Reja: 1 Texnik tadbirlar

QISQA MUDDATLI VA KECHIKTIRIB BO‘LMAYDIGAN ISHLAR.
Qisqa muddatli, uzog‘i bilan 1 soatgacha davom etadigan ishlar farmoyish bilan ta’mirlash xodimi, navbatchi yoki tezkor-ta’mirlash xodimi nazoratida xamda navbatchining yoki tezkor-ta’mirlash xodimlarning o‘zi bajarishiga ruxsat beriladi.
Bunday ishlarga quyidagilar kiradi:
— kabel, sim, shinalarni elektrodvigatel va boshqa uskunalardan bo‘shatib ajratish yoki ulash;
— taqsimlash uskunadagi releli ximoya, avtomatika, telemexanika, aloqa, shu jumladan yuqori davr tezlikli ximoya va aloqa filtrlari uskunalaridagi ishlar;
— 0,4 kV kuchlanishli xavo elektr tarmog‘ini, xamda xamma kuchlanishli kabel elektr tarmog‘ini ulash va bo‘shatib ajratish, fazirovka qilish, kabel elektr tarmog‘ini uzilgan yoki uzilmaganligini tekshirish, transformatorda o‘rnatilgan kuchlanishni oshirish va kamaytirish shaxobchalarini burash, moy o‘lchagich oynasini va ayrim yakka izolyatorlarni artish, transformator moyini quyish va tekshirishga olish, transformator moyini quritish va tozalash uchun o‘rnatilgan asboblarni ulash yoki bo‘shatib ajratish, xavo bilan ishlaydigan o‘chirgichdagi manometrni almashtirish, elektr uskunadagi tok o‘tkazuvchi qismlarni qizishi va titrashini o‘lchash, elektr o‘lchov ombirlari bilan o‘lchash, elektr uzatish tarmog‘iga tushib qolgan begona narsalarni olib tashlash, xavo elektr uzatish tarmog‘i simiga qulagan daraxt, shox-shabba va boshqalarni olib tashlash;
— elektr uskunani dispetcherlik va texnologik boshqaruv vositasi, issiqlik avtomatikasi va o‘lchovchi uskunasi va kanallarini mo‘‘tadil ishlashiga xavf tug‘diruvchi, iste’molchini mo‘‘tadil elektr energiya bilan ta’minlashga xavf soluvchi yoki shunday nosozliklar sodir bo‘lganda ularni bartaraf qilish uchun kerak bo‘lgan zarur ishlar.
band-da qayd etilgan ishlarni bajarish uchun ishchilar soni nazorat qiluvchi xodim bilan birgalikda 3 kishidan oshmasligi kerak.
1000 V kuchlanishdan yuqori elektr uskunada ishlaganda ish bajarayotgan yoki nazorat qiluvchi navbatchi yoki tezkor-ta’mirlash xodimning kattasi elektr xavfsizligi bo‘yicha IV gruppaga, 1000 V kuchlanishgacha bo‘lgan elektr uskunada ish bajarishda III gruppaga ega bo‘lishi keraq Brigadaning qolgan a’zolari III gruppaga ega bo‘lishlari kerak. Iste’molchi ulangan elektr uzatish tarmog‘ida ishlanganda ishga iste’molchi xodimi xam jalb qilinishi mumkin.
Ish boshlashdan oldin ochiq taqsimlovchi uskunalarda ish joyini arqon bilan urashdan tashqari ish joyini tayyorlashga oid barcha texnik tadbirlar amalga oshirilishi keraq Bunday xollarda ochiq taqsimlovchi elektr uskunada ish joyini arqon bilan o‘rash majburiy emas.
—bandda qayd etilgan ishlarni bajarish 1 soatdan ko‘p vaqt yoki 3 kishidan ortiq ishchi talab etsa, u xolda ushbu ish naryad bilan bajarilishi kerak.
Ish joyini tayyorlash va ishlashga ijozat berish faqat navbatchi yoki bunga vakolati bor shaxs tomonidan ruxsat olinganidan so‘ng amalga oshirili­shi mumkin. Issikliq avtomatikasi va o‘lchovchi uskunalarida ishlashga ijozat berish tartibi bundan mustasno.
Ruxsat ish joyini tayyorlashni va ishlashga ijozat berishni bajaradigan shaxsga telefon, radio, chopar orqali yoki yaqin o‘rtadagi podstansiya navbatchisi orqali beriladi. Bunday ruxsatni oldindan berish qat’iyan man etiladi.
Brigadani faqat bitta naryad bilan ishlashiga ijozat beriladi.
Naryadda ish joyini tayyorlashga taalluqli ko‘rsatilgan chora-tadbirlarni o‘zgartirish man qilinadi.
Ish joyini tayyorlashga taalluqli chora-tadbir to‘g‘ri va etarligiga xamda ishni xavfsiz bajarilishiga shubxa paydo bo‘lganda ish joyini tayyorlash to‘xtatiladi.
Ishboshi ishlashga ijozat beruvchi vazifasini o‘rindoshlik yo‘li bilan bajargan taqdirda, u ish joyini brigada a’zolaridan elektr xavfsizligi bo‘yicha III gruppaga ega bo‘lgan birortasi bilan tayyorlashi shart.
