Stomatolog tibbiyot xodimlarining mehnat sharoitlarini gigienik baholash. Annotasiya

Tadqiqot natijalari.

Stomatolog shifokorlarining mehnat sharoitlarini o'rganish va gigienik baholash shuni ko'rsatdiki, zamonaviy stomatologiyada etakchi zararli ishlab chiqarish omillari: yorug'likning yetarli emasligi, havoning bakterial ifloslanishi va turli xildagi yuqumli kasalliklarni yuqtirish xavfi.

Stomatolog xodimlarining kasbiy faoliyatini baholash shuni ko'rsatdiki, stomatologiya xodimlarining deyarli barcha ish joylari nostandart moslashtirilgan binolarida joylashganligi. Shu munosabat bilan sanitariya-gigiyena ko'rsatkichlarining me'yoriy ko'rsatkichlardan chetga chiqishi kuzatildi: stomatologiya xonalarining maydoni 68% holatda sanitariya-gigiyena me'yorlariga mos kelmadi.
Stomatologiya kabinetlarida mikroiqlim parametrlari gigienik talablarga javob beradi: havoning maksimal harorati sovuq mavsumda 22,8±0,9 issiq mavsumda 27,7±0,5. Nisbiy havo namligi barcha stomatologiya kabinetlarida standart qiymatlardan oshmadi va sovuq mavsumda 49,5 ± 3,2% va issiq mavsumda 55,7 ± 3,6% ni tashkil etdi. Yilning sovuq davridagi havo harakati tezligi 0,12±0,01 m/s bo'lib. Yilning issiq davrida havo harakati tezligi me'yordan yuqori bo'lib, tabiiy shamollatish hisobiga 0,53±0,08 m/s ga yetdi. Mehnat sharoitlarini baholashga ko'ra, mikroiqlim parametrlari 2-sinf (ruxsat etilgan) ish sharoitlariga mos keldi.
Ofislarning sun'iy yoritilishi umumiy, mahalliy va ko'pincha cho'g'lanma va lyuminestsent lampalar tomonidan amalga oshiriladi. Floresan lampalar tomonidan yoritiladigan umumiy sun'iy yoritish darajalari aniq etarli emas (280±2,4 lyuks) va me’yorda esa (kamida 500 lyuks) bo’lishi kerak. Kombinatsiyalangan yoritish ko'rsatkichlari (871,3±3,9 lyuks) ham me’yoriy qiymatlardan past. Shunday qilib, stomatologlarning ish joylarida yorug'lik ko'rsatkichlari birinchi darajali mehnat sharoitlarining zararli sinfiga to'g'ri keladigan 3.1-sinf sifatida tasniflanishi mumkin.
Stomatologik tibbiyot xodimlarining ish sharoitida noqulay omillardan biri havoning bakterial ifloslanishi 1 (jadval).