Редаксийа щейяти

 
 
202 
 
Şəkil 1. Məktəb psixoloqlarının özünüdərk faktorları üzrə özünüqiymətləndirmələri 
Beləliklə,  özünüdərketmənin  iki  xarakteristikasının  yüksək  ifadəsi:  özünü  inkişaf  et-
dirmə istəyi, özünün peşə fəaliyyətindəki  yolunu aydın, perspektivli görmək istəyi psixoloqa 
özünü peşəkar kimi dərketmə imkanı verir, buna stimul yaradır.      
Məktəb  psixoloqlarında  özünüqiymətləndirmənin  peşə  özünüdərklə  əlaqəsini  müəy-
yənləşdirmək üçün apardığımız təhlillərə əsaslanaraq  bunları qeyd edə bilərik: 
1. Məktəb psixoloqlarının peşə fəaliyyəti üçün zəruri olan xüsusiyyətlərlə onların öz-
lərində peşəkar kimi qiymətləndirdikləri xüsusiyyətlər arasında fərqlər var. Belə ki, psixoloq-
larda  koqnitiv  komponentlər  haqqındakı  bilik  və  bacarıqlar  aydın  təsəvvür  edilmədiyindən 
aparılan işlərdə, ümumiyyətlə bu məsələyə o qədər də toxunulmur, daha çox  emosional-dəyər 
baxımından özünə münasibət və davranış komponentlərindən bəhs olunur. 
2. Psixoloqların özünü peşəkar kimi dərkinin məzmunu aydın olmadığından bu nəticə 
onların peşəkar kimi özünüqiymətləndirməsinə, eləcə də şagird və pedaqoqlar tərəfindən qiy-
mətləndirmələrə  təsir  göstərir,  özünüqiymətləndirmə  ilə  sosial  qiymətləndirmələr  arasındakı 
korrelyasiya fərqləri yaranır.    
3.  Məktəb  psixoloqlarında  özünüqiymətləndirmənin  peşə  özünüdərklə  əlaqəsinin  zəif 
olması bir sıra amillərlə bağlıdır. Bunlar aşağıdakılardır: öz təcrübəsində psixoloqun əlverişli 
metodologiya  və  psixotexnikalara  kifayət  qədər  istinad  etməməsi;  “Mən”in  fərdi  maraqları;  
rəhbərliyin idarəetmə tərzi, tələb və maraqları;  həmkarların sosial qiymətləndirmələri və qrup 
maraqları;  şagird və valideynlərin tələbləri, psixoloji xidmətə olan ehtiyacları; şagirdlərin tə-
lim-tərbiyəsindəki mövcud problemlərin mənşəyi və həlli üçün tələb olunan vasitələr.