Ermənistan-Azərbaycan münaqişəsinin sülh yolu ilə həlli
modelinə nəzərdə tutulan dəyişikliklərlə bağlı
- Mən, Avropa təsisatlarının ikili standartlarının Azərbaycanın
gerçək istəklərinə uyğun bir davranış olmadığını, gerçək əməkdaşlıq
olmadığını düşünürəm və ona görə də hələ 1998-ci ildə məhbəsdə bir
“Yeni Dünya Düzəni Siyasətində Azərbaycanın Yeri və Rolu” kitabını
yazdım. O əsərdə bir transkontinental blok modelindən yazmışdım. Bu
fikrin yenə də aktual olduğunu düşünürəm. Düşünürəm ki, Türkiyə və
Azərbaycan məhvərində olmaq şərti ilə Moldova Gürcüstan da daxil
olmaqla bir yeni blok haqqında düşünmək lazımdır. BMT-nin özündə
biraz bu məsələ müzakirə olunmuşdur ki, ərazilərində münaqişələr
olan dövlətlərin qonşuluğunda olan dövlətlər sülh prosesi formatlarda
iştirak etməlidirlər. Mən düşünürəm ki, əgər ATƏT Ermənistan-
Azərbaycan müharibəsində barışdırıcı missiyada qalacaqsa, o zaman
Minsk Qrupunda Rusiya ilə Fransa həmsədrlikdən uzaqlaşdırılmalı və
onlar Türkiyə ilə Gürcüstan kimi dövlətlərlə əvəz olunmalıdır. Çünki
belə olmasa bir nəticə ortaya çıxmaz.
***
Dostları ilə paylaş: | 
