Agentlik — O‘zbekiston Respublikasi Moliya vazirligi huzuridagi Sug‘urta bozorini rivojlantirish agentligi;
sug‘urta zaxiralari — sug‘urta qildiruvchi tomonidan so‘m yoki xorijiy valyutada to‘langan sug‘urta mukofotlari hisobiga sug‘urtalovchi tomonidan shakllantiriladigan hamda sug‘urtalovchining balansida aktiv yoki majburiyat ko‘rinishida hisobga olinadigan, sug‘urta to‘lovlari bo‘yicha moliyaviy majburiyatlarni bajarish, zararlarni bartaraf etish bo‘yicha xarajatlar va ogohlantirish chora-tadbirlarini moliyalashtirish uchun zarur bo‘lgan mablag‘lar;
sug‘urta zarari — sug‘urta hodisasining yuz berishi natijasida sug‘urta qildiruvchi, naf oluvchi yoki sug‘urta qilingan shaxsning mulkiy manfaatlariga yetkazilgan va sug‘urta shartnomasining shartlariga muvofiq sug‘urtalovchi tomonidan qoplanadigan zarar (ziyon) miqdorining puldagi ifodasi;
texnik zaxiralar — hisobot sanasiga alohida sug‘urta shartnomasi va/yoki umumiy sug‘urta portfeli bo‘yicha hisoblangan, sug‘urtalovchi tomonidan sug‘urta to‘lovlari bo‘yicha moliyaviy majburiyatlarni bajarish uchun zarur bo‘lgan mablag‘lar summasi;;
xabar qilingan zarar — sug‘urta hodisasining yuz berishi to‘g‘risida qonun yoki sug‘urta shartnomasida belgilangan tartibda sug‘urtalovchiga xabar qilingan hamda buning natijasida sug‘urta qildiruvchi, naf oluvchi yoki sug‘urtalangan shaxsning mulkiy manfaatlariga yetkazilgan ziyonning (shikastning) puldagi ifodasi;
yuz berishi mumkin bo‘lgan eng yuqori zarar — bir yoki bir necha sug‘urta shartnomalari shartlari bo‘yicha ularda belgilangan sug‘urta hodisalari natijasida sug‘urtalovchi yoki qayta sug‘urtalovchi ko‘rishi mumkin bo‘lgan sug‘urta zararining baholangan eng yuqori hajmi;
