Reja: Sanoat xavfsizligi vositalari haqida tushuncha
Yüklə 1,53 Mb. Pdf görüntüsü
|
|
Sanoatda xavfsizlik vositalari REJA: 1. Sanoat xavfsizligi vositalari haqida tushuncha 2. Xavfli ishlab chiqarish ob’ektlari Sanoat xavfsiz va sog‘lom mehnat sharoitlarini tashkil qilish boshliqlar, mutaxassislar va barcha ishchilarning asosiy vazifa va majburiyatidan biri hisoblanadi. Ushbu holatdan kelib chiqib, ishlab chiqarishda taqsimlanishni tashkil qilish, mutaxassislarning majburiyati, shtat va boshqaruv strukturasi aniqlanadi. Xavfsizlik sohasida ishlash etarlicha darajadagi turli xil, murakkab faoliyat hisoblanib, rahbarlardan maxsus bilimlarga ega bo‘lishni, yuqori kasbiy mahoratni, tajriba, katta jamoada ishlash ko‘nikmalariga ega bo‘lishni talab qiladi. Sanoat xavfsizligi shaxs va jamiyat hayotiy muhim manfaatlarining xavfli ishlab chiqarish ob’ektlaridagi avariyalar va noxush hodisalardan hamda ularning oqibatlaridan himoyalanganlik holatidir. Xavfli ishlab chiqarish ob’ektlaridagi avariya inshootlar va (yoki) xavfli ishlab chiqarish ob’ektlarida qo‘llaniladigan texnika qurilmalarining buzilishi, nazorat qilib bo‘lmaydigan portlash va (yoki) xavfli moddalar ajralib chiqishidir. Xavfli ishlab chiqarish ob’ektlari sanoat xavfsizligi sohasidagi maxsus vakolatli davlat organi (bundan buyon matnda maxsus vakolatli davlat organi deb yuritiladi) tomonidan xavfli ishlab chiqarish ob’ektlarining davlat reestrida albatta hisobga olinadi. Xavfli ishlab chiqarish ob’ektlarini identifikatsiyalash O‘zbekiston Respublikasi Vazirlar Mahkamasi tomonidan belgilangan tartibda ushbu qonunning 4-moddasiga muvofiqamalga oshiriladi. kislorod saqlovchi organik birikmalar Xavfli ishlab chiqarish ob’ektlari jumlasiga: 1) Quyidagi xavfli moddalar: portlash- yong‘in xavfi bo‘lgan muhitni yuzaga keltirishi mumkin bo‘lgan moddalar; tasdiqlangan standartlarga muvofiq tirik organizmga ta’sir qilish darajasiga ko‘ra I, II va III xavflilik darajalariga (o‘ta xavfli, yuqori darajada xavfli va o‘rtacha darajada xavfli) mansub zararli moddalar; muayyan turdagi tashqi ta’sir chog‘ida issiqlik ajratgan va gazlar hosil qilgan holda o‘z - o‘zidan juda tez tarqaladigan kimyoviy o‘zgaruvchan portlovchi moddalar; inson sog‘lig‘i va atrof - muhit uchun xavfli konsentratsiyali moddalar mavjud bo‘lgan ishlab chiqarish chiqindilari foydalaniladigan, ishlab chiqariladigan, qayta ishlanadigan, hosil qilinadigan, saqlanadigan, tashiladigan, yo’q qilinadigan; 2) 0,07 megapaskaldan ortiq bosim ostida yoki ishlatiladigan suyuqlikning normal atmosfera bosimidagi qaynash haroratidan ortiq haroratda ishlaydigan uskunalardan foydalaniladigan; 3) ko‘chmas asosga o‘rnatilgan yuk ko‘tarish mexanizmlari, eskalatorlar, osma yo’llar, funikulyorlardan (tog‘ temir yo’llaridan) foydalaniladigan; 4) qora va rangli metallar eritmalari hamda ushbu eritmalar asosida qotishmalar olinadigan; 5) konchilik ishlari, foydali qazilmalarni qazib olish va boyitish ishlari, shuningdek er osti sharoitida ish olib boriladigan korxonalar yoki ularning sexlari, uchastkalari, maydonchalari, shuningdek boshqa ishlab chiqarish ob’ektlari kiradi. Sanoat xavfsizligi sohasida davlat tomonidan tartibga solish O‘zbekiston Respublikasi Vazirlar Mahkamasi, maxsus vakolatli davlat organi, shuningdek qonun hujjatlariga muvofiq sanoat xavfsizligi sohasida ayrim vakolatlarga ega bo‘lgan boshqa davlat organlari tomonidan amalga oshiriladi. Sanoat xavfsizligi sohasida davlat tomonidan tartibga solish: sanoat xavfsizligi talablarini belgilashni; sanoat xavfsizligi talablariga rioya etilishi ustidan davlat nazoratini; xavfli ishlab chiqarish ob’ektlarida qo‘llaniladigan texnika qurilmalarini sertifikatlashtirishni; faoliyatning ayrim turlarini litsenziyalashni; sanoat xavfsizligi ekspertizasini; qonun hujjatlariga muvofiq boshqa choralarni o‘z ichiga oladi. Yüklə 1,53 Mb. Dostları ilə paylaş:
|