Samir İmanov HƏDƏFDƏKİ İnsan

Kastamonu. Türkiyə
Con yeməyini bitirdikdən sonra hesabı ödəyib kafedən 
çıxanda telefonu zəng çaldı. Bir kənara çəkilib telefona ca-
vab verdi:

182
-Alo
-Boss, problem var.
-Nə olub ki?
-Daniel bizi polislərə satdı.
Con təəccübdən qışqırdı:
-Nə?
-Hə  boss.  Telefonda  hər  şeyi  polislərə  danışdı.  Hətta 
Samirin  Türkiyəyə  aparılmasını  da.  Yəqin  indi  Almey-
da  bütün  İspan  polisini  üzərimizə  göndərəcək.  Nə  əmr 
edirsən? Nə edək?
Əsəbdən Conun sifəti qızarmışdı:
-B  planını  həyata  keçirin.  Almeyda  isə  lap  zəhləmi 
tök dü.  Madriddəki  uşaqlara  xəbər  elə  qarabaşın  xətrinə 
dəysinlər, bəlkə onda ağıllandı.
Con danışığını bitirib, Buraka zəng vurdu:
-Burak mənə yaxşı-yaxşı qulaq as. Türkiyə polisi Sami-
rin helikopterdə olduğunu bilir. Və çox güman ki, sürdü-
yün helikopteri nəzarətə götürəcəklər. Buna görə də, ba-
cardığın qədər alçaqdan sürüb Samiri meşəyə at. O ayılana 
qədər mən onu götürəcəyəm. Siz isə polislərə müqavimət 
göstərməyin. Elə bilsinlər, doğrudan da meyid aparırsınız
-Axı  bura  vəhşi  heyvanlarla  doludur.  Bəlkə  tabutda 
ataq?
-Yox olmaz. Polislərin əlinə keçməkdənsə qoy ayılara 
yem olsun. Polislər tabutdakı meyidin kimliyini araşdırıb 
onun  İspaniyadan  gətirilmədiyini  öyrənənə  qədər,  mən 
Samiri  tapıb  gizlədəcəyəm.  Sonra  sizin  üçün  də  bir  şey 
fikirləşərəm.
Burak  Conla  əlaqəni  kəsib  diqqətlə  ətrafa  baxaraq 
hündürlüyü  azaltmaq  üçün  münasib  yer  axtarmağa  baş-
ladı. Hava getdikcə qaraldığından qarşısına çıxan ilk tala-
da helikopteri bir az aşağı endirb Samiri meşəyə atdı və 
yenidən yüksəkliyə qalxıb oradan uzaqlaşdı.

183
Madrid. İspaniya
Vəziyyətlə bağlı mütəmadi olaraq, Almeydaya məlu-
mat verən leytenant növbəti dəfə otağa girəndə Almeyda 
onun üzünə baxıb pis xəbərlə gəldiyini və bu xəbəri ona 
deməyə çətinlik çəkdiyini hiss etdi.
-Yaxşı çəkinmə, den görüm nə xəbər gətirmisən. 
-Xəbərlər pisdir cənab. Türkiyədən bizə məlumat gə-
lib. Polislər helikopterə baxış keçiriblər, amma Samir ora-
da olmayıb. Türkiyə tərəfi tabutdakı meyidlə onu aparan 
şəxslərin kimliyini araşdırıb bizə məlumat verəcək. 
-Hə, bu həqiqətən pis xəbərdir. Bəs Toledo şəhərin dən 
nə xəbər var?
-Mən də elə indi sizə onu demək istəyirdim. Polislər 
restoranı mühasirəyə alıb təslim olmaları üçün içəri də ki-
lərə xəbərdarlıq ediblər. Ancaq heç bir səs gəlmə diyini gö-
rüb əməliyyata başlayıblar. Onlar içəri girəndən bir dəqiqə 
sonra restoranda güclü partlayış olub.
Almeyda  əsəbindən  bağıraraq,  əliylə  vurub  masanın 
üstündəkiləri yerə səpələdi:
-Mən türkiyəyə gedirəm. - (Kinayəli şəkildə) - Heliko-
pterdəkilərə  başsağlığı  vermək  lazımdır.  Siz  isə  restora-
nın  ətrafındakı  bütün  telefon  siqnallarını  toplayıb  tam 
dəqiqliklə  yoxlayın.  Həmin  ərazidə  olan  bütün  kamera 
görüntülərinə də baxın. “Hoja de sauce” qruplaşması haq-
qında bütün məlumatları yığıb mənə təqdim edin. 
Cibindən vərəq çıxardaraq:
-Bunu isə Silvaya verin.
Karabük. Türkiyə
Pedro bir xeyli getdikdən sonra yorulub dincini almaq 
üçün ağacın dibində oturdu. Bir az istirahət etdikdən son-

