Susma, ürək…
97
SÖYLƏNƏRMİŞ
Gədə oğlu ucalanda,
Qürrələnib, söylənərmiş.
Qeyrət, namus, ar bilməyən
Günü-gündən piylənərmiş.
Utanarmı iki üzlü,
Var, dövlətə həris gözlü.
Atalardan qalan sözdü:
“Balıq başdan iylənər”miş.
Namərd atar ismətini,
Əskik bilər qismətini.
Kim itirsə hörmətini,
El döşündə teylənərmiş.
Nanəcibə çatsa bəylik,
Xəyalından getməz səylik.
Yaxşılıq, yamanlıq, eylik,
Neçə ki var, söylənərmiş.
Ay Şiruyə, bu dünyada,
Çalış yetiş təmiz ada.
Əylənməyən zər-zibada,
Dar məzarda əylənərmiş.
Dostları ilə paylaş: |
