|
31.PK-nın komparatorları
Komparatorlar proqram elementləri pəncərəsinin Comparator qovluğunda adi tam (2 bayt), uzun tam (4 bayt) və həqiqi (4 bayt) ədədlərin müqayisə edilməsi üçün bloklar nəzərdə tutulmuşdur (cədvəl 2.4). Müqayisə edilən kəmiyyətlərin tipindən asılı olaraq uyğun blokun adı və ya əmrin kodunda I (adi tam ədəd), D (uzun tam ədəd) və ya R (həqiqi ədəd) istifadə edilir. İN1 və İN2 uyğun olaraq müqayisə edilən birinci və ikinci kəmiyyətlərdir. Onlar sabit, mütləq və/və ya nisbi dəyişənlər vasitəsilə verilə bilər. Adi tam kəmiyyətin ünvanı MWxx (məs.MW102), uzun tam və həqiqi kəmiyyətlərin ünvanı MDxx (məs.MD104) şəklində verilir. xx- ədəd yerləşən ünvandır. Nisbi ünvanlaşdırmada istifadə edilən dəyişənlərin tipi müqayisə edilən kəmiyyətlərə uyğun təyin edilməlidir.
Blokların işləməsi üçün onların adsız girişinə “1” siqnal verilməli, blokların yerinə yetirdikləri müqayisə şərtləri ödəndikdə çıxışlarında “1”, əks təqdirdə “0” alınır.
Misal 2.3. Şəkil 2.27-da ünvanı 102 olan tam tipli kəmiyyətin 25 sabitinə bərabərliyini yoxlayan LAD, FBD və STL dillərində proqramlar verilmişdir. Həmin kəmiyyətlər bərabər olduqda PK-nın Q124.1 çıxışına qoşulmuş ikivəziyyətli icra mexanizmi işləyir, əks təqtirdə işləmir.
Şəkil 2.27
Dostları ilə paylaş: |