184
ra  havanı  qaraldığılnı  görüb  “burada  ağaclar  sıxdır,  ton-
qal  qalamaq  olmaz.  Gərək  tala  tapım”  deyə  fikirləşərək, 
yola düşmək istəyəndə helikopterin səsini eşidib dayandı. 
Əvvəlcə səsin hansı tərəfdən gəldiyini ayırd edə bilməsə 
də,  sonradan  uzaqdan  helikopterin  meşənin  içində  aşağı 
endiyini və tezliklə də, yuxarı qalxaraq uzaqlaşdığını gör-
dü. Heç nə başa düşməsə də, “helikopter aşağı enə bilibsə, 
orada mütləq tala var” deyə, sevincək halda o tərəfə get-
məyə başladı. Talaya çatmağına az qalmışdı ki, güclü yağış 
onu haqladı. 
Pedro ağaca söykənib nə edəcəyini fikirləşməyə başladı. 
“Burada qalsam yağışdan daldalana biləcəyəm, ancaq vəhşi 
heyvanlardan qorunmaq çətin olacaq. Ən yaxşısı açıq talaya 
çıxmaqdır. Mən odun toplayıb tonqal yandırana qədər yağış 
da kəsəcək”. Pedro bu düşüncəylə qarşısına çıxan quru ağac 
budaqlarını toplaya-toplaya helikopterin enib-qalxdığı yerə 
doğru irəliləyirdi. Aşıq talaya çıxıb tonqal yandırmaq üçün 
münasib  yer  axtarmaq  məqsədiylə  ətrafa  göz  gəzdirəndə 
yerində donub qaldı və yığdığı quru ağac budaqları quca-
ğından yerə töküldü. Heyrətdən böyümüş gözlərini gördü-
yü mənzərədən çəkməyərək təəccüblə baxırdı. 
Həmin gün
Marid. İspaniya
Silva işlədiyi idarədən çıxıb evə gedirdi. Yol tıxac idi 
deyə, dayanmağa məcbur oldu. Başını pəncərədən çıxardıb 
yaxınlıqdakı polisdən qabaqda nə baş verdiyini soruşdu:
-Burada nə baş verib?
-Yol qəzası olub cənab. Qəza nəticəsində maşın aşaraq 
yolun ortasına düşüb. Onu yoldan götürməyə çalışırıq.

