Sanitar-feldşer ixtisası üzrə nümunəvi test sualları Bölmə Epidemiologiya

794) Vaksin vurmaqla immunitetin hansı növünü yaratmaq olar?
A) Süni fəal

B) Süni passiv

C) Qeyri - steril immunitet

D) Təbii qazanılmış

E) Təbii (növ)
- Süni fəal

Süni fəal immunitetin əmələ gəlməsində orqanizmin özü də iştirak edir. Belə immunitet patogen mikrobdan və ya onun toksinindən hazırlanmış vaksin ilə peyvənd edildikdən sonra yaranır.

Ədəbiyyat: H.H.İbrahimov “Tibbi mikrobiologiya”. Bakı.1995. Səh. 112
795) Virulentliyi zəiflədilmiş mikroblardan hazırlanmış vaksinlər necə adlanır?
A) Anatoksin

B) Kimyəvi

C) Ölü

D) Autovaksin

E) Diri
- Diri

Vaksinlər süni aktiv immunitet yaratmaq üçün preparatdır. Virulentliyi zəifləşdirilmiş törədicilərdən hazırlanmış vaksinlər diri vaksinlərdir.

Ədəbiyyat: H.H.İbrahimov “Tibbi mikrobiologiya”. Bakı.1995. Səh. 159
796) Mikrobun ekzotoksinini formalin və isti ilə zərərsizləşdirməklə hansı vaksin növü alınıb?
A) Kimyəvi

B) Polivaksin

C) Anatoksin

D) Diri

E) Autovaksin
- Anatoksin

Fransız alimi Ramon toksinə müəyyən miqdar formalin əlavə edərək 39 - 40⁰ temperaturda 30 - 32 gün saxlamışdır. Nəticədə immunogen xassəsini saxlamış zərərsiz preparat - anatoksin almışdır.

Ədəbiyyat: H.H.İbrahimov “Tibbi mikrobiologiya”. Bakı.1995. Səh. 160