Şəki şəhər Mədəniyyət və Turizm şöbəsi Mərkəzləşdirilmiş Kitabxana sistemi Metodika və biblioqrafiya şöbəsi

II bölmə. Naxçıvanın 70 illiyi münasibətilə kitabxana qarşısında duran vəzifələr.

Naxçıvan Muxtar Respublikasının 90 illiyi münasibətilə bütün kitabxanalar fəal iştirak etməlidir. MKS yubiley münasibətilə tədbirlər planı işləyib hazırlamalı, yubiley yüksək səviyyədə keçirilməlidir.

Kütləvi tədbirlərin ən təsirli formalarından biri kitab sərgiləridir. Kitabxanada “Naxçıvan-90”, “Naxçıvan çiçəklənən bir diyardır” və sairə başlıqlarda sərgilər təşkil etmək olar. “Naxçıvan-90” başlıqlı sərginin nümunəsini veririk.

1) Başlıq. “Naxçıvan-90”

2) NMR-nın 90 illiyi münasibətilə Azərbaycan Respublikası Prezidentinin sərəncamı

3)Tövsiyə ədəbiyyat siyahısı

4) Sərgiyə aid şəkillər

5) Qəzet və jurnal materiallarında Naxçıvan haqqında nəşr olunan məqalələr

6) Naxçıvan elm və mədəniyyət xadimləri haqqında məlumat
_____1_____

____2____ ____3____

_____4_____

________ ________

_________ 5 _________

_____6______

Naxçıvan Muxtar Respublikasının 90 illiyi münasibətilə oxucular arasında mühazirələrin keçirilməsi vacibdir. Məs: “H.Əliyev və Naxçıvanın inkişaf mərhələləri”, “Ağır sınaqlardan şərəflə çıxan Naxçıvan”, “Naxçıvan sənaye ilində inkişaf mərhələsində”, “Özünü dünyaya tanıdan Naxçıvan ziyalıları” və sairə mövzularda da ilk növbədə Naxçıvanın 90 illiyi münasibətilə müxtəlif məlumatlar yerləşdirilməlidir.

Həmçinin “Naxçıvan Respublikasının tarixi- mədəni irsi”, “Naxçıvan tarixində H.Əliyevin əvəzsiz rolu”, “Milli memarlığımızın möhtəşəm abidələri” və sairə mövzularda söhbətlər təşkil etmək olar. Həmçinin “Çoxəsrlik dövlətçilik ənənələrinə malik Naxçıvan” mövzusunda dəyirmi-masa, “Böyük tarixi keçmişi olanqədim diyar-Naxçıvan” mövzusunda elmi-nəzəri konfrans, “İncilər diyarı Naxçıvan” mövzusunda ədəbi-bədii gecə təşkil etmək olar.

Mövzu ilə bağlı sual-cavab gecəsi təşkil etmək olar. “Naxçıvan diyarı haqqında nə bilirsiniz?”

1) Naxçıvan Muxtar Sovet Sosialist Respublikası nə vaxt yaranmışdır?

1924, fevralın 9-u.

2) Naxçıvan Muxtar Respublikası nə vaxt adlanmışdır?

1990-cı ildən.

3) Naxçıvan hansı dövlətlərlə sərhəddir?

Qərbdən Türkiyə, cənubdan Iran, şimaldan və şərqdən isə Ermənistanla

4) Naxçıvan Respublikası inzibati cəhətdən neçə rayona bölünür?

Hal hazırda Naxçıvan şəhəri və yeddi inzibati rayona bölünüb ( Babək, Culfa, Ordubad, Sədərək, Şahbuz, Şərur, Kəngərli).

5) Naxçıvan Muxtar Respublikasına Azərbaycanın tərkibində neçənci ildə muxtar dövlət statusu verilmişdir?

1995-ci ildə.

6) Naxçıvan ziyalılarından kimləri tanıyırsınız?

H.Əliyev,C. Məmmədquluzadə, H.Cavid, B.Kəngərli, Memar Əcəmi və sairə.

Kitabxanaçılara tövsiyə edilir ki, Naxçıvan Muxtar Respublikasının 90 illiyi münasibətilə qəzet və jurnal materiallarında dərc olunmuş məqalələrin kartotekasını təşkil edib, oxucunun istifadəsinə versinlər.