Sirǵanap súykeliw koefficientin aníqlaw

SIRǴANAP SÚYKELIW KOEFFICIENTIN ANÍQLAW
(3-laboratoriyalıq jumıs)

Jumıstıń maqseti:

Аǵash sızǵıshtıń ústinde sırǵanap atırǵan taxtanıń súykeliw koefficientin anıqlaw járdeminde sırǵanap súykeliwge tiyisli bilimlerdi bekkemlew.
Kerekli ásbaplar:
Uzın aǵash sızǵısh, ilgekli taxta, dinamometr, tárezi, tárezi tasları.
Jumıstı orınlaw tártibi
1. Tárezide kishkene taxtanıń massasın ólsheń hám 4-kestege jazıń.
2. P = mg formulasınan paydalanıp, taxtanıń salmaǵın tabıń.
3. Taxtaǵa dinamometrdi ildirip, onı sızǵısh boylap teń ólshewli sırǵanatıń hám dinamometrdiń kórsetiwin Fs(s) sırǵanap súykeliw kúshine teń dep alıp, onı kestege jazıń.
4. 121-bettegi (4)-formuladan paydalanıp, sırǵanap súykeliw koefficientin esaplań.
5. Taxtanıń ústine dáslep 100 gr lı, keyin 200 gr lı tárezi tasların qoyıp, tájiriybeni tákirarlań. Olar ushın da sırǵanap súykeliw kúshin tabıń. Nátiyjelerdi kestege jazıń.
6. µort = (µ1+ µ2 + µ3)/3 formulasınan paydalanıp, sırǵanap súykeliw koefficientiniń ortasha mánisin esaplań hám nátiyjeni kestege jazıń.
4-keste

7. Absolyut hám salıstırmalı qátelerdi tabıń.

8. Laboratoriyalıq jumıstıń nátiyjesin talqılań hám juwmaq shıǵarıń.