185
-Uzun çəkər?
-Xeyr cənab. Artıq evakuator buradadır. Bir-iki dəqi-
qəyə yolu açacağıq.
Silva  əyilərək  maqnitafonu  işə  salıb  başını  qaldır-
dıqda,  bir  nəfərin  onunla  üzbəüz  dayanaraq,  əlindəki 
səsboğucusu olan silahı onu tuşladığını gördü. 
-Sizə  nə  lazımdır?  –  deyə  soruşmuşdu  ki,  adam  heç 
nə de mədən Silvanın sinəsinə iki güllə vurub cəld oradan 
uzaqlaşdı. 
Silva özünə gələndə səkinin kənarında xərəkdə uzan-
dığını  gördü.  Ətrafında  polislərlə  təcili  yardımın  işçiləri 
dayanmışdı. Sinəsində bərk ağrı var idi, güclə nəfəs alırdı. 
Onu müayinə edən həkimlərdən biri Silvanın ayılaraq dur-
maq istədiyini görüb dedi:
-Sakit olun. Hələlik sizə tərpənmək olmaz.
Polislərdən biri ona yaxınlaşıb:
-Bəxtin gətirib dost. Əgər ehtiyatlı tərpənib qoruyucu 
jilet geyinməsəydin, indi anan parçalanmış ürəyi və dağıl-
mış ciyəri olan oğlunun meyidinin kənarında oturub özü 
üçün ağlayırdı.
Silva polisin sözlərinə gülümsünərək həkimdən soruş-
du:
-Ciddi bir zədə yoxdur ki?
-Xeyr  yoxdur.  Lakin  atəş  yaxın  məsafədən  açıldığın-
dan  bir  müddət  sinənizdə  ağrı  olacaq.  Nəfəsalma  isə 
çətinləşəcək. Biz sizi xəstəxanaya aparacağıq. Səhərə qədər 
yatıb dincəlsəniz, tam sağalaraq ayağa dura biləcəksiniz.
Silva  təcili  yardım  maşınında  hadisə  yerindən  uzaq-
laşanda polislərdən biri onun xahişi ilə maşınını yaxınlıq-
dakı avtodayanacağa apardı.
Yeddi–səkkiz  nəfər  üzü  maskalı  və  əli  silahlı  adam 
Abalos küçəsindəki 111-ci evin qarşısında dayanan maşın-

186
dan düşən kimi Lusiyanı öldürmək üçün iri addımlarla evə 
tərəf getdilər. Qapıya çatan kimi öndə gedən və gözündə 
eynək olan adam təpiklə qapını açdı və silahlılar Lusiyanın 
gizləndiyi evə girdilər. Otağa girən kimi ətrafa dağılışıb Lu-
siyanı axtarmağa başladılar. Kimi mətbəxə, kimi hamam-
tualetə, kimi də şkafa baxırdı. Nəhayət, hər tərəfi axtardıq-
dan sonra dəstə rəhbəri Lusiyanın burada olmadığını gö-
rüb Cona zəng vurdu:
-Qız burada yoxdur boss. Əşyalarını da götürüb qaçıb.
-Hər ehtimala qarşı orada gözətçi qoy, bəlkə qayıtdı. 
Özünüz isə Türkiyəyə gəlin. Burada mənə lazımsınız.
Başçı: 
-Oldu! – deyib, iki nəfərə bir az aralıda tikilmiş hündür 
binanın  damına  çıxıb  buraya  nəzarət  etmələrini  tapşırdı. 
Qalanları ilə birgə maşına minib oradan uzaqlaşdı.
Karabük. Türkiyə
Üzünə  dəyən  yağış  damcılarından  özünə  gələndə 
bədəninin ağrısını hiss edib sevindi.
-Yaşayıram! 
Bir  vaxtlar  yaşamaq  ondan  ötrü  yalnız  əziyyətli 
günlərinin  dərdini  çəkmək  üçün  bir  vasitə  idisə,  indi  ta-
mam  başqa  cür  idi.  Ona  görə  də,  başına  gələn  bu  qədər 
əzab-əziyyətə və qarşıda onu gözləyən bəlalara baxmaya-
raq sağ qaldığı üçün Allaha şükr etdi. Hər yeri ağrıyırdı. 
Əlini  ehmalca  sifətinə  toxundurdu.  Burnu  qırılmasa  da, 
üzü qan içindəydi. Alnı şişmişdi. Ona dəyən zərbələri xa-
tırladıqca bədəni daha çox ağrayırdı. 
Son  yadında  qalan  başına  dəyən  zərbəydi.  Çevrilib 
qoluna baxdı. Yarası sarınsa da ağrıyırdı. Qalxıb oturmaq 

