181 müqayisə edilən obyektlər arasındakı oxşar və fərqli cəhətlərin ayırd edilməsi üzrə işin
düzgün təşkilidir. Bu məqsədlə evristik müsahibədə: “Bu iki obyekt bir-birindən nə ilə
fərqlənir?”, “Bu iki obyekt arasında oxşarlıq nədədir?” kimi suallardan tez-tez istifadə
edilə bilər. Deməli, müəllim hər hansı bir anlayış haqqında təsəvvür yaratmaq və
sonradan anlayışa keçmək üçün çoxlu sayda oxşar və fərqli cəhətləri aşkar etməlidir.
Həmin anlayışların hamısında olan və dəyişməz əlamətlər nəzərdə tutulan anlayışın
məzmununu təşkil edəcəkdir. Təlim prosesində həmin sxem əsasında ümumiləşdirmə
aparmaq üçün əşyalar və onların qrupları elə seçilməlidir ki, müqayisə aparmaq mümkün
olsun. Çünki müqayisə etmək üçün müqayisə olunan kəmiyyətlər eynicinsli olmalıdır.
Belə olduqda müqayisə nəticəsində ümumi, oxşar, eyni əlamətlər aşkar edilir. Seçilən
əşyalar və ya kəmiyyətlər müxtəlif, rəngarəng olmaqla çoxvariantlı oxşar əlamətlərə
malik olmalıdır.
