Seminar - latınca «seminarium» sözündən götürülüb «əkən» deməkdir. Sonralar «seminariy» sözü «seminar» şəklində ifadə olunmağa başlandı. Seminar məşğələləri zaman ötdükcə daha artıq inkişaf edərək ali məktəb həyatına sirayət etdi. Seminar məşğələləri, hər şeydən əvvəl, tələbələrdə elmi təfəkkür mədəniyyəti inkişaf etdirir, fənni daha dərindən öyrənməyə, elmi idrakın metodologiyasını mənimsəməyə geniş imkanlar açır. Seminar məşğələləri tələbələri nəzəri biliklərin tətbiqi ilə bağlı bacarıq və vərdişlərlə silahlandırır ki, bu da seminar məşğələsinin əsas didaktik funksiyasıdır. Ali məktəb təcrübəsində seminarın aşağıdakı tiplərindən istifadə olunur: • Seminar - sorğu; • Seminar - müsahibə; • Seminar - oxu; • Proseminar; • Seminar - yoxlama işi; • Seminar - diskussiya; • Seminar - disput; • Seminar - şifahi məruzə; • Seminar - referat; • Seminar - nəzəri konfrans; • Elmi seminar; • Tələbə elmi seminarı; • Seminar-tədqiqat. Proseminar (seminarqabağı seminar)- bir qayda olaraq birinci kurslarda gələcək seminar məşğələlərinə hazırlıq məqsədi daşıyır. Seminar-oxu -ixtisas hazırlığı ilə bağlı yeni informasiyanın oxunması, şərhi və lazımi qeydlər götürülməsi formasında təşkil olunur.