187
istədi, bacarmadı. Zədələnən qabırğasından qopan dəhşətli 
agrının təsirindən ufuldayıb, əlini qeyri-ixtiyari sağ böyrünə 
qoydu və uzandığı yerdən ətrafa göz gəzdirməyə başladı. 
Qaranlıqda  yaxşı  görə  bilməsə  də,  dəhşətli  bir  yerdə  ol-
duğunu  anladı.  Hər  tərəfi  ağaclarla  əhatəli  bir  yerdə  idi. 
Ətrafda tək-tük kəsilmiş ağac gözə dəyirdi. 
-Aydındır!  –  öz-özünə  düşündü.  Sağ  qalmaq  üçün 
təbiətlə  mübarizə  aparmalıydı.  Bunun  nə  qədər  davam 
edəcəyini, başına nələrin gələcəyini bilməsə də, mübarizə 
aparmalıydı. Çünki buna məcbur idi. Verdiyi sözü yerinə 
yetirmək üçün yarımçıq qalan işini tamamlamalı idi. 
Yağış getdikcə şiddətini artırırdı. Ac, yaralı və taqətsiz 
olmasına  baxmayaraq,  sağ  böyrü  tərəfdən  çevrilib  üzü 
üstə  uzanaraq  yağışdan  daldalanmaq  üçün  bir  yer  tap-
maq ümidiylə kolların arasıyla ağaclara tərəf sürünməyə 
başladı. Bir az getdikdən sonra taqətdən düşüb dayanaraq 
başını  qolunun  üstünə  qoydu  və  hərəkətsiz  qaldı. Artıq 
qabırğasının ağrısı dözülməz olmuşdu. Bir müddət belə 
qaldıqdan  sonra  səs  eşidib  başını  qaldırdı  və  qarşısında 
qaranlıqda  işıldayan  gözləri  görəndə  canından  üşütmə 
keçdi. 
Soyuq  külək  və  yağışın  təsirindən  onsuz  da  sümük-
lərinə qədər üşüyürdü və indi belə üşüyə-üşüyə bu üşüt-
məni  necə  hiss  etdiyinə  özü  də  təəccübləndi.  Parıldayan 
işıqları saymağa başladı. Altı dənə idi. Deməli, üç canavar-
la qarşı-qarşıyaydı. 
-Bu  da  axırı!  –  deyə  pıçıldadığı  vaxt  canavarlar  onu 
parçalamaq  üçün  hücuma  keçdilər.  Aralarındakı  məsafə 
get-gedə qısalırdı. Beş metr, dörd metr, üç metr, iki metr, 
bir metr və...

188
Saray. Azərbaycan
Gecənin  qaranlığında  üçotaqlı  həyət  evinə  bayırdan 
benzin çiləyən dörd nəfərin tək bir məqsədi vardı: Samirə 
göz dağı vermək üçün Əlini öldürmək! İçəri girməyə cəhd 
etsələr də, pəncərələrin dəmir nəfəsliklərlə örtülü olması 
və qapının möhkəmliyi onlara mane olmuşdu. Ona görə 
də  əllərini  nəfəslikdən  içəri  salaraq  almazla  pəncərənin 
şüşəsini kəsib içəri benzin tökürdülər. Pəncərəsi olan bü-
tün otaqlara benzin tökdükdən sonra qapıdan çıxmasınlar 
deyə, qapını arxadan qıfılla bağladılar və kömək çağrılma-
ması üçün telefon xəttini kəsdilər. 
İşlərini qurtardıqdan sonra benzin tökdükləri yerlərə 
od vurub cəld oradan uzaqlaşdılar.
Rəna  sevimli  teleserialından  ayrılmaq  istəməsə  də, 
aramsız gələn telefon zəngi onu ayağa qalxmağa məcbur 
etdi.  Dəstyi  götürüb  acıqlı–acıqlı,  alo,  dedikdə  dəstəkdə 
rəfiqəsinin təlaşlı səsini eşitdi:
 -Bu vaxta qədər haradasan ay qız? Mobil telefonu da 
söndürmüsən. Az qalmışdım taksiyə minib gəlim sizə. Bir 
hadisə olmayıb ki?
-Yox ay qız, nə olasıdır ki? Sadəcə serialdan ayrıla bil-
mirdim.
-Mən  də  dedim  görəsən  nə  olub.  Bəs  telefonu  niyə 
söndürmüsən?
-Mən söndürməmişəm. Yəqin zaryadka qurtarıb.
-Yaxşı, get serialına bax. Sonra zəng vuraram.
-Narahat olma reklam fasiləsidir. Rahatca sözünü deyə 
bilərsən.
-Sabah  tezdən  həkimə  getməliyəm,  mənimlə  ge dər-
sən?

