II. O‘quv fanining maqsadi va vazifasi Fanni o‘qitishdan maqsad o‘zbek mumtoz adabiyotining diniy-falsafiy asoslarini o‘zlashtirish
orqali talabada mumtoz badiiy asarlarni tahlil va mushohada qilish, dunyoqarashini o‘strish va
ma’naviyatni boyitib borishdan iborat. Mazkur fan bo‘yicha talabalarga tasavvuf tarixi va
nazariyasiga doir birlamchi manbalar: risola, mankaba, maqomot va tazkiralar haqida ma’lumot
berish, tasavvufning manbai va manbalari hisoblangan Qur’oni karim, Hadisi sharif, tafsir va kalom
ilmiga oid birlamchi ma’lumotlardan xabardor bo‘lishlari masalaning mohiyatiga yetishga yordam
beradi.
Ushbu maqsadga erishish uchun “Tasavvuf va adabiyotning diniy-falsafiy asoslari” fani
talabalarni nazariy bilimlar, amaliy ko‘nikmalar, fanga doir muammolarga uslubiy yondashuv hamda
ilmiy dunyoqarashini shakllantirish vazifalarini bajarish maqsadga muvofiqdir.
Fan bo‘yicha talabalarning bilim, ko‘nikma va malakalariga quyidagi talablar qo‘yiladi: Tasavvuf tarixiga oid manbalar bilan bir katorda Markaziy Osiyodagi tasavvuf tariqatlari,
yurtimizdan chiqqan buyuk mutasavviflarning manqabaviy hayot yo‘li va ularning mashhur asarlari
mazmunini ham bilishlari kerak bo‘ladi. Bulardan tashqari, badiiy asarlar tarkibidagi irfoniy va
tasavvufiy g‘oya va talqinlarni anglashi, ramz va timsollar ma’nolari haqida bilimga;
Tavsiya etilgan badiiy asarlarni tahlil qilish va buning natijasida mutasavvif adiblar yoki
tasavvufiy tariqatlar mazmuniga doir qarashlarni o‘zlashtirish ko‘nikmasiga;
Mumtoz adabiyot namunalarining ifoda shakli, janr xususiyatlari, vazn talablari, ularda
qo‘llanilgan qofiya tizimi, she’riy san’atlarni aniqlay bilishi hamda til va uslublariga doir tahlillarni
amalga oshirish malakasiga ega bo‘lishi kerak.
FAN MODULINING DASTURI (MODULE SYLLABUS) O‘quv kursining to‘liq nomi: Tasavuf va tasavvuf adabiyotining diniy-falsafiy asoslari
