Fənnin tədrisi zamanı hər bir tələbə semestr ərzində müəllimin rəhbərliyi və müəyyənləşdirdiyi mövzular üzrəauditoriyadankənar sərbəst yaradıcılıq işləri hazırlayır. Sərbəst yaradıcılıq işləri əlyazma, çap olunmuş və ya elektron formada tərtib olunurvə müvafiq qaydalara uyğun müdafiə olunaraq təhvil verilməklə qiymətləndirilir.
Sərbəst yaradıcılıq işlərinin əsas mövzuları “Diplomatik portretlər”fənninin tədrisi üçün nəzərdə tutulmuş təqvim-tematik plana uyğun mövzular üzrə tərtib olunur. Bu mövzular təhsil alanlara fərdi qaydada, ayrı-ayrı qruplar şəklində və ya tam qrup halında verilə bilər. Müəyyən edilmiş son tarixdən sonra təqdim olunan sərbəst yaradıcılıq işləri, səbəbindən asılı olmayaraq, qəbul olunmayacaq və onların nəticəsi qiymətləndirilməyəcəkdir.
Müxtəlif fənlər üzrə təhsilalanların elmi-tədqiqat işlərinin və sərbəst yaradıcılıq işlərinin həcmi kafedra iclasında müəyyən edilir və təsdiq olunur.Tələbələrin sərbəst yaradıcılıq işlərinə aşağıdakılar daxildir : sərbəst elmi-tədqiqat (yaradıcılıq) işləri, referat, elmi məqalə, esselər, layihələr və s.