189
-Bağışla, gələ bilməyəcəyəm. Bu gün Əlinin nənəsi yı-
xılıb,  ayağını  zədələyib.  Ona  görə  də  bir  neçə  gün  Əliyə 
mən baxmalı olacağam.
-Əli sizdədir? Sabah həkimdən çıxan kimi gələcəyəm 
sizə, Əlini görməyə. Çox şirin uşaqdır.
-Bayaqan bəri məni o qədər güldürüb ki. Çox şən uşaq-
dı.  Onun  oyanma  qorxusu  olmasaydı  heç  telefona  cavab 
verməyəcəkdim.
-Nə əcəb belə tez yatıb?
-Bu gün Lunaparka aparmışdım. O qədər oynadı ki, 
yorğunluqdan yolda əsnəyirdi.
-Day bağışla da, səni serialdan ayırdım.
-İnnən beləsinə baxmağa imkan versən bağışlayaram.
-Hələlik. Sabah görüşərik.
Rəna  dəstəyi  yerinə  qoyan  kimi  cəld  qaçıb  divanda 
oturaraq gözlərini televizora zillədi.
Hadisədən 1 gün sonra
Karabük. Türkiyə
Samir  özünə  gələndə  bədəni  hələ  də  ağrayırdı.  Göz-
lərini  ağır-ağır  açaraq  ətrafa  baxdı.  Hər  tərəf  ağaclar  və 
kollarla dolu idi. Ayaq tərəfdə bir nəfər fit çala-çala bıçaqla 
əlindəki ağac budağını yonurdu. Ətrafı dumanlı və xəyal 
kimi görürdü. Buna görə də əliylə gözlərini sildi. 
Pedro  Samirin  tərpəndiyini  görərək  əlindəkiləri  bir 
kənara qoyub onun yanına gəldi. Diz üstə Samirin yanında 
oturaraq diqqətlə onu süzdü: 
-Necəsiniz cənab? Özünüzü necə hiss edirsiniz? Sizə 
necə kömək edə bilərəm? -Sonra gülümsəyərək, öz-özünə 
astadan  dedi:  -Mən  nə  danışıram?  Bu  yazıq  türk  mənim 
dediklərimi necə başa düşsün.

190
Samirin  qalxıb  oturmaq  istədiyini  görən  Pedro  ona 
kömək etdi. Samir dikəlib qoluna baxdı. Qan qurumuşdu, 
demək daha qanaxma olmurdu. Artıq qabırğası da əvvəlki 
qədər bərk ağramırdı. Əlini ciblərinə salıb bir-bir yoxladı. 
Əl dəsmalından başqa hər şeyini götürmüşdülər. Üzünü 
bayaqdan maraqla ona tamaşa edən Pedroya çevirib ispan 
dilində dedi:
-Əgər mənə kömək etmək istəyirsənsə, bir az su ver. 
Bərk susamışam.
Pedro:
 -Bu dəqiqə! – deyərək, çantasından su butulkasını çı-
xardıb Samirə uzadanda qəfil geri çəkib təəccüblə soruşdu:
-Sənin su istədiyini mən haradan bildim? Axı mən türk 
dilini bilmirəm.
-Su istədiyimi bildin, çünki mən ispan dilini bilirəm.
Pedro butulkanı Samirə uzadıb dedi:
-Bu yaxşı oldu.
Samir doyunca su içəndən sonra soruşdu: 
-Mən haradayam? Bura necə düşmüşəm? Bəs sən kim-
sən?
-Bura Tükiyədir. Biz hazırda meşədəyik. Bura necə düş-
düyünü bilmirəm. Sənin düşdüyün yerin ətrafında helikop-
ter  uçurdu.  Ya  səni  helikopterdən  tullayıblar,  ya  da  özün 
yıxılmısan. Görünüşündən belə görünür ki, səni burada tul-
layıb gediblər. Bəxtin gətirib ki, səni tapdım. Yoxsa indi han-
sısa canavar mədəsində həzm edə-edə özünü günə verirdi.
Samir gülümsəyərək:
-Bəs sən kimsən? Meşəbəyi?
-Yox, tam əksinə. 
Pedro bura necə düşdüyünü Samirə danışıb soruşdu:
-Bəs sən kimsən? Sifətin mənə tanış gəlir, amma yadı-
ma sala bilmirəm.

