılıs blokları, lego hám basqa resurslardan paydalanǵan túrde bul orayda “Joralarım ushın tekshe” teması tiykarında balalarǵa sırtqı kórinislerden ónimli paydalanıw, ımaratlardıń bekkemligi, olardı tuwrı jaylastırıw, hár bir jumısqa uyretildi.
Syujetli rolli oyın hám drammalastırıw orayında: Nıqaplar, kiyim resurlaridan paydalanǵan halda bul orayda “Keliń birge oynayıq” temaları tiykarında oyınlar hám xızmetler alıp barıldı.
Til hám sóylew orayında: Balalarǵa “Dosıń ushın sıylıq tap” teması tiykarında oyınlar hám súwret tiykarında gúrriń dúziwge uyretildi.
Pán hám tábiyaat orayında :“Totıqus menen tanıstırıw” teması tiykarında temaǵa uyqas súwretler, sabın kóbikleri hám arnawlı ıdıslardan paydalanǵan halda tárbiyalanıwshılar menen xızmetler alıp barıldı.
Kórkem óner orayında: Bul orayda balalarǵa “Tilsimli qálemshe” hám “Reńli kubiklar” suwretin hám de jámáátlik applikaciya jumısı “keliń top oynaymız” hám “Sıyqırlı qálemsheler” temaları tiykarında balalarǵa doslıq haqqında túsinik, qayshı járdeminde sırtqı kórinislerdi kesip alıw, olardan adamshalar soǵıw, tema tiykarındaǵı súwretlerdi baqlaw, jasalǵan adamshalarǵa atlar qoyıwǵa uyretildi.

Oktyabr ayı teması: Gúz boyawları!
1-hápte teması :Altın gúz
Oktyabr ayı dawamında da balalar menen birgelikte shınıǵıw hám xızmetleri waqıtında hár bir hápte temasınan kelip shıqqan halda slayd, kórgezbeler, videoroliklar, tarqatpalar hám basqa resurslardan paydalanǵan halda tárbiyalanıwshılar temaǵa tiyisli bilim hám túsinikler berildi.
Toparda islengen rawajlantıratuǵın oraylar boyınsha: Qurıw -jasaw hám matematika orayında: Qurılıs blokları, lego konstruktor kubikları hám basqa resurslardan paydalanıp “Gúzgı maydansha” teması tiykarında balalarǵa túrli kólemli geometirik figuralardan (kub, cilindr, gerbish, plastina, piramida ) úy qura alıwǵa, olar atların hám belgilerin biliwge, predmetlerdi málim bir qásiyetlerin jıynap konstruktsiyani jıynay alıwǵa, keńislik jaylastırıw qaǵıydalarǵa ámel etiwge, kóriw hámde pikirlew arqalı predmetler jaylasıwın analiz etiwge, esabın biliwge, predmetlerdi Kishi-kishiligine qaray salıstra alıwǵa, shepke-ońǵa túsiniklerin parıqlawǵa uyretildi
Syujetli rolli oyın hám drammalastırıw orayında: Balalarǵa “Lalaxandı aylanıwǵa kiyintiriw” “Dúkanda” temaları tiykarında nıqaplar, belgiler, otributlar sıyaqlı resurslardan paydalanǵan halda xalıq dóretiwshilik menen tanısıwda dawam etiw, aktyorlıq uqıpı kónlikpelerin arttırıw, jaqsı hám jamandı parıqlaw, satıwshılardıń wazıypaları tuwrısında biliw, barlıq mıywe hám palız eginleri atların biliwge áhmiyet berildi hám uyretildi.
Til hám sóylew orayında:Bul oraydaǵı iskerlik dawamında balalarǵa “Úlkemizde altın gúz” syujetli súwret tiykarında sáwbet, temaǵa uyqas taqmaqlar hám tez aytıwlar, súwretler hám materiallar, predmetli súwretler tiykarında temalar kórsetip berildi.
Pán hám tábiyaat orayında: Súwretler, albomlar, arnawlı ıdıslar, boyawlar, japıraqlar, mikroskop hám basqa resurslardan paydalanǵan halda bul oraydaǵı xızmetler dawamında balalarǵa “Birdey japıraqdı tap” bilimlendiriwge tiyisli oyını teması tiykarında gúrriń dúziwge hám qosıqlar yad alıwǵa uyretildi.
Kórkem óner orayında: Bul orayda hápte dawamında tárbiyalanıwshılarǵa “Gúzgı japıraqlar súwretin sızıw” hám “Jawın jawıp atır” temaları tiykarında súwret sızıw, jámáátlik “Tarelka daǵı alma” hám “Zammarrıq” applikaciya temaları tiykarında qaǵaz, reńli qaǵaz, tábiy materiallar resurlardan paydalanǵan halda xızmetler alıp barıldı.