Referat tema: Bank esap beti shártnaması. Esap kitapalar Orınladı: Abutov B. Qabılladı: Ganiev E. Reje: Kirisiw

Bank sırı.

Bankler bank esapbeti hám bank amanatı, esapbet boyınsha operaciyalar hám de qarıydar haqqındaǵı maǵlıwmatlar sır saqlanıwın kepillikleydi. Bank sırın quraytuǵın maǵlıwmatlar tek qarıydarlardıń ózlerine yamasa olardıń wákillerine beriliwi múmkin. Mámleket shólkemlerine hám olardıń lawazımlı shaxslarına bunday maǵlumatlar nızamda názerde tutılǵan jaǵdaylarda hám tártipte beriliwi múmkin. Bank sırın quraytuǵın maǵlıwmatlar bank tárepinen ashıq jarıyalanǵan waqıtta, huqıqları buzılǵan qarıydar keltirilgen zıyannıń ornın qaplawdı bankten talap etiwge haqılı.¹
III-bap. Esap-kitaplar haqqında ulıwma qaǵıydalar. Naq pullar menen hám naq pulsız esap-kitaplar.
Puqaralardıń isbilermenlik iskerligin ámelge asırıwı menen baylanıslı bolmaǵan halda olar ortasındaǵı esap-kitaplar hám puqaralar qatnasıwındaǵı esap-kitaplar naq pullar menen yamasa naq pulsız summası shegaralanbaǵan halda ámelge asırılıwı múmkin.
Yuridikalıq shaxslar ortasındaǵı esap-kitaplar, sonıń menen birge puqaralardıń isbilermenlik iskerligin ámelge asırıwı menen baylanıslı halda olar qatnasıwındaǵı esap-kitaplar naq pulsız tártipte ámelge asırıladı. Kórsetip ótilgen shaxslar ortasındaǵı esap-kitaplar, eger nızamda basqasha tártip belgilep qoyılǵan bolmasa, naq pulda da ámelge asırılıwı múmkin.
Eger nızamda basqasha tártip kelip shıqpasa hám bunday tártipti paydalanılıp atırǵan esap-kitaplar forması talap etilmese , naq pulsız esap-kitaplar olarda qatnasıp atırǵan shaxslardıń esapbetleri ashılǵan bankler, basqa kredit shólkemleri arqalı ámelge asırıladı. Tólewler naq pul hám naq pulsız ámelge asırıladı. Esap-kitaplardı sırt el valyutasında ámelge asırıw nızam jolı menen anıqlanadı.
Puqaralardıń qatnasıwındaǵı isbilermenlik iskerligine baylanıslı túrde esap-kitaplar rejiminiń hár túrlerin belgileydi. Puqaralar isbilermenlik iskerligi menen baylanıslı bolmaǵan óz-ara esap-kitapları naq pul menen yamasa naq pulsız ámelge asırıwları múmkin. Puqaralardıń isbilermenlik penen baylanıslı esap-kitapları ádetde naq pulsız ámelge asırılıwı kerek. Lekin házirgi waqıtta puqara-isbilermenler qatnasıwındaǵı esap-kitaplardı ámelge asırıwda naq pullardı isletiliwine hesh qanday sheklew yamasa qadaǵan etiwler qoyılmaǵan.
Yuridikalıq shaxslardin’ óz-ara esap -kitapları naq pullarsız ámelge asırıladı.
Yuridikalıq shaxslardıń óz-ara esap-kitapları naq pullarsız ámelge asırıladı.
Naq pulsız esap-kitaplar ámelge asırılǵanda tólem tapsırmaları, akkreditivler, shekler menen esap-kitap etiwge, inkasso boyınsha esap-kitap etiwge, sonıń menen birge nızamda, nızamǵa muwapıq shıǵarılatuǵın bank qaǵıydalarında hám de bank ámeliyatında qollanılıp atirǵan is háreketlerinde názerde tutılǵan basqa sırtqı kórinislerde esap-kitap etiwge de jol qoyıladı. Shártnamadaǵı tárepler bul statyanıń birinshi bóliminde kórsetilgen esap-kitap qılıw formalarınıń qálegenin tán alıwǵa hám shártnamada kórsetiwge haqılı.

1.