191
-Mənim adım Samirdir. Əlillər üçün yaradılan mərkə-
zin rəhbəriyəm. Azər...
Pedro onun sözünü yarımçıq kəsdi:
-Hə, düzdür, Samirsən. Dedim axı tanış gəlirsən. Hə-
min mərkəzin Argentinada da filialı var. Oğlum uşaq vaxtı 
bir qolunu itirdiyindən onu da götürüb həmin filiala get-
mişdm. Bizi çox yaxşı qarşıladılar. Üstəlik oğluma da hər 
cür köməklik etdilər. Bəs yaxşı səni bu günə kim qoyub?
Samir başına gələnləri qısa olaraq Pedroya danışıb dedi:
-Sən  mənə  buradan  çıxmağa  kömək  et,  mən  də  səni 
maneəsiz öz ölkənə, ailənin yanına yola salım. Sənə mər-
kəzin Argentinadakı filialında iş də verərəm.
-Sən məni vətənimə yola salmasan belə, mən səni bu-
rada atıb getməyəcəkdim. -Əlini Samirə uzadaraq, -Amma 
yenə də mən razı.
-Çox güman ki, quldurlar məni axtarmağa gələcəklər. 
Bu rada çox dayanmaq olmaz. Kömək et, ayağa qalxım, ge-
dək.
-Tapa bilməzlər. Səni atdıqları yer buradan iki saatlıq 
uzaqdır.
-Məni  iki  saat  qucağında  daşımısan?  Bu  yaxşılığının 
əvəzini heç cür ödəyə bilmərəm.
-Sən əlillər üçün bu qədər əziyyət çəkirsən. Onlardan 
öt rü belə çətinliyə düşmüsən. Oğlum «Ümid» mərkəzinin 
sa yəsində özünü bu həyatın bir parçası hiss edir. Mənim sə-
ni iki saat qucağıma daşımağım bunların yanında nədir ki?
Pedro Samiri ayağa qaldıraraq qoluna girdi və hər ikisi 
yavaş-yavaş meşənin içiylə getməyə başladılar.
Sumqayıt. Azərbaycan
Rəna mətbəxdə qazı yandırıb tavanı qazın üstünə qo-
yaraq içinə yağ atdı. Yağ əriyən kimi tavaya iki yumurta çır-

192
pıb duz ataraq qarışdırdı və qayğanaq hazır olan kimi qaba 
qoydu. Qayğanaqla dolu qabı sinidə çörəklə albalı şirəsinin 
yanına qoydu. Sinini götürərək otağa keçdi. Gətirdiklərini 
stolun üstünə qoyub geri qayıtmaq istəyəndə gözü televi-
zorda  xəbərlərdə  verilən  yanğın  hadisəsinə  sataşdı.  “Bu 
ki, Əlinin yaşadığı evdir” deyə, öz-özünə fikirləşdiyi vaxt 
dəhlizdən gələn addım səslərini eşidib cəld televizoru sön-
dürdü. Əli otağa girib dedi:
-Rəna bibi əl-üzümü yudum, amma dəsmalı tapa bil-
mə dim.
Rəna xəbərin təsirindən özünü itirdiyindən dili topuq 
vurdu:
-Nə? Dəsmal? Hə... Sən otur, mən indi gətirirəm.
Rəna  bunu  deyib  telefonu  götürərək  hamama  tərəf 
getdi. Hamama girən kimi üzünə su vurub bir az özünə 
gələndən sonra rəfiqəsinə zəng vurdu.
-Alo, Arzu. Olar bu gün həkimə getməyib birbaşa bizə 
gələsən?
-Nə olub ay qız? Səsin titrəyir.
-Dünən axşam Əlinin yaşadığı ev yanıb.
-Sən nə danışırsan?
-Hə. Aparıcı dedi ki, polislərdən alınan ilkin məlumata 
görə  evi  yandırıblar.  Ürəyimə  damıb  ki,  Əlinin  həyatı 
təhlükədədir. Tez gəl bizə oturub ətraflı danışaq.
-Oldu. Yarım saata sizdəyəm.
Rəna  telefonla  danışıb  qurtardıqdan  sonra  hamamın 
qapısından asılmış xələtin altından dəsmalı götürüb otağa 
qayıtdı.  Yarım  saatdan  sonra  onlara  gələn Arzu  Rənanın 
qorxudan ağarmış üzünə baxıb dedi:
-Bu nədir Rəna? Sən nə vəziyyətə düşmüsən?
-Çox qorxuram Arzu. Əvvəl istədim polisə xəbər ve-
rim, sonra fikirləşdim ki, səninlə məsləhətləşim.

