S. B. Baqoyev, A. N. Zulfiqorov

SO`Z BOSHI

Umumiy o`rta ta`lim maktablarida “Zoologiya” fanining o`qitilishi , uning o`quvchilar tomonidan o`rganilishi, o`zlashtirilishining samarali bo`lishini ta`minlashda o`quv adabiyotlarining (darslik, qo`llanma, yordamchi o`quvuslubiy ishlar) O`zbekiston Respublikasida amal qilayotgan uzviylashtirilgan Davlat ta`lim standarti va o`quv dasturi (Toshkent, 2010) talablari asosida ishlab chiqilishi, yozilishi muhim ahamiyatga ega. Ta`kidlash lozimki, hozirgi vaqtda mamlakatimiz ta`lim tizimida bu sohada ancha ijobiy ishlar amalga oshirildi. Ammo davr talabi o`quvchilarni mustaqil bilim olishi, fikr yuritishi imkoniyatlarini yana ham kengaytirish, chuqurlashtirishni taqozo etmoqda.

Shu holatni inobatga olgan holda “Zoologiya fanidan test topshiriqlari” o`quv-uslubiy qo`llanmasi tayyorlandi. Bu qo`llanmada biologiya fanining zoologiya qismi uchun DTSda keltirilgan uzviylikka rioya qilib fan doirasidagi mavzular, bo`limlar oddiydan murakkabga tomon tamoyili asosida joylashtirildi va unga 1350 ta test topshiriqlari kiritildi. Testlarni tuzishda ular turli manba`lardan tanlanganda mahalliy sharoitga mos keladiganlariga ko`proq e`tibor berildi.

O`quv-uslubiy qo`llanmadan biologiya fani o`qituvchilari, repetitorlar, talabalar, kasb-hunar kollejlari, akademik litseylar, umumiy o`rta ta`lim maktabi o`quvchilari, hamda biologiyaga (zoologiya) qiziquvchilar, abituriyentlar, mustaqil o`rganuvchilar ham foydalanishi mumkin.

Zoologiya bo`yicha nazariy bilimlarni puxta o`zlashtirishda, uni amaliy faoliyat bilan bog`lashda, u yoki bu mavzu ,zoologik obekt tushuncha, hodisa, jarayonlarni tushunish bo`yicha mustaqil fikr yuritish ,layoqatini rivojlantirishda fanni o`zlashtirishda tayanch, xususiy kompstensiyalarni shakllantirishda mazkur o`quv-uslubiy qo`llanma yordam berishi mumkin.

O`qituvchilar fan bo`limlari, mavzulari bo`yicha tarqatma materiallarni qisqa vaqt ichida tayyorlashlari, ulardan dars davomida, darsdan, sinfdan, maktabdan tashqari o`tkaziladigan tadbirlarda foydalanishlari ham mumkin.

O`quv-uslubiy qo`llanma oxirida unda kiritilgan barcha test topshiriqlarining to`g`ri javoblari ham keltirilgan bo`lib, qo`llanmadan foydalanuvchilar uchun o`ziga xos ilmiy-uslubiy ahamiyatga ega.