Termiz davlat pedagogika instituti 70110501 -ta`lim va tarbiya nazariyasi va metodikasi (boshlang`ich ta`lim) mutaxassisligi II bosqich magistranti Ochildiyeva

Ishning uchinchi bobi “Tajriba-sinov ishlarini natijalari va tahlili” deyilib, unda pedagogik tajriba - sinovni o’tkazishning maqsad va vazifalari; pedagogik tajriba - sinov natijalari va tahlili bayon etilgan.
Boshlang’ich sinf o’quvchilarining ekologik tarbiyasi rivojlantirishga oid tayyorlangan didaktik, tarqatma materiallarni va ularning o’ziga xos jihatlari hamda o’qitish metodlarini zamonaviy ta’lim texnologiyalaridan foydalanib, pedagogik tajriba - sinov jarayonida sinab ko’rish maqullangan. Tanlangan materiallarni pedagogik tajriba - sinov jarayonida amaliyotga tadbiq etish tadqiqot ishining asosiy maqsadi bo’lib xizmat qilgan.
Tajriba - sinov jarayonida boshlang‘ich sinf o‘qituvchilari va boshlang‘ich sinf o‘quvchilari ishtirok etgan. Mazkur sinf o‘quvchilari tajriba va nazorat sinflariga ajratilgan. Unda jami 180 dan ortiq boshlang‘ich sinf o‘quvchilari qatnashgan. Tajriba ish bo‘yicha to‘plangan manbalarni tabiat ekologikasini rivojlantirishga doir o’quv materiallarini sinab ko’rish uchun yo‘lga qo‘yilgan bo’lib, unda 2-“b” va 3-“d” tajriba sinflari, o‘quv reja bo‘yicha an’anaviy tarzda olib boriladigan 2-“a” va 3-“g” nazorat sinflariga ajratilgan. Ularning hammasi 2 - 3 - sinf o‘quvchilari qilib belgilangan.
Pedagogik tajriba - sinov ishlari asosan boshlang’ich sinf tabiiy fan darslari misolida amalga oshirilgan. Unda olib borilgan pedagogik tajriba - sinov jarayonida suhbat, savol-javob, kuzatish, tajriba, anketa so‘rovnomalari, zamonaviy ta’lim texnologiyalariga asoslangan metodlardan foydalanilgan.
Magistr Ochildiyeva Gulnoza Baxriddin qizining “ Boshlang’ich sinf o’quvchilarida atrof-muhitga bo’lgan ijobiy munosabatni shakllantirish texnologiyasi” mavzusidagi dissertatsiyasi ishi O’zbekiston Respublikasi Vazirlar Mahkamasi huzuridagi Oliy attestatsiya komissiyasining magistirlik dissertatsiyalariga qo’yilgan Nizom talablariga javob beradi. Tadqiqot ishini keyingi bosqichga tavsiya etish mumkin.

Toshkent davlat pedagogika universiteti
Pedagogika fanlari bo’yicha falsafa
doktori (PhD), dotsent N. Normurodova