193
-Yaxşı etmisən. Bu vəziyyətdə düzgün qərar verə bil-
məz din. Əli haradadır?
-Oturub divanda cizgi filminə baxır.
-Qoy baxsın. Biz keçək o biri otağa.
Rəna Arzuyla birgə yataq otağına keçib çarpayıda otu-
randan sonra Arzu dedi:
Hə, əzizim, indi başdan danış görüm nə olub.
-Srağagün Aybəniz xala, Əlinin nənəsi mənə zəng vur-
du ki, bəs yıxılmışam ayağım burxulub. İmkan varsa, Əli 
iki-üç gün sənin yanında qalsın. Mən də məzuniyyətdə ol-
duğum üçün dünən səhər gedib Əlini babasıgildən götür-
düm ki, Samirdən də bir xəbər yoxdur, yazıq uşaq aralıqda 
qalmasın. Bu gün səhər Əli dedi ki, bəs Rəna bibi televi-
zoru qoş da, indi cizgi filmi başlayacaq. Mən də televizo-
ru yandırdım, gördüm xəbərlər gedir. Dedim ki, xəbərlər 
proqramı  hələ  qurtarmayıb.  Cizgi  filmi  başlayana  qədər 
sən get əl-üzünü yu, sonra gəl səhər yeməyini yeyə-yeyə 
rahatca bax. Əli otaqdan təzəcə çıxmışdı ki, gördüm yan-
ğın haqqında danışırlar. Evi görən kimi tanıdım.
-Bəlkə səhv edirsən?
-Yox. Küçə də tanış gəlirdi. Bir də ki, bayaqdan zəng 
vururam heç kim götürmür.
-Bu ki, dəhşətdir. Samirdən xəbər yoxdur, bunlar da ki, 
belə. Uşağa yazığım gəlir.
-Çalışacağam Samirdən bir xəbər çıxana qədər Əli ya-
nımda  qalsın.  Bəlkə  Əlini  də  götürüb  rayona,  valideyn-
lərimin yanına getdim.
-Birdən siz gedən kimi Samir tapıldı, onda nə olacaq? 
Uşağı buradan ora-oradan bura yormaq lazım deyil. Dur 
hazırlaş, uşağı da hazırla. Bizə gedirik. Əgər Əli ni öldürmək 
istəyiblərsə, deməli, onun harada olduğu nu mütləq öyrə-
nəcəklər. Burada hər ikinizin həyatı təhlükədədir.
-Sizin də başınıza dərd açmaq istəmirəm.