Ishlashga ijozat beruvchi, ishlashga ijozat berishdan oldin, ish joyini tayyorlashga taalluqli texnik tadbirlarni bajarilganligi to‘g‘risida ishonch xosil qilishi kerak. Ishonch, o‘z ko‘zi bilan ko‘rish, tezkorlik jurnalida yozilgan yozuvga qarab, ishlab turgan elektr tarmoq chizmasidagi belgilariga qarash yoki navbatchi, tezkor-ta’mirlovchi xodim va elektr energiya iste’mol qiluvchi korxona xodimining ma’lumotlari orqali, xosil qilinishi mumkin.
Ish raxbari va ishboshchi (nazorat qiluvchi) ishlashga ijozat berishdan oldin ishlashga ijozat beruvchidan ish joyini tayyorlashda qanday chora-tadbirlar ko‘rilganini aniqlashi va bu joyni tayyorlash qanday bajarilganini bevosita shaxsan o‘zi ish joyida ko‘zdan kechirishi kerak.
Ishlashga ijozat berishdan oldin ish joyi tayyorligini ish raxbari ishlashga ijozat beruvchi bilan birgalikda yoki uning ruxsati bilan ishboshi, ish raxbari yoki ishlashga ijozat beruvchi xodim bilan tekshirishi kerak.
Elektr uskunada naryad va farmoyish bilan ishlashga ijozat berish bevosita ish joyining o‘zida amalga oshirilishi lozim.
Farmoyish bilan ishlashda ish joyini tayyorlash kerak bo‘lmagan taqdirda brigadani ishlashga ijozat berish ish joyiga borib amalga oshirilishi shart emas, xavo va kabel elektr uzatish, xamda xavo aloqa tarmoqlarida esa talab qilinmaydi.
Brigadani ishlashiga ijozat berish, ish joyining tayyorligi tekshirilganidan so‘ng, amalga oshiriladi. Bunda ishlashga ijozat beruvchi kuyidagilarni amalga oshirishi zarur:
- naryad yoki farmoyishda ko‘rsatilgan brigada qismidagi xamma xodimlarni birma-bir shaxsiy guvoxnomalariga qarab mosligini tekshirishi kerak;
- yo‘riqnoma berishi: brigadani naryad, farmon mazmuni bilan tanishtirishi;
- ish joyining chegarasini ko‘rsatishi;
- ish joyiga yaqin turgan, kuchlanish yo‘qligidan qat’iy nazar, ularga yaqinlashish man qilingan ta’mirlanayotgan va uning yonidagi qo‘shilish jixozlarining tok o‘tkazuvchi qismlari va uskunalarini ko‘rsatishi kerak;
- brigadaga tarmoqdagi erga ulagichlar qo‘yilish joyni ko‘rsatish bilan yoki erga ulagich ish joyi ko‘rinmagan taqdirda kuchlanish bor-yo‘qligini tekshirish bilan birgalikda, 35 kV va undan past kuchlanishli elektr uskunalarda iloji bo‘lsa, keyinchalik tok o‘tkazuvchi qismga qo‘l tekkizish orqali kuchlanish yo‘qligini isbot qilishi kerak.
Brigada a’zolariga ishlashga ijozat beruvchidan tanqari ishboshi xam yo‘riqnoma berishi kerak.
U ish bajarish texnologiyasi, asbob-uskuna, yuk ko‘tarish mashinasi va mexanizmlardan foydalanish to‘g‘risida yo‘riqnoma berish bilan birgalikda ishni xavfsiz bajarish xaqida xam yo‘riqnoma beradi.
Ish raxbari kerak bo‘lganda yo‘riqnomani to‘ldirishi mumkin.
Yo‘riqnoma bermasdan brigadani ishlashiga ijozat berish man qilinadi.
Brigadaga yo‘riqnoma berish va ishlashiga ijozat berish, ishlashga ijozat beruvchi va ishboshlovchining (nazorat qiluvchining) imzosi bilan naryading 3-jadvalida kuni va vaqti ko‘rsatilib rasmiylashtiriladi.
Ishlashga ijozat berishda o‘tkazilgan yo‘riqnomani, yo‘riqnoma o‘tkazish jurnalida rasmiylashtirishni talab qilinmaydi.
Ishlashga ijozat berish naryadning xam ikki nusxasida rasmiylashtiriladi. Naryadni bir nusxasi ishboshida (nazorat qiluvchida), ikkinchi esa navbatchi yoki tezkor-ta’mirlash xodimdan tayyorlangan ishlashga ijozat beruvchida qoldiriladi.
Ishboshchi, ishlashga ijozat beruvchi shaxs vazifasini o‘rindoshlik yo‘li bilan bajargan taqdirda ilashga ijozat berish naryadning faqat bir nusxasida rasmiylashtiriladi.
Farmoyish bilan ishlashga ijozat berish tezkorlik jurnalida yoki naryad va farmoyish bilan qilingan ishlarni qayd qilish jurnalida rasmiylashtiriladi