194
-Sən bizə görə narahat olma. Evdə iki dənə şkaf boy-
da  qardaşım  var,  üstəlik  biri  sənə  aşiqdir.  Həm  də  polis 
məntəqəsi bizdən cəmi iki bina uzaqdır. Bizdə qaldığınız 
müddətdə heç kim sizə zərər verə bilməz.
Rəna gülümsəyərək: 
-Sizə əliuşaqlı gəlsəm, qardaşın mənim ərə getdiyimi 
hesab edərək boğub öldürər.
-Qorxma, deyərik qeyri-rəsmi nigahdandır. – Rənanın 
özünə gəldiyini görüb onu tələsirdi. -Di tez ol, yubanma. 
Mən də gedim bir nəfəri qıdıqlıyım.
-Ən acığı gələn şeydir.
-Elə ona görə qıdıqlayacam dəə.
Arzu otaqdan çıxandan sonra Rəna çarpayının altın-
dan  kiçik  çamadanı  çıxardaraq  özüylə  götürmək  istədiyi 
əşyaları onun içinə yığmağa başladı.
Ankara. Türkiyə
Almeyda otelin pəncərəsindən şəhərə baxa-baxa Silva-
ya zəng vurdu:
-Alo.
-Salam Silva necəsən? Eşitdim sənə qarşı hücum olub. 
İndi necəsən?
-Sənin  bütün  xasiyyətlərindən  xoşum  gəlir,  bircə  bu 
dalbadal sual verməyindən başqa. İndi yaxşıyam. Dünən 
gecəni xəstəxanada keçirtdim. Yarım saat olar ki, idarəyə 
gəlmişəm. Sən necəsən?
-Üst-üstə baş verən olumsuz hadisələr əhvalımı əməlli-
başlı  korlamışdı.  Türkiyəli  əməkdaşlar  mənə  dedilər  ki, 
helikopterdə  olan  meyid  məhz,  Madriddə  ölən  adama 
məxsusdur. Hətta bu barədə İspaniyanın yerli qəzetlərində 

195
də məlumat dərc olunub. Helikopterin sürücüsü Türkiyə 
vətəndaşıdır və beş ildir ki, bu işdə çalışır. Digər iki nəfər 
isə İspaniyadakı bir dəfn bürosunun əməkdaşlarıdır. Bü-
tün sənədlər də ki, qaydasında. Bir sözlə, şübhəli heç nə 
yoxdur.  Ancaq  polisə  zəng  vuran  adamın  dedikləri  ilə 
buradakı  hadisələrin  üst-üstə  düşməsini  və  Toleodakı 
hadisəni nəzərə alıb buradakı əməkdaşlarımızın yaxından 
köməkliyi  ilə  helikopterdəki  üç  nəfəri  və  meyidi  əməlli-
başlı araşdırdıq və maraqlı nəticələr əldə etdik. Ölən şəxs 
hətta şəklinə qədər qəzetlərdəki məqalələrlə uyğun gəlsə 
də, həmin şəxs heç vaxt İspaniyada olmayıb. Buna görə də, 
helikopterdəkiləri sorğu-sual etmək üçün sabah Ankaraya 
gətirəcəklər. Mən də buradakı əməkdaşlarla birgə həmin 
sorğuda iştirak edəcəyəm. Ürəyimə damıb ki, onlar həm 
Samirin, həm də Conun yerini bilirlər.
-  Sən məni sevindirdin. Kaş mənim də sənə bir kö-
mək liyim dəyə bilərdi.
-Sən sabah hazır vəziyyətdə ol. Samirin yerini öyrənən 
kimi sənə xəbər verəcəyəm, gedib azad edərsən. Bir də ki, ça-
lış qızı tapasan. Bütün dünya məhz, həmin qızın sayəsində 
Conun əməllərindən xəbər tutub. Yoxsa, kim bilir, daha nə 
qədər günahsız insan “Hoja de sauce” təşkilatının qurba-
nı olacaqdı. Biz gərək həmin qızı tapaq və təhlükəsizliyini 
təmin edək. Qardaşının vəziyyəti necədir?
-Özünə gəlib. Tez-tez bacısını xəbər alır.
-Hələlik ona heç nə deməyin. Qoy bir az sağalsın. An-
caq  mühafizəsini  gücləndirin.  Qızdan  əvəz  çıxmaq  üçün 
qardaşından və atasından istifadə edəcəklər.
-Oldu. Başqa bir əmrin var?
-Yox. Sabah danışarıq.
-Oldu. Özündən muğayat ol.
-Sən də. Hələlik.

196
Almeyda  Silvayla  sağollaşıb  notebookunu  açaraq 
«Ümid»  mərkəzi  haqqında  olan  məlumatları  nəzərdən 
keçirtməyə